53W ബാറ്ററിയുമായി എച്ച്പി പ്രോബുക്ക് 635 എയ്‌റോ ജി 7 ലാപ്‌ടോപ്പ് ഇന്ത്യയിൽ അവതരിപ്പിച്ചു: വില, സവിശേഷതകൾ

എച്ച്പി പ്രോബുക്ക് 635 എയ്റോ ജി 7: വില ഇന്ത്യയിൽ, ലഭ്യത

പുതിയ എച്ച്പി പ്രോബുക്ക് 635 എയ്‌റോ ജി 7 ലാപ്‌ടോപ്പ് ഇന്ത്യയിൽ 74,999 രൂപയാണ് വിലവരുന്നത്. എഎംഡി റൈസൺ 5 പ്രോസസർ, എഎംഡി റൈസൺ 7 പ്രോസസർ എന്നിവയുടെ ഓപ്ഷനുകളാണ് നോട്ട്ബുക്കിൽ വരുന്നത്. കമ്പനി വെബ്സൈറ്റിൽ പ്രീ-ഓർഡറുകൾക്കായി ലാപ്ടോപ്പുകൾ തയ്യാറാണ്. അതിൽ പ്രതീക്ഷിക്കുന്ന ഷിപ്പിംഗ് സമയം നാല് മുതൽ ആറ് ആഴ്ച വരെയാണ്.

എച്ച്പി പ്രോബുക്ക് 635 എയ്‌റോ ജി 7 സവിശേഷതകൾ

വിൻഡോസ് 10 പ്രോയിൽ പ്രവർത്തിക്കുന്ന എച്ച്പി പ്രോബുക്ക് 635 എയ്‌റോ ജി 7, 13.3 ഇഞ്ച് ഫുൾ എച്ച്ഡി (1,920x1,080 പിക്‌സൽ) ഐപിഎസ് ഡിസ്‌പ്ലേ, 1000 നിറ്റ്സ് ബറൈറ്നെസ്സ്, 86.2 ശതമാനം സ്‌ക്രീൻ-ടു-ബോഡി റേഷിയോ, എച്ച്പി സ്യൂവർ വ്യൂ ഇന്റഗ്രേറ്റഡ് കോപ്പർ-ടിൻ‌ഡ് പ്രൈവസി സ്ക്രീൻ എന്നിവ വരുന്നു. രണ്ട് മോഡലുകളിലാണ് ഈ ലാപ്‌ടോപ്പ് വരുന്നത് - ഒന്ന് എഎംഡി റൈസൺ 5 പ്രോസസറാണ്, മറ്റൊന്ന് എഎംഡി റൈസൺ 7 പ്രോസസറാണ്. എഎംഡി റൈസൺ 5 പ്രോസസർ 8 ജിബി റാമുമായി വരുന്നു, എഎംഡി റൈസൺ 7 പ്രോസസർ 16 ജിബി റാമുമായാണ് വരുന്നത്. 512 ജിബി എസ്എസ്ഡി ഓൺബോർഡ്, എഎംഡി റേഡിയൻ ഗ്രാഫിക്സ്, 720 എച്ച്ഡി വെബ് ക്യാമറ, ഡ്യുവൽ സ്റ്റീരിയോ സ്പീക്കറുകൾ, ഡ്യുവൽ-അറേ മൈക്രോഫോൺ സപ്പോർട്ട് എന്നിവയുണ്ട്.

എച്ച്പി പ്രോബുക്ക് 635 എയ്റോ ജി 7 ലാപ്ടോപ്പിലെ കണക്റ്റിവിറ്റി ഓപ്ഷനുകളിൽ ഇന്റൽ എഎക്സ് 200 വൈ-ഫൈ 6, ബ്ലൂടൂത്ത് 5, മൾട്ടി-യൂസർ മിമോ, മിറകാസ്റ്റ് എന്നിവ ഉൾപ്പെടുന്നു. സൂചിപ്പിച്ചതുപോലെ, 42Wh ബാറ്ററിയോ 53Wh ബാറ്ററിയോ സംയോജിപ്പിക്കുന്നതിനുള്ള ഓപ്ഷനുകളും ഇതിൽ ഉണ്ട്. ഈ ലാപ്‌ടോപ്പിന് 0.99 കിലോഗ്രാം ഭാരമാണ് വരുന്നത്. എച്ച്പി പ്രോബുക്ക് 635 എയ്റോ ജി 7 ൽ രണ്ട് യുഎസ്ബി ടൈപ്പ്-എ പോർട്ടുകൾ, ഒരു യുഎസ്ബി ടൈപ്പ്-സി പോർട്ട്, ഒരു ഹെഡ്ഫോൺ / മൈക്രോഫോൺ കോംബോ ജാക്ക്, ഒരു നാനോ സെക്യൂരിറ്റി ലോക്ക് സ്ലോട്ട്, ഒരു എച്ച്ഡിഎംഐ 2.0 പോർട്ട്, ഒരു എസി പവർ പോർട്ട് എന്നിവ ഉൾപ്പെടുന്നു.