2020ൽ ഇന്ത്യയിൽ നിന്നും നിങ്ങൾക്ക് വാങ്ങാവുന്ന മികച്ച ലാപ്ടോപ്പുകൾ

നിരവധി ലാപ്‌ടോപ്പുകൾ ഇപ്പോൾ വിപണിയിൽ ലഭ്യമാണ്. വീഡിയോ എഡിറ്റിംഗ്, 3 ഡി റെൻഡറിംഗ്, നല്ല ഇന്റർനെറ്റ് കണക്റ്റിവിറ്റിയുള്ള എന്ന് തുടങ്ങി നിരവധി ആവശ്യങ്ങൾ നിറവേറ്റാൻ ഏറ്റവും മികച്ച ലാപ്‌ടോപ്പുകൾ ആവശ്യമായി വന്നേക്കാം. ഇന്ത്യയിൽ നിന്നും നിങ്ങൾക്ക് സ്വന്തമാക്കാവുന്ന ഏറ്റവും മികച്ച അഞ്ച് ലാപ്‌ടോപ്പുകളെ ഇവിടെ പരിചയപ്പെടാം.

എച്ച്പി സ്‌പെക്ടർ എക്‌സ് 360

2020 ലെ ഏറ്റവും മികച്ച ലാപ്‌ടോപ്പുകളിൽ ഒന്നാണ് എച്ച്പി സ്‌പെക്ടർ എക്‌സ് 360. ഇത് നേർത്തതും ഭാരം കുറഞ്ഞതും കൈകാര്യം ചെയ്യുവാൻ എളുപ്പവുമാണ്. എന്നാൽ, എച്ച്പി സ്‌പെക്ടർ എക്‌സ് 360 യെ മറ്റുള്ളവയിൽ നിന്നും വേർതിരിക്കുന്ന ഒരു സവിശേഷത എൽടിഇ നെറ്റ്‌വർക്കിംഗിനുള്ള സപ്പോർട്ടാണ്. 1920x1080 പിക്‌സൽ റെസല്യൂഷനുള്ള 13.30 ഇഞ്ച് ഡിസ്‌പ്ലേയുള്ള വിൻഡോസ് 10 പ്രൊഫഷണൽ ലാപ്‌ടോപ്പാണ് എച്ച്പി സ്‌പെക്ടർ എക്‌സ് 360. കോർ ഐ 7 പ്രോസസറാണ് ഇതിന്റെ കരുത്ത്. 8 ജിബി റാമും ഇതിലുണ്ട്. എച്ച്പി സ്‌പെക്ടർ എക്‌സ് 360 256 ജിബി എസ്എസ്ഡി സ്റ്റോറേജ് പായ്ക്ക് ചെയ്യുന്നു. ഇന്റൽ ഇന്റഗ്രേറ്റഡ് യുഎച്ച്ഡി ഗ്രാഫിക്സ് 620 ആണ് ഗ്രാഫിക്സ് പ്രവർത്തിപ്പിക്കുന്നത്. വൈ-ഫൈ 802.11 എസി, ബ്ലൂടൂത്ത് കണക്റ്റിവിറ്റി ഓപ്ഷനുകളിൽ ഉൾപ്പെടുന്നു, കൂടാതെ, 3 യുഎസ്ബി പോർട്ടുകൾ, മൈക്ക് ഇൻ പോർട്ടുകൾ എന്നിവ ഇതിൽ ഉൾപ്പെടുന്നു. 2020 ഡിസംബർ 30 ലെ കണക്കനുസരിച്ച് ഇന്ത്യയിൽ എച്ച്പി സ്‌പെക്ടർ എക്‌സ് 360 വില ആരംഭിക്കുന്നത് 1,21,499 രൂപ മുതലാണ്.

അസ്യൂസ് റോഗ് സെഫൈറസ് ജി 14

തുടക്കക്കാർക്കായുള്ള ഒരു മികച്ച ലാപ്‌ടോപ്പാണ് അസ്യൂസ് സെഫൈറസ് ജി 14. ഈ ലാപ്ടോപ്പ് ചില സാധാരണ 14 ഇഞ്ച് ലാപ്ടോപ്പുകളേക്കാൾ ചെറുതാണ്. പരമ്പരാഗത ഗെയിമിംഗ് ലാപ്‌ടോപ്പിനേക്കാൾ പ്രൊഫഷണൽ മെഷീനായി കാണപ്പെടുന്ന ഇത് വൈറ്റ് ആൻഡ് സിൽവർ കളർ സ്കീമാണ് ഇവിടെ മറ്റൊരു പ്രധാന സവിശേഷത. മുകളിലെ പാനലിലെ പുതിയ ആനിമെ മാട്രിക്സ് ഡിസ്പ്ലേ വരുന്നു. മുഴുവൻ സെറ്റപ്പിലും 1215 മിനി-എൽഇഡികൾ അടങ്ങിയിരിക്കുന്നു. പാനലിന് ലിഡിൽ ഒരു ഡോട്ട് മാട്രിക്സ് ഡിസൈൻ ഉണ്ട്. അസ്യൂസ് റോഗ് സെഫൈറസ് ജി 14 ഒരു ഗെയിമിംഗ് ലാപ്‌ടോപ്പിന്റെ കാഴ്ചപ്പാട് മാറ്റി. ലോകത്തിലെ ഏറ്റവും വേഗതയേറിയ മൊബൈൽ സിപിയുകളിൽ ഒന്നാണ് റൈസൺ 4800 എച്ച്എസ് പ്രോസസർ നൽകുന്ന ഈ മോഡൽ. അതിനുമുകളിൽ, ലാപ്ടോപ്പിന് എൻ‌വിഡിയ ആർ‌ടി‌എക്സ് ജിപിയു ഉണ്ട്. 2 കെ ഗെയിമിംഗ് ഒരു പ്രശ്‌നവുമില്ലാതെ കൈകാര്യം ചെയ്യാൻ കഴിവുള്ളതാണ് ഈ ലാപ്ടോപ്പ്.

ഏലിയൻ‌വെയർ എം15 ആർ3

വിപണിയിലെ ഏറ്റവും പുതിയ സിപിയു, ജിപിയു എന്നിവയ്ക്കൊപ്പം ഉയർന്ന പ്രകടനത്തിനുള്ള പര്യായമാണ് ഏലിയൻവെയർ എം 15 ആർ 3. എക്‌സ്‌പ്രസ്സീവ് ഗെയിമിംഗ് സെഷന്റെ മികച്ച പ്രകടനം നിലനിർത്താൻ ലാപ്‌ടോപ്പ് ദീർഘനേരം നീണ്ടുനിൽക്കുന്നതാണ്. ഇന്റൽ കോർ ഐ 9 സിപിയു, എൻവിഡിയ ആർടിഎക്സ് 2080 സൂപ്പർ മാക്സ് ക്യു ജിപിയു എന്നിവയുമായി യാതൊരു വിട്ടുവീഴ്ചയുമില്ലാത്ത ആൽഫ ഗെയിമിംഗ് ലാപ്‌ടോപ്പാണിത്. 15.6 ഇഞ്ച് 4 കെ ഒ‌എൽ‌ഇഡി ഡിസ്‌പ്ലേയാണ് ഏലിയൻ‌വെയർ എം15 ആർ3നെ വ്യത്യസ്തമാക്കുന്ന മറ്റൊരു കാരണം. ഗെയിമിംഗിലും കണ്ടെന്റ് ഉപഭോഗത്തിലും അതിശയകരമായ പെർഫോമൻസ് നൽകുന്ന ഒരു ലാപ്‌ടോപ്പാണ് ഇത്.

അസ്യൂസ് ടിയുഎഫ് എ15

മികച്ച പ്രകടനമുള്ള ഒരു ബജറ്റ് ലാപ്‌ടോപ്പാണ് അസ്യൂസ് ടിയുഫ് എ 15. എൻ‌വിഡിയ ജിടിഎക്സ് 1650 ടി ഉപയോഗിച്ച് റൈസൺ 4800 എച്ച് സിപിയു നൽകുന്ന ടിയുഫ് എ 15 മികച്ച ഗെയിമിംഗ് പ്രകടനം വാഗ്ദാനം ചെയ്യുന്നു. മാത്രമല്ല, ഒരു പ്രശ്നവുമില്ലാതെ വീഡിയോ എഡിറ്റിംഗ് പോലുള്ള ജോലികൾ ചെയ്യാനും കഴിയും. ലാപ്‌ടോപ്പിന് മികച്ച കീബോർഡും വരുന്നു. എന്നാൽ, ഡിസ്പ്ലേ അത്ര മികച്ചതല്ല, ഇത് ഈ ലാപ്‌ടോപ്പിന്റെ ലെറ്റ്ഡൗണുകളിൽ ഒന്നാണ്. മൊത്തത്തിൽ, പെർഫോമൻസിനെ അടിസ്ഥാനമാക്കിയുള്ള ലാപ്‌ടോപ്പാണ് ഇത്.

ലെനോവോ യോഗ സ്ലിം 7

ടോപ്പ് ടയർ ഡിസൈനും ബിൽഡ് ക്വാളിറ്റിയും ഉപയോഗിച്ച് മികച്ച പ്രകടനം കാഴ്ചവെച്ച മറ്റൊരു തിൻ-ലൈറ്റ് ലാപ്‌ടോപ്പാണ് ലെനോവോ യോഗ സ്ലിം 7. ലൈറ്റ് ലാപ്‌ടോപ്പ് ആഗ്രഹിക്കുന്ന, ബേസിക് പെർഫോമൻസിൽ വിട്ടുവീഴ്ച ചെയ്യാത്ത, ദിവസം മുഴുവൻ ബാറ്ററി ലൈഫ് നൽകുന്ന ഒരു ലാപ്‌ടോപ്പാണ് ഇത്.