ഇന്റൽ കോർ ഐ 5 / കോർ ഐ 7 പ്രോസസറുകളുമായി സാംസങ് ഗാലക്‌സി ബുക്ക് ഫ്ലെക്‌സ് 2 ആൽഫ അവതരിപ്പിച്ചു

സാംസങ് ഗാലക്‌സി ബുക്ക് ഫ്ലെക്‌സ് 2 ആൽഫ ലാപ്‌ടോപ്പിൻറെ വിലയും, ലഭ്യതയും

സാംസങ് ഗാലക്‌സി ബുക്ക് ഫ്ലെക്സ് 2 ആൽഫ ഇപ്പോൾ യു‌എസ് കമ്പനി വെബ്‌സൈറ്റിൽ പ്രീ-ബുക്കിംഗിനായി ലഭ്യമാക്കിയിട്ടുണ്ട്. ഇന്റൽ കോർ ഐ 5 പ്രോസസറുള്ള ഈ ലാപ്‌ടോപ്പ് 849 ഡോളർ (ഏകദേശം 63,000 രൂപ) മുതൽ വില ആരംഭിക്കുന്നു. ഇന്റൽ കോർ ഐ 7 പ്രോസസറുള്ള ബ്ലാക്ക് ആൻഡ് സിൽവർ കളർ ഓപ്ഷൻ 1,049 ഡോളർ (ഏകദേശം 77,700 രൂപ) വിലയ്ക്ക് ലഭ്യമാണ്. പുതിയ സാംസങ് ലാപ്ടോപ്പുകൾ വാങ്ങുന്നതിന് 499 ഡോളർ (ഏകദേശം 37,000 രൂപ) മുതൽ വില ആരംഭിക്കുന്ന ട്രേഡ്-ഇൻ ഓഫറുകളും യുഎസിലെ ഉപഭോക്താക്കൾക്ക് ഉപയോഗിക്കാവുന്നതാണ്.

സാംസങ് ഗാലക്‌സി ബുക്ക് ഫ്ലെക്‌സ് 2 ആൽഫ ലാപ്ടോപ്പിൻറെ സവിശേഷതകൾ

2-ഇൻ-1 കൺവേർട്ടിബിൾ ഡിസൈനിലാണ് സാംസങ് ഗാലക്‌സി ബുക്ക് ഫ്ലെക്‌സ് 2 ആൽഫ ലാപ്‌ടോപ്പ് നിർമിച്ചിരിക്കുന്നത്. 13.3 ഇഞ്ച് ക്യുഎൽഇഡി ഫുൾ എച്ച്ഡി (1,920x1,080 പിക്‌സൽ) ടച്ച്‌സ്‌ക്രീൻ ഡിസ്‌പ്ലേയാണ് ഇതിലുള്ളത്. വീടിനുള്ളിൽ 400 നിറ്റ് ബറൈറ്നെസ്സും 600 നീറ്റ്സ് ഔട്ട്‌ഡോർ മോഡും നൽകുവാൻ ഇതിന് കഴിയും. ഇലവൻത്ത് ജനറേഷൻ ഇന്റൽ കോർ ഐ 5 / കോർ ഐ 7 പ്രോസസറാണ് ലാപ്‌ടോപ്പിന് കരുത്ത് പകരുന്നത്. ഇന്റൽ കോർ ഐ 5 പ്രോസസറുള്ളത് 8 ജിബി എൽപിഡിഡിആർ 4 എക്‌സ് റാമും എസ്എസ്ഡി 256 ജിബി സ്റ്റോറേജുമായി ജോടിയാക്കുന്നു. ഇന്റൽ കോർ ഐ 7 സിപിയു ഉള്ളവയ്ക്ക് 16 ജിബി എൽപിഡിഡിആർ 4 എക്‌സ് റാമും 512 ജിബി എസ്എസ്ഡി സ്റ്റോറേജും ലഭിക്കും.

സാംസങ് ഗാലക്‌സി ബുക്ക് ഫ്ലെക്‌സ് 2 ആൽഫയ്ക്ക് അലുമിനിയം ബിൽഡ്, ബാക്ക്‌ലിറ്റ് കീബോർഡ്, വലിയ ഗ്ലാസ് ട്രാക്ക്പാഡ് എന്നിവയുണ്ട്. 720 പിക്‌സൽ വെബ്‌ക്യാം, ഡ്യുവൽ-അറേ മൈക്രോഫോണുകൾ, ഡോൾബി അറ്റ്‌മോസ് ഓഡിയോയുള്ള രണ്ട് 1.5W സ്റ്റീരിയോ സ്പീക്കറുകൾ എന്നിവയും ഉപയോക്താക്കൾക്ക് ലഭിക്കും. സുരക്ഷയ്ക്കായി ഫിംഗർപ്രിന്റ് സെൻസർ ഉണ്ട്. ഇത് വിൻഡോസ് 10 ഹോം ഓപ്പറേറ്റിംഗ് സിസ്‌റ്റത്തിലാണ് പ്രവർത്തിപ്പിക്കുന്നത്. വൈ-ഫൈ 6, ബ്ലൂടൂത്ത് വി 5.1 എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. രണ്ട് യുഎസ്ബി 3.2 ടൈപ്പ്-എ പോർട്ടുകൾ, ഒരു യുഎസ്ബി ടൈപ്പ്-സി പോർട്ട്, എച്ച്ഡിഎംഐ പോർട്ട്, മൈക്രോ എസ്ഡി കാർഡ് സ്ലോട്ട്, 3.5 എംഎം ഹെഡ്ഫോൺ ജാക്ക് എന്നിവയാണ് ഉൾപ്പെടുത്തിയിട്ടുള്ള മറ്റ് പോർട്ടുകൾ. ഈ ലാപ്‌ടോപ്പിന് 12x7.95x0.55 ഇഞ്ച് മില്ലിമീറ്റർ അളവിൽ 2.62 പൗണ്ട് (ഏകദേശം 1.18 കിലോഗ്രാം) ഭാരമുണ്ട്.