കോം‌പാക്റ്റ് കീബോർഡുള്ള റാസ്‌ബെറി പൈ 400 അവതരിപ്പിച്ചു: വില, സവിശേഷതകൾ

2019 ൽ അവതരിപ്പിച്ച റാസ്ബെറി പൈ 4 SoC അടിസ്ഥാനമാക്കിയുള്ള കമ്പനി ഇതിനെ റാസ്ബെറി പൈ 400 എന്ന് വിളിക്കുന്നു. എല്ലാം ഈ കോം‌പാക്റ്റ് കീബോർഡിൽ ഉൾപ്പെടുത്തിയിരിക്കുന്നു എന്ന കാര്യം ഒരുപക്ഷെ അത്ഭുതപ്പെടുത്തുന്നതായിരിക്കാം. കൂടാതെ, ഒരു കംപ്ലീറ്റ് ലാപ്‌ടോപ്പുകൾ പോലും വാഗ്ദാനം ചെയ്യുന്നതിൽ പരാജയപ്പെടുന്ന പോർട്ടുകളും ഇതിലുണ്ട് എന്നത് പറഞ്ഞറിയിക്കേണ്ട മറ്റൊരു സവിശേഷതയാണ്.

വീട്ടിൽ നിന്ന് ജോലി ചെയ്യുന്നതും വീട്ടിൽ നിന്ന് പഠിക്കുന്നതും ഇപ്പോഴത്തെ അവസ്ഥയിൽ പുതിയ മാനദണ്ഡമായി മാറിയതിനാൽ, പിസിയിലോ കമ്പ്യൂട്ടറിലോ ധാരാളം ചെലവഴിക്കാൻ കഴിയാത്ത ആളുകൾക്ക് ഇതുപോലുള്ള ഒരു കമ്പ്യൂട്ടർ വലിയൊരു സഹായമായിരിക്കും. എല്ലാത്തിനും പുറമെ, റാസ്ബെറി പൈ 400 പേഴ്സണൽ കമ്പ്യൂട്ടർ കിറ്റും വിൽക്കുന്നു, അതിൽ പൈ 400 ഉപയോഗിക്കാൻ ആവശ്യമായ എല്ലാ ആക്‌സസറികളും ഉൾപ്പെടുന്നു.

റാസ്ബെറി പൈ 400 കമ്പ്യൂട്ടർ, യുഎസ്ബി മൗസ്, യുഎസ്ബി-സി പവർ സപ്ലൈ, മുൻകൂട്ടി ഇൻസ്റ്റാൾ ചെയ്ത റാസ്ബെറി പൈ ഒഎസുള്ള എസ്ഡി കാർഡ്, മൈക്രോ എച്ച്ഡിഎംഐ മുതൽ എച്ച്ഡിഎംഐ കേബിൾ, ഔദ്യോഗിക റാസ്ബെറി പൈ ബിഗിനേഴ്സ് ഗൈഡ് എന്നിവ ഇതിൽ നിന്നും ലഭിക്കുന്ന കിറ്റിൽ ഉൾപ്പെടുന്നു. ഇത് ഒരു മോണിറ്ററിലേക്കോ ടിവിയിലേക്കോ പ്ലഗ് ചെയ്യ്ത് ഉപയോഗിക്കാവുന്നതാണ്. മാത്രമല്ല, നിങ്ങൾക്ക് ഇത് ഒരു പിസിയിലും കണക്റ്റ് ചെയ്യാവുന്നതാണ്.

2020 അവസാനത്തോടെ റാസ്ബെറി പൈ 400 ഇന്ത്യയിൽ ലഭ്യമാകുമെന്ന് കമ്പനി ഔദ്യോഗികമായി സ്ഥിരീകരിച്ചു. ഇതിന് പൂർണ്ണമായ ഒരു ലാപ്‌ടോപ്പിന് പകരക്കാരനാകുവാൻ കഴിയില്ല. എന്നാൽ ഇത് തീർച്ചയായും നിരവധി ഉപയോക്താക്കൾക്കുള്ള മികച്ച ഒരു സ്പെഷ്യൽ കമ്പ്യൂട്ടറാണ്. വെബ് ബ്രൗസ് ചെയ്യാനും ഇ-മെയിലുകൾ അയയ്ക്കാനും ഓൺലൈൻ ക്ലാസുകളിൽ ഉപയോഗിക്കാനും സാധിക്കുന്നതാണ്.