ലോകത്തിലെ ഏറ്റവും വില കുറഞ്ഞ ലാപ്‌ടോപ് , സാംസങ്ങിന്റെ ഗൂഗിള്‍ ക്രോം ബുക്ക് പുറത്തിറങ്ങി

By Super

Updated: Friday, April 12, 2013, 18:27 [IST]

ആഗോള ഉപകരണവിപണിയെ ഞെട്ടിയ്ക്കുവാനും, ഇന്ത്യ പോലുള്ള രാജ്യങ്ങളിലെ ലോ ബജറ്റ് ആരാധകരെ പുളകം കൊള്ളിയ്ക്കാനുമായി സാംസങ്ങിന്റെ നിര്‍മാണത്തില്‍, ഗൂഗിളിന്റെ നാമധേയത്തില്‍ ഗൂഗിള്‍ ക്രോം ബുക്ക് എന്ന അള്‍ട്രാ സ്ലിം ലാപ്‌ടോപ് പുറത്തിറങ്ങി. 249 ഡോളര്‍,ഏകദേശം 13,500 രൂപ വിലയുള്ള ഈ മെലിഞ്ഞ ലാപ്‌ടോപ് ലോകത്തെ ഏറ്റവും വില കുറഞ്ഞതാണെന്നാണ് നിര്‍മാതാക്കള്‍ പറയുന്നത്.

ഗൂഗിള്‍ ക്രോം ഓ എസ്സിലാണ് ക്രോം ബുക്ക് പ്രവര്‍ത്തിയ്ക്കുന്നത്.കുറഞ്ഞ ഓഫ് ലൈന്‍ കഴിവുകളും,ഏകദേശം 8 സെക്കണ്ട് ബൂട്ടിംഗ് സമയവുമുള്ള ഈ ലാപ്‌ടോപ് ഇന്റര്‍നെറ്റുമായി ബന്ധിപ്പിച്ച് ഉപയോഗിയ്ക്കുവാന്‍ വേണ്ടിയാണ് പ്രധാനമായും രൂപകല്പന ചെയ്തിരിയ്ക്കുന്നത്. വേഡ് പ്രോസസ്സിംഗ്, ഇന്‍സ്റ്റന്റ് മെസ്സേജിംഗ് തുടങ്ങിയ പരമ്പരാഗത ആപ്ലിക്കേഷനുകള്‍ ഇന്‍സ്റ്റാള്‍ ചെയ്യുന്നതിന് പകരം ഉപയോക്താക്കള്‍ക്ക് ക്രോം വെബ് സ്‌റ്റോറില്‍ നിന്ന് വെബ് ആപ്ലിക്കേഷനുകള്‍ ചേര്‍ക്കാന്‍ സാധിയ്ക്കും. മള്‍ട്ടി ലെയര്‍ സുരക്ഷിതത്വം ഉറപ്പാക്കുന്ന രൂപകല്പന ആന്റി വൈറസുകളുടെ ആവശ്യം അപ്രസക്തമാക്കുമെന്നാണ് ഗൂഗിളിന്റെ വാദം.

ക്യാമറ, മൈക്ക്, സ്റ്റോറേജ് ഉപകരണങ്ങള്‍ തുടങ്ങിയ യു എസ് ബി ഡിവൈസുകള്‍ സപ്പോര്‍ട്ട് ചെയ്യുന്ന ഈ ലാപ്‌ടോപ്പിന്റെ കീ ബോഡ് Cr-48 ലേത് പോലെ തന്നെ വ്യത്യസ്തമാണ്. ഓരോ ബ്രൗസര്‍ വിന്‍ഡോകള്‍ തുറക്കാനും നിയന്ത്രിക്കാനും പ്രത്യേകം ബട്ടണുകള്‍ ഉണ്ട്. കാപ്‌സ് ലോക്ക് കീയ്ക്ക് പകരം വെബ് സെര്‍ച്ച് കീയാണുള്ളത്.

ക്രോം ബുക്കിന്റെ സവിശേഷതകള്‍