അസൂസിന്റെ ഇഇഇ പിസി 1225ബി നെറ്റ്ബുക്ക്

By Shabnam Aarif

Updated: Saturday, December 31, 2011, 12:42 [IST]

അസൂസിന്റെ പുതിയ നെറ്റ്ബുക്ക് കമ്പ്യൂട്ടറാണ് ഇഇഇ പിസി 1225ബി. വളരെ ഒുക്കമുള്ള ഡിസൈനുള്ള ഈ നെറ്റ്ബുക്കിന്റെ ഡിസ്‌പ്ലേ 11.6 ഉഞ്ച് ആണ്.

ഫീച്ചറുകള്‍:

11.6 ഇഞ്ച് സ്‌ക്രീന്‍

എല്‍ഇഡി ബാക്ക് ലൈറ്റ് ഡിസ്‌പ്ലേ

1366 x 768 പിക്‌സല്‍ സ്‌ക്രീന്‍ റെസൊലൂഷന്‍

ഡ്യുവല്‍ കോര്‍ എഎംഡി ഫ്യൂഷന്‍ ഇ450 പ്രോസസ്സര്‍

1.65 ജിഗാഹെര്‍ഡ്‌സ് ക്ലോക്ക് സ്പീഡ്

2 ജിബി / 4 ജിബി ഡിഡിആര്‍3 സിസ്റ്റം മെമ്മറി

750 ജിബി ഹാര്‍ഡ് ഡിസ്‌ക് ഡ്രൈവ്

0.3 മെഗാപിക്‌സല്‍ വെബ് ക്യാമറ

വൈഫൈ

എച്ച്ഡിഎംഐ കണക്റ്റിവിറ്റി

വിജിഎ

യുഎസ്ബി 3.0, 2.0 പോര്‍ട്ടുകള്‍

മള്‍ട്ടി ഫോര്‍മാറ്റ് കാര്‍ഡ് റീഡര്‍

6 സെല്‍ ബാറ്ററി

കറുപ്പ് നിറത്തില്‍ വരുന്ന ഈ നെറ്റ്ബുക്ക് വളരെ ചെറുതാണ്. ഇതിന്റെ ഡിസൈനും മറ്റു സജ്ജീകരണങ്ങളുമെല്ലാം വളരെ ലളിതമാണ്. ഈ നെറ്റ്ബുക്ക് കമ്പ്യൂട്ടര്‍ പെട്ടെന്നു കേടുവരില്ല എന്നാണ് പ്രതീക്ഷിക്കപ്പെടുന്നത്. QWERTY കീബോര്‍ഡ് ആണ് ഈ നെറ്റ്ബുക്കിന്റെ മറ്റൊരു പ്രത്യേകത. കീകള്‍ക്കിടയില്‍ ആവശ്യത്തിന് അകലം വരുത്തിയിട്ടുണ്ട്.

രണ്ടു ബട്ടണുകളുള്ള ടച്ച് പാഡും ഇതിലുണ്ട്. ഇതു ഇന്‍പുട്ട് പ്രവര്‍ത്തനങ്ങള്‍ എളുപ്പത്തിലാക്കുന്നു. മികച്ച ഡിസ്‌പ്ലേ ആയതിനാല്‍ ഹൈ ഡെഫനിഷന്‍ വീഡിയോകള്‍ കാണുന്നത് ഈ നെറ്റ്ബുക്ക് വളരെ നല്ല അനുഭവമാക്കുന്നു.

ഏതു വെളിച്ചത്തിലും ഇതിന്റെ ഡിസ്‌പ്ലേ മങ്ങില്ല എന്നതിനാല്‍ എവിടെ വെച്ചും ഇവ ഉപയോഗിക്കാവുന്നതാണ്. ഇതിന്റെ വ്യൂവിംഗ് ആന്‍ഗിളും മികച്ചതായതിനാല്‍ ദീര്‍ഘയാത്രകള്‍ക്ക് ഏറെ അനുയോജ്യമാണ് ഈ നെറ്റ്ബുക്ക്.

മുന്‍വശത്ത് മുകളിലായാണ് 0.3 മെഗാപിക്‌സല്‍ വെബ് ക്യാമറയുള്ളത്. ഇത് വീഡിയോ കോണ്‍ഫറന്‍സിംഗിനും വീഡിയോ ചാറ്റിംഗിനും ഏറെ സഹായകമാകുന്നു. ഇന്റര്‍നെറ്റ് ഉപയോഗിക്കാനുള്ള ഒരു ഉപകരണം എന്നതിലുപരി മറ്റു ആവശ്യങ്ങള്‍ക്കും ഈ നെറ്റ്ബുക്കിനെ ഉപയോഗപ്പെടുത്താന്‍ ഇതിന്റെ ഡ്യുവല്‍ കോര്‍ എഎംഡി ഫ്യൂഷന്‍ പ്രോസസ്സര്‍ പ്രാപ്തമാക്കുന്നു.

സാധാരണ നെറ്റ്ബുക്കുകളില്‍ താഴ്ന്ന ക്ലോക്ക് സ്പീഡ് ഉള്ള പ്രോസസ്സറുകളാണ് ഉണ്ടാവുക. എന്നാല്‍ ഇതിന് ഒരു അപവാദമാണ് അസൂസ് ഇഇഇ പിസി 1225ബി. ഇതിന്റെ വില പ്രഖ്യാപിക്കപ്പെട്ടിട്ടില്ല.