അസുസ് കെ43 ടിഎ നോട്ട്ബുക്ക് ലാപ്‌ടോപ്പ്

By Super

Updated: Saturday, October 15, 2011, 16:28 [IST]

ചെറിയ വിലയില്‍ നോട്ട്ബുക്കുകളും, കമ്പ്യൂട്ടറുകളും ഇറക്കുന്നതില്‍ അസുസിനുള്ള പങ്ക് വലുതാണ്. ഏറ്റവും പുതിയ അസുസ് ഉല്‍പന്നമായ അസുസ് കെ43 ടിഎ നോട്ട്ബുക്ക് വിപണിയില്‍ ഒരു തരംഗം തന്നെയാവും എന്നാണ് പ്രതീക്ഷിക്കപ്പെടുന്നത്.

ഇതിന്റെ നീണ്ട ബാറ്ററി ലൈഫ് ആയിരിക്കും ഈ നോട്ട്ബുക്കിന്റെ ഏറ്റവും വലിയ ആകര്‍ഷണം.

1366 x 768 പിക്‌സല്‍ റെസൊലൂഷന്‍ ഉള്ള 14 ഇഞ്ച് ജിസ്‌പ്ലേയുണ്ിതിന്. AMD M780G ചിപ്‌സെറ്റ് ഉപയോഗിക്കുന്ന 1.4 ജിഗാഹെര്‍ഡ്‌സ് പ്രോസസ്സര്‍, എഎംഡി റേഡിയോണ്‍ എച്ച്ഡി 6720ജി2 ഗ്രാഫിക്‌സ് സ്‌പെസിഫിക്കേഷന്‍, എന്നിവയുള്ള ഈ നോട്ട്ബുക്ക് വിന്‍ഡോസ് 7 ഹോം പ്രീമിയം ഓപറേറ്റിംഗ് സിസ്റ്റത്തിലാണ് പ്രവര്‍ത്തിക്കുന്നത്.

മറ്റു ഓപറേറ്റിംഗ് സിസ്റ്റങ്ങളെ അപേക്ഷിച്ച് കൂടുതല്‍ പ്രവര്‍ത്തന ക്ഷമത കണിയ്ക്കും ഈ വ്ന്‍ഡോസ് ഓപറേറ്റിംഗ് സിസ്റ്റം എന്നാണ് പ്രതീക്ഷിക്കപ്പെടുന്നത്.

4 ജിബി മെമ്മറി സ്റ്റോറേജ്, 500 ജിബി ഹാര്‍ഡ് ഡ്രൈവ് എന്നിവയുള്ള ഈ നോട്ട്ബുക്ക് ലാപ്‌ടോപ്പിന്റെ ഭാരം 2.1 കിലോഗ്രാം മാത്രം ആണ്. ഇതിന്റെ റാം 8 സജിബിയാണ്.

മള്‍ട്ടി ടച്ച് ട്രാക്ക് പാഡിനു താഴെയുള്ള ഹാര്‍ഡ് ഡിസ്‌ക്, എല്‍ഇഡി, വിജിഎ-ഔട്ട് സ്‌പെസിഫിക്കേഷനുള്ള എച്ച്ഡിഎംഐ ഔട്ട്പുട്ട്, ഹെഡ്‌ഫോണ്‍, മൈക്രോഫോണ്‍ ജാക്ക്, മൈക്രോ എസ്ഡി കാര്‍ഡ്, 2.0, 3.0 യുഎസ്ബി പോര്‍ട്ടുകള്‍, ജിഗാബിറ്റ് എഥര്‍നെറ്റ്, 802.11 b/ g/ n വൈഫൈ, ബ്ലൂടൂത്ത് കണക്റ്റിവിറ്റികള്‍ എന്നിവയെല്ലാം ഈ പുതിയ അസുസ് നോട്ട്ബുക്കിന്റെ പ്രത്യേകതകളാണ്.

കൂടാതെ, ഒരു ഡിവിഡി ബര്‍ണര്‍, ജിടോക്കിലും, സ്‌കൈപ്പിലും ഉപയോഗപ്പെടുത്താവുന്ന ഇന്‍ബില്‍ട്ട് വെബ് ക്യാം, 4 മണിക്കൂര്‍ 28 മിനിട്ട് ബാറ്ററി ലൈഫ് നല്‍കുന്ന ലിഥിയം അയണ്‍ ബാറ്ററി എന്നിവയും അസുസ് കെ43 ടിഎ നോട്ട്ബുക്കിന്റെ പ്രത്യേകതകളില്‍ പെടും.

2 വര്‍ഷത്തെ വാറന്റിയോടെ പുറത്തിറങ്ങുന്ന, അസുസ് കെ43 ടിഎ നോട്ട്ബുക്കിന്റെ വില 41, 000 രൂപയാണ്.