ഗൂഗിള്‍ 3 ഡി ടാബ്ലറ്റ് പുറത്തിറക്കി!!!

ഉപയോഗിക്കുന്ന വ്യക്തിയുടെ ശാരീരിക ചലനങ്ങള്‍ മനസിലാക്കി പ്രതികരിക്കുന്ന 3 ഡി ടാബ്ലറ്റ് ഗൂഗിള്‍ പുറത്തിറക്കി. പ്രൊജക്റ്റ് ടാങ്കോ പദ്ധതിയുടെ ഭാഗമായി ഗൂഗിളിന്റെ അഡ്വാന്‍സ്ഡ് ടെക്‌നോളജി ആന്‍ഡ് പ്രൊജക്റ്റ്‌സ് ടീമാണ് ടാബ്ലറ്റ് വികസിപ്പിച്ചത്.

മനുഷ്യനെ പോലെ സ്വയം കാര്യങ്ങള്‍ മനസിലാക്കി പ്രവര്‍ത്തിക്കുന്ന തരത്തിലേക്ക് ഉപകരണങ്ങളെയും മാറ്റുക എന്നതാണ് പ്രൊജക്റ്റ് ടാങ്കേയുടെ ലക്ഷ്യം. സെന്‍സറുകളുടെ സഹായത്തോടെയാണ് ഇത് സാധ്യമാക്കുന്നത്.

എന്നാല്‍ ഈ ടാബ്ലറ്റുകള്‍ ഉപഭോക്താക്കള്‍ക്ക് നല്‍കില്ല. ഗൂഗിളിന്റെ ഡെവലപ്പേഴ്‌സിനു മാത്രം ഉള്ളതാണ്. 1024 ഡോളര്‍ ആയിരിക്കും വില. നിലവില്‍ 4000 3 ഡി ടാബ്ലറ്റുകള്‍ ഗൂഗിള്‍ നിര്‍മിച്ചുകഴിഞ്ഞു.

7 ഇഞ്ച് സ്‌ക്രീന്‍ ഉള്ള ടാബ്ലറ്റില്‍ ടെഗ്ര K1 പ്രൊസസറാണ് ഉള്ളത്. 128 ജി.ബി. മെമ്മറി, 4 ജി.ബി. റാം, മോഷന്‍ ട്രാക്കിംഗ് ക്യാമറ, വൈ-ഫൈ, BTLE, 4 ജി, LTE എന്നിവയാണ് ടാബ്ലറ്റ്ിന്റെ പ്രത്യേകതകള്‍.