6999 രൂപ വിലയുള്ള അമാസ്ഫിറ്റ് ജിടിഎസ് 2 മിനി സ്മാർട്ട് വാച്ച് വരുന്നു ഇന്ത്യയിൽ

അമാസ്ഫിറ്റ് ജിടിഎസ് 2 മിനി: ഇന്ത്യയിലെ വില, ലഭ്യത

അമാസ്ഫിറ്റ് ജിടിഎസ് 2 മിനിക്ക് ഇന്ത്യയിൽ 6,999 രൂപയാണ് വില വരുന്നത്. സ്മാർട്ട് വാച്ച് ഫ്ലമിംഗോ പിങ്ക്, മിഡ്‌നൈറ്റ് ബ്ലാക്ക്, സേജ് ഗ്രീൻ കളർ ഓപ്ഷനുകളിൽ ലഭ്യമാണ്, ഡിസംബർ 26 ന് ഉച്ചയ്ക്ക് 12 മണി മുതൽ ആമസോൺ, അമാസ്ഫിറ്റ് ഇന്ത്യ വെബ്‌സൈറ്റ് എന്നിവയിലൂടെ പ്രീ-ബുക്കിംഗിനായി ലഭ്യമായി തുടങ്ങും. സി‌എൻ‌വൈ 699 ന്റെ ടാഗ് (ഏകദേശം 8,000 രൂപ) വിലയ്ക്ക് അമാസ്ഫിറ്റ് ജിടിഎസ് 2 മിനി ചൈനയിൽ ലോഞ്ച് ചെയ്തു.

അമാസ്ഫിറ്റ് ജിടിഎസ് 2 മിനി: സവിശേഷതകൾ

1.55 ഇഞ്ച് (306x354 പിക്‌സൽ) അമോലെഡ് ഡിസ്‌പ്ലേയുള്ള അമാസ്ഫിറ്റ് ജിടിഎസ് 2 മിനി 301 പിപി പിക്‌സൽ ഡെൻസിറ്റി നൽകുന്നു. 8.95 മിമി കട്ടിയുള്ളതും 19.5 ഗ്രാം ഭാരം വരുന്നതുമായ അലുമിനിയം അലോയ് ഉപയോഗിച്ചാണ് സ്മാർട്ട് വാച്ച് നിർമ്മിച്ചിരിക്കുന്നത്. ഫിറ്റ്‌നെസ് പ്രേമികൾക്ക് 24/7 ഹാർട്ട്റേറ്റ് മോണിറ്ററിങ് ചെയ്യുന്നതിനായി പിപിജി ഒപ്റ്റിക്കൽ സെൻസറും ഹുവാമി ബയോട്രാക്കർ 2 ഉം ഉൾപ്പെടുന്നു. റെസ്റ്റിംഗ് ഹാർട്ട്റേറ്റ് ട്രാക്കിംഗ്, ഹാർട്ട്റേറ്റ് സോൺസ്, ഹൈ ഹാർട്ട്റേറ്റ് അലർട്ട് എന്നിവയും ഈ സ്മാർട്ട് വാച്ച് നൽകുന്നു.

ഹാർട്ട്റേറ്റ് മോണിറ്ററിങിനൊപ്പം ബ്ലഡ് ഓക്സിജൻ സാച്ചുറേഷൻ (SpO2) മെഷർമെന്റിനൊപ്പം അമാസ്ഫിറ്റ് ജിടിഎസ് 2 മിനി വരുന്നു. ഇത് ഹുവാമിയുടെ പ്രൊപ്രൈറ്ററി ഓക്സിജൻ ഡാറ്റ എഐ എഞ്ചിനെ അടിസ്ഥാനമാക്കിയുള്ളതാണ്. സ്ലീപ്പ് ക്വാളിറ്റി മോണിറ്ററിംഗ്, പെരിയോസ് സൈക്കിൾ ട്രാക്കിംഗ്, സ്ട്രെസ് മോണിറ്ററിംഗ് എന്നിവയും അമാസ്ഫിറ്റ് ജിടിഎസ് 2 മിനിയിൽ ലഭ്യമാണ്. കൂടാതെ, റണ്ണിങ്, സൈക്ലിംഗ്, സ്വിമിങ് എന്നിവയുൾപ്പെടെ 70 പ്രീലോഡ് ചെയ്ത സ്പോർട്സ് മോഡുകൾ ഈ സ്മാർട്ട് വാച്ചിൽ നിന്നും നിങ്ങൾക്ക് ലഭിക്കും. ഒപ്പം ഏറ്റവും ജനപ്രിയമായ ഇൻഡോർ,ഔട്ട്‌ഡോർ സ്പോർട്സ്. വ്യായാമ വേളകളിൽ വ്യായാമ ഘട്ടങ്ങൾ, സ്റ്റേജുകൾ, ഹാർട്ട്റേറ്റ് സോൺസ് എന്നിവയെക്കുറിച്ചുള്ള നോട്ടിഫിക്കേഷനുകൾ നൽകാനും ഇത് രൂപകൽപ്പന ചെയ്യ്തിരിക്കുന്നു.

ആൻഡ്രോയിഡ് 5.0 അല്ലെങ്കിൽ ഐഒഎസ് 10.0 പ്രവർത്തിക്കുന്ന ഡിവൈസുകളുമായി അമാസ്ഫിറ്റ് ജിടിഎസ് 2 മിനി അനുയോജ്യമാണ്. നിങ്ങൾക്ക് ബ്ലൂടൂത്ത് കണക്റ്റിവിറ്റി സപ്പോർട്ടും ഇതിൽ ലഭിക്കുന്നതാണ്. കൂടാതെ, 220 എംഎഎച്ച് ബാറ്ററിയാണ് ഈ സ്മാർട്ട് വാച്ചിൽ വരുന്നത്. ഇത് ഒരു തവണ ചാർജ് ചെയ്‌താൽ 14 ദിവസം വരെ ഉപയോഗിക്കുവാൻ കഴിയും.