ലോകത്തെ ഏറ്റവും മെലിഞ്ഞതും കനം കുറഞ്ഞതുമായ ടാബ്ലറ്റ് സോണി പുറത്തിറക്കി. ബാര്‍സലോണയില്‍ നടക്കുന്ന മൊബൈല്‍ വേള്‍ഡ് കോണ്‍ഗ്രസിലാണ് എക്‌സ്പീരിയ ടാബ്ലറ്റ് Z2 എന്ന പുതിയ ടാബ്ലറ്റ് കമ്പനി അവതരിപ്പിച്ചത്. 6.4 mm തിക്‌നസ് ഉം 426 ഗ്രാം ഭാരവുമാണ് ടാബ്ലറ്റിനുള്ളത്. ആപ്പിള്‍ ഐ പാഡിനെക്കാള്‍ കുറവാണ് ഇത്.
1200-1920 പിക്‌സല്‍ റെസല്യൂഷനോടു കൂടിയ 10.1 ഇഞ്ച് ഫുള്‍ HD സ്‌ക്രീനുള്ള ടാബ്ലറ്റിന് 2.3 GHz ക്വാഡ് കോര്‍ പ്രൊസസറാണ് ഉള്ളത്. 3 ജി.ബി. റാം, 16 ജി.ബി. ഇന്റേണല്‍ മെമ്മറി മൈക്രോ എസ്.ഡി കാര്‍ഡ് ഉപയോഗിച്ച് 64 ജി.ബി. വരെ വികസിപ്പിക്കാം. ആന്‍ഡ്രോയ്ഡ് 4.4 കിറ്റ്കാറ്റ് ഓണ്‍ ഓപ്പറേറ്റിംഗ് സിസ്റ്റം. 8 മെഗാപിക്‌സല്‍ ക്യാമറയും 6000 mAh ബാറ്ററിയുമുണ്ട്.
വാട്ടര്‍പ്രൂഫ് ആയ എക്‌സ്പീരിയ Z2 വെള്ളത്തില്‍ 1.5 മീറ്റര്‍ വശര ആഴത്തില്‍ 30 മിനിറ്റ് വരെ വയ്ക്കാം എന്നാണ് അവകാശപ്പെടുന്നത്. മാര്‍ച് മുതല്‍ ടാബ്ലറ്റ് വിപണിയില്‍ ലഭ്യമാവും.
