ലെനൊവൊയുടെ 6,999 രൂപയുടെ 4ജി ടാബ് ഇതാ....!

സ്മാര്‍ട്ട്‌ഫോണ്‍, പിസി നിര്‍മ്മാതാക്കളായ ലെനൊവൊ 4ജി സവിശേഷതയോട് കൂടിയ എ 6000 ആന്‍ഡ്രോയിഡ് ടാബ്‌ലറ്റ് ലോഞ്ച് ചെയ്തു. 6,999 രൂപയാണ് ഇതിന്റെ വില, അടുത്ത് തന്നെ ലോഞ്ച് ചെയ്ത റെഡ്മി 4ജി നോട്ട്, മൈക്രോമാക്‌സിന്റെ യു യുറേക്ക എന്നിവയുമായി കടുത്ത പോരാട്ടം എ 6000 കാഴ്ചവയ്ക്കുമെന്നാണ് പ്രതീക്ഷിക്കുന്നത്.

ഈ 4ജി ടാബ്‌ലറ്റ് ഫഌപ്കാര്‍ട്ടില്‍ ഓണ്‍ലൈന്‍ ഫഌഷ് വില്‍പ്പനയിലൂടെയാണ് നിലവില്‍ ലഭിക്കുക. ജനുവരി 28-ന് 2 മണിക്കാണ് ഇതിന്റെ വില്‍പ്പന ആരംഭിക്കുക. ലെനൊവൊ എ 6000 ബാന്‍ഡ് 3, ബാന്‍ഡ് 4 നെറ്റ്‌വര്‍ക്ക് പിന്തുണ ലഭിക്കുന്നതാണ്.

ടാബില്‍ 5 ഇഞ്ചിന്റെ എച്ച്ഡി ഐപിഎസ് സ്‌ക്രീനാണ് നല്‍കിയിരിക്കുന്നത്, 1.2 ഗിഗാഹെര്‍ട്ട്‌സിന്റെ 64 ബിറ്റ് ക്വാഡ്‌കോര്‍ സ്‌നാപ്ഡ്രാഗണ്‍ പ്രൊസസ്സറാണ് ഇതിനുളളത്. 1 ജിബി റാം കൂടാതെ അന്‍ഡ്രോയിഡ് 5.0 ലോലിപോപ്പിലേക്കുളള പരിഷ്‌ക്കരണവും കമ്പനി ഉറപ്പു നല്‍കുന്നു.

അതേസമയം, പുതിയ ഒഎസ് അപ്‌ഡേറ്റ് എന്ന് ലഭിക്കുമെന്നതിനെക്കുറിച്ച് ലെനൊവൊ കൂടുതല്‍ വിവരങ്ങള്‍ ലഭ്യമാക്കിയിട്ടില്ല. 8 മെഗാപിക്‌സലിന്റെ റിയര്‍ ക്യാമറയും, 2എംപിയുടെ സെക്കന്‍ഡറി ക്യാമറയും ഇതിന് നല്‍കിയിരിക്കുന്നു. 2300 എംഎഎച്ചിന്റെ ബാറ്ററി 13 മണിക്കൂറിന്റെ ടോക്ക് ടൈമും 3ജി നെറ്റ്‌വര്‍ക്കില്‍ 264 മണിക്കൂറിന്റെ സ്റ്റാന്‍ഡ്‌ബൈ ടൈമും നല്‍കുന്നു.