തോഷിബയുടെ പുതിയ ലാപ്‌ടോപുകള്‍ ഇന്ത്യന്‍ പിപണിയിലെത്തി; നാലു സീരീസുകളിലായി 18 വേരിയന്റുകള്‍

 

Satellite P Series

24 എം.എം. വീതിയുള്ള പി സീരീസ്‌ ലാപ്‌ടോപുകള്‍ക്ക്‌ സില്‍വര്‍ കളര്‍ ഫിനിഷിംഗാണ് ഉള്ളത്. സാറ്റലൈറ്റ് പി 50-ന് 15.6 ഇഞ്ച് എച്ച്.ഡി. ക്ലിയര്‍ സൂപ്പര്‍ വ്യൂ എല്‍.ഇ.ഡി. ഡിസ്‌പ്ലെയും ഇന്‍ടെല്‍ കോര്‍ ഐ3-3227യു 1.9 ജി.എച്ച്.ഇസെഡ് പ്രൊസസറുമാണുള്ളത്. 4 ജി.ബി. ഡി.ഡി.ആര്‍. റാം 16 ജി.ബി. വരെ വികസിപ്പിക്കാം. 39,831 രൂപമുതല്‍ 47,117 രൂപവരെയാണ് വില.

Satellite S Series

മെറ്റാലിക് ഐസ് സില്‍വര്‍ ഫിനിഷിംഗോടെ വരുന്ന എസ്. സീരീസിന് 15.6 ഇഞ്ച് എച്ച്.ഡി. ക്ലിയര്‍ സൂപ്പര്‍ വ്യൂ എല്‍.ഇ.ഡി. ബാക്ക്‌ലിറ്റ് ഡിസ്‌പ്ലെയും 24 എം.എം. വീതിയുമാണുള്ളത്. ഇന്‍ടെല്‍ കോര്‍ ഐ5-3337 യു പ്രൊസസറുള്ള ലാപ്‌ടോപിന് 8എക്‌സ് ഡി.വി.ഡി. ഒപ്റ്റിക്കല്‍ ഡ്രൈവുമുണ്ട്. വില 37,961 രൂപ.

Satellite L Series

പ്രധാനമായും യുവാക്കളെ ഉദ്ദേശിച്ചുള്ളതാണ് എല്‍. സീരീസ്. 14 ഇഞ്ച് എച്ച്.ഡി. ക്ലിയര്‍ സൂപ്പര്‍വ്യൂ എല്‍.ഇ.ഡി. ഡിസ്‌പ്ലെയുള്ള ലാപ്‌ടോപിന് രണ്ടു വേരിയന്റുകളാണ് ഉള്ളത്. ഇന്‍ടെല്‍ കോര്‍ ഐ5-3337യു പ്രൊസസറോടു കൂടിയ സില്‍കി ബ്ലു വേരിയന്റും ഇന്‍ടെല്‍ കോര്‍ ഐ3-3227 യു പ്രൊസസറോടു കൂടിയ വൈറ്റ് പേള്‍ വേരിയന്റുമാണുള്ളത്. 4 ജി.ബി. റാം 16 ജിബി വരെ വികസിപ്പിക്കാം. 24 എം.എം. വീതിയുള്ള ലാപ്‌ടോപിന് 2 കിലോയില്‍ താഴെയാണ് ഭാരം. 38,706 രൂപയും 47,909 രൂപയുമാണ് രണ്ടു വേരിയന്റുകള്‍ക്കും യഥാക്രമം വില.

 

Satellite C Series

ടച്ച് സ്‌ക്രീനോടു കൂടിയ സി സീരീസ് പ്രീമിയം ഗ്ലോസി ബ്ലാക്ക്, വൈറ്റ് പേള്‍, സില്‍വര്‍ തുടങ്ങിയ നിറങ്ങളില്‍ ലഭ്യമാണ്. 15.6 ഇഞ്ച് സ്‌ക്രീന്‍ സൈസ്, മള്‍ടി ടച്ച് പാഡ് എന്നിവയുള്ള ഈ മോഡലിന് 24,000 രൂപയാണ് വില. ഒരു വര്‍ഷത്തെ ഓണ്‍സൈറ്റ് വാറണ്ടിയുമുണ്ട്.