ഫ്ലിപ്കാർട്ടിൽ കളം നിറഞ്ഞ് സാംസങ്; ബേസിക് മോഡൽ മുതൽ പ്രീമിയം ഫോണുകൾക്ക് വരെ വൻ ഓഫറുകൾ

ഫ്ലിപ്കാർട്ടിൽ ബി​ഗ് ബില്യൺ ഡേ സെയിൽ നടക്കുന്ന കാര്യം അറിഞ്ഞു കാണുമല്ലോ? മികച്ച ഓഫറുകളാണ് പ്ലാറ്റ്ഫോം വിവധ ഉത്പന്നങ്ങൾക്കായി വാ​ഗ്ദാനം ചെയ്യുന്നത്. ഓക്ടോബർ 8ന് ആണ് ഓഫർ വിൽപന ആരംഭിക്കുന്നതായി കമ്പനി അറിയിച്ചിരിക്കുന്നത്. വില കുറവുകൾക്ക് പുറമെ എക്സ്ചേഞ്ച് ഓഫറുകളും കമ്പനി വാ​ഗ്ദാനം ചെയ്യുന്നുണ്ട്.

നിരവധി ഉൽപ്പന്നങ്ങൾക്ക് ഡിസ്കൗണ്ട് ഉണ്ടെങ്കിലും എല്ലാ തവണത്തെയും പോലെ സ്മാർട്ട്ഫോണുകൾക്കാണ് ഇത്തവണയും ബിഗ് ബില്യൺ ഡേയ്സ് സെയിലിൽ കൂടുതൽ പ്രാധാന്യം. ഇതിന് പുറമെ ലാപ്‌ടോപ്പുകൾ, ടാബ്‌ലെറ്റുകൾ, സ്‌മാർട്ട് വാച്ചുകൾ, ഇയർബഡുകൾ, സ്‌മാർട്ട് ടിവികൾ, ​ഗൃഹോകപരണങ്ങൾ, വസ്ത്രങ്ങൾ എന്നിവയ്ക്കും മികച്ച ഓഫറുകളാണ് ഫ്ലിപ്കാർട്ട് വാ​ഗ്ദാനം ചെയ്യുന്നത്. സാധനങ്ങൾ വാങ്ങുമ്പോൾ വിവിധ ബാങ്കുകളുടെ കാർഡുകൾ ഉപയോ​ഗിച്ചാൽ‌ കൂടുതൽ കിഴിവ് സ്വന്തമാക്കാനും ഉപഭോക്താക്കൾക്ക് സാധിക്കുന്നതാണ്.

ബി​ഗ് ബില്യൺ ഡേ സെയിന്റെ ഭാ​ഗമായി സാസംങ് ഫോണുകൾക്ക് പ്ലാറ്റ്ഫോം വാ​ഗ്ദാനം ചെയ്യുന്ന ഓഫിറുകൾ എന്തെല്ലാമാണെന്ന പരിശോധിക്കാം. സാംസങിന്റെ ജനപ്രിയ ഫോണുകളായ ​ഗാലക്സി എസ് 21 എഫ്ഇ, എസ് 22, എ 23, എഫ് 54 തുടങ്ങിയ ഫോണുകൾക്കാണ് മികച്ച ഓഫറുകൾ ഫ്ലിപ്കാർട്ട് വാ​ഗ്ദാനം ചെയ്തിരിക്കുന്നനത്. 2022 ജനുവരിൽ സാംസങ് ഇന്ത്യയിൽ അവതരിപ്പിച്ച ഫോൺ ആണ് ​ഗാലക്സി എസ് 21 എഫ്ഇ.

ഫോണിന്റെ 256 ജിബി സ്റ്റോറേജ് വേർഷൻ 58,999 രൂപയ്ക്കാണ് ലിസ്റ്റ് ചെയ്തിരിക്കുന്നത്. എന്നാൽ ഫ്ലിപ്കാർട്ടിന്റെ പ്രത്യേക ഓഫർ പ്രകാരം എല്ലാ കിഴിവുകളും കഴിഞ്ഞ് 29,999 രൂപയ്ക്ക് ഉപഭോക്താക്കൾക്ക് സ്വന്തമാക്കാവുന്നതാണ്. 25W സൂപ്പർ-ഫാസ്റ്റ് വയർഡ് ഫാസ്റ്റ് ചാർജിംഗ്, 15W വയർലെസ് ഉള്ള 4,500mAh ബാറ്ററിയാണ് സാംസങ് ഈ ഫോണിനായി നൽകിയിരിക്കുന്നത്. ഇൻ-ഹൗസ് 5nm Exynos 2100 SoC പ്രൊസസറും ഫോണിന്റെ കരുത്ത് കൂട്ടുന്നു.

ഗാലക്‌സി എസ് 22വിന്റെ ഓഫറുകൾ പരിശോധിച്ചാൽ 57,999 രൂപയ്ക്ക് ലോഞ്ച് ചെയ്ത ഈ ഫോൺ ഇപ്പോൾ 39,999 രൂപയ്ക്ക് ഉപഭോക്താക്കൾക്ക് സ്വന്തമാക്കാവുന്നതാണ്. ഇഎംഐ ഓപ്ഷനായും ഈ ഫോൺ ലഭിക്കുന്നതാണ്. ഇതിനായി പ്രതിമാസം 3,334 രൂപയാണ് ചിലവഴിക്കേണ്ടി വരുന്നത്. ഫോണിന്റെ 128 ജിബി വേരിയന്റിനാണ് ഈ ഓഫർ. ബോറ പർപ്പിൾ, ഗ്രീൻ, പിങ്ക് ഗോൾഡ്, ഫാന്റം ബ്ലാക്ക്, ഫാന്റം വൈറ്റ് എന്നീ നിറങ്ങളിൽ ഈ ഫോൺ ഉപഭോക്താക്കൾക്ക് ലഭ്യമാകും.

24,999 രൂപ ലോഞ്ച് വിലയിൽ ഇന്ത്യയിൽ സാംസങ് അവതരിപ്പിച്ച ഫോൺ ആയിരുന്നു ഗാലക്‌സി എ 23. ഫോണിന്റെ 8 ജിബി + 128 ജിബി വേരിയന്റിന് ആയിരുന്നു ഈ വില. എന്നാൽ ഇപ്പോൾ ഈ ഫോൺ 18,999 രൂപയ്ക്ക് ഫ്ലിപ്കാർട്ടിൽ ലഭ്യമാണ്. ഈ ഫോണിനൊടൊപ്പം തന്നെ പുറത്തിറങ്ങിയ ​ഗാലക്സി എ 14 എന്ന ഫോണിനും ആകർഷകമായ ഓഫർ പ്ലാറ്റ്ഫോം വാ​ഗ്ദാനം ചെയ്യുന്നു.

16,499 രൂപയുള്ള ഗാലക്സി എ14 ബി​ഗ് ബില്യൺ ഡേ സെയിസലിന്റെ ഭാ​ഗമായി 13,999 രൂപയ്ക്ക് ലഭിക്കുന്നതാണ്. ഫോണിന്റെ 4GB + 64GB വേരിയന്റിനാണ് ഈ വില. സാംസങിന്റെ മറ്റ് മിഡ് റേഞ്ച് ഫോണുകൾക്കും ആകർഷകമായ ഓഫറുകൾ പ്രഖ്യാപിച്ചിട്ടുണ്ട്. ​എ34 25,999 രൂപയ്ക്ക് ലഭ്യമാകുന്നതാണ്. എ54 ആകട്ടെ 33,499 രൂപയ്ക്കും ലഭ്യമാകുന്നതാണ്. എഫ്54, എഫ് 34 എന്നീ ഫോണുകൾ യഥാക്രമം 22,999 രൂപ, 14,999 രൂപ എന്നീ വിലയ്ക്കും ലഭ്യമാകും.

കമ്പനിയുടെ ബേസ് മോഡൽ സ്മാർട്ട് ഫോൺ വാങ്ങാൻ ആ​ഗ്രഹിക്കുന്നവർക്ക് ​ഗാലക്സി എഫ് 14, ഗാലക്സി എഫ് 13 എന്നിവയും ലഭ്യമാണ് ഇവയുടെ വില എന്നത് യഥാക്രമം 9,999 രൂപ, 9,199 രൂപ എന്നിങ്ങനെ ആയിരിക്കും. അതേ സമയം സാംസങിന്റെ പ്രീമിയം ഫോണുകളും ഇത്തരത്തിൽ മികച്ച ഡീലുകൾ പ്രഖ്യാപിച്ചിട്ടുണ്ട്. ഫോൾഡബിൾ‌ ഫോണുകളായ ​ഗാലക്സി ഇസഡ് ഫോൾഡ് 5, ഇസഡ് ഫ്ലിപ് 5 എന്നിവയ്ക്ക് ഓഫർ ഉണ്ടാകും എന്നാണ് പ്രതീക്ഷിക്കുന്നത്.

ഇതിന് പുറമെ നിലവിലെ മാർക്കറ്റിൽ സാംസങിന്റെ ഏറ്റവും പ്രീമിയം ലെവലിൽ നിൽക്കുന്ന എസ് 23 അൾട്രയ്ക്കും ഓഫർ ഉണ്ടാകാൻ സാധ്യത ഉണ്ട്. എന്നാൽ ഇതിന്റെ ഔദ്യോ​ഗികമായ പ്രഖ്യാപനം ഉണ്ടായിട്ടില്ല. എന്നിരുന്നാലും ആപ്പിൾ ഐഫോൺ 15 അവതരിപ്പിച്ച സാഹചര്യത്തിൽ എസ് 23 അൾട്രയുടെ വില കുറച്ച് കളം പിടിയ്ക്കാൻ ആയിരിക്കും സാംസങ് ശ്രമിക്കുക. വരും ദിവസങ്ങളിൽ ഇതിന്റെ വിലയെക്കുറിച്ച് അറിയിപ്പ് ഉണ്ടാകും എന്നാണ് പ്രതീക്ഷിക്കുന്നത്.