ഓക്സിജൻ ബീറ്റ്സ് എഐ എഞ്ചിൻ വരുന്ന അമാസ്ഫിറ്റ് ജിടിഎസ് 2 സ്മാർട്ട് വാച്ച് ഇന്ത്യയിൽ അവതരിപ്പിച്ചു; സവിശേഷതകൾ

അമാസ്ഫിറ്റ് ജിടിഎസ് 2: വിലയും ലഭ്യതയും

അമാസ്ഫിറ്റ് ജിടിഎസ് 2 സ്മാർട്ട് വാച്ച് ഇപ്പോൾ പ്രീ-ഓർഡറുകൾക്കായി അമാസ്ഫിറ്റ് ഔദ്യോഗിക വെബ്സൈറ്റിൽ 12,999 രൂപയ്ക്ക് ലഭ്യമാണ്. സ്മാർട്ട് വാച്ചിന് മുൻകൂട്ടി ഓർഡർ ചെയ്യുന്നവർക്ക് 1,799 രൂപ വിലവരുന്ന സ്ട്രാപ്പ് സൗജന്യമായി ലഭിക്കും. ഈ സ്മാർട്ട് വാച്ചിൻറെ ഡെലിവറികൾ ഡിസംബർ 21 മുതൽ ആരംഭിക്കും. സ്മാർട്ട് വാച്ച് ഇപ്പോൾ കറുത്ത നിറത്തിലും ലഭ്യമാകും. ഇത് പിന്നീട് ഡെസേർട്ട് റോസ്, ഗ്രേ നിറങ്ങളിൽ വിപണിയിൽ ലഭ്യമായേക്കാം.

അമാസ്ഫിറ്റ് ജിടിഎസ് 2: സവിശേഷതകൾ

ചൈനയിലും മറ്റ് ആഗോള വിപണികളിലും ഇതിനകം അവതരിപ്പിച്ച അമാസ്ഫിറ്റ് ജിടിഎസ് 2 ചതുരാകൃതിയിലുള്ള 1.65 ഇഞ്ച് അമോലെഡ് ഡിസ്പ്ലേ, 341 പിപി പിക്സൽ ഡെൻസിറ്റി, 450 നൈറ്റിന്റെ പരമാവധി ബറൈറ്നെസ്സ് എന്നിവ ഉൾക്കൊള്ളുന്നു. സ്ക്രാച്ച്-റെസിസ്റ്റന്റ്, വാട്ടർ-റെസിസ്റ്റന്റ് ശേഷിയുള്ള സർഫേസ് നൽകുന്നതിന് സ്മാർട്ട് വാച്ച് ഡയമണ്ട് പോലുള്ള കാർബൺ (ഒഡിഎൽസി) കോട്ടിംഗ് സംയോജിപ്പിക്കുന്നു. വോയ്‌സ് കമാൻഡുകൾക്കായി ആമസോൺ അലക്‌സ സംയോജനവും ഇതിൽ വരുന്നു.

അമാസ്ഫിറ്റ് ജിടിഎസ് 2 എല്ലായ്പ്പോഴും ഓൺ ഡിസ്പ്ലേയിൽ വരുന്നു. കൂടാതെ, ഉപയോക്താക്കൾക്ക് ഇഷ്ടമുള്ള ചിത്രങ്ങൾ ഉപയോഗിച്ച് വാച്ച് ഫെയ്സുകൾ കസ്റ്റമൈസ്‌ ചെയ്യുവാൻ കഴിയും. രക്തത്തിലെ ഓക്സിജൻ സാച്ചുറേഷൻ അളക്കുന്നതിന് ഓക്സിജൻ ബീറ്റ്സ് എഐ എഞ്ചിൻ സ്മാർട്ട് വാച്ചിൽ സജ്ജീകരിച്ചിരിക്കുന്നു. ഇത് 24 മണിക്കൂർ ഹാർട്ട് റേറ്റ് ട്രാക്കിംഗ്, പേഴ്സണൽ ആക്റ്റിവിറ്റി ഇന്റലിജൻസ് (പി‌എ‌ഐ) ഹെൽത്ത് അസസ്മെന്റ് സിസ്റ്റം, സ്ലീപ്പ് ക്വാളിറ്റി മോണിറ്ററിംഗ്, സ്ട്രെസ് ഡിറ്റക്ഷൻ എന്നിവ വാഗ്ദാനം ചെയ്യുന്നു. സ്മാർട്ട് വാച്ചിൽ 12 ബിൽറ്റ്-ഇൻ സ്പോർട്സ് മോഡുകളും 5ATM വാട്ടർ-റെസിസ്റ്റൻസും വരുന്നു.

വാച്ചിലൂടെ മൊബൈൽ മ്യൂസിക് പ്ലേബാക്ക് നിയന്ത്രിക്കുന്നതിനെ അമാസ്ഫിറ്റ് ജിടിഎസ് 2 സപ്പോർട്ട് ചെയ്യുന്നു. കൂടാതെ, 3 ജിബി ലോക്കൽ മ്യൂസിക് സ്റ്റോറേജുമുണ്ട്. വാച്ചിലൂടെ മ്യൂസിക് നേരിട്ട് കേൾക്കാൻ ഉപയോക്താക്കൾക്ക് അമാസ്ഫിറ്റ് പവർബഡ്സ് വയർലെസ് ഹെഡ്‌ഫോണുകൾ ജോടിയാക്കാം അല്ലെങ്കിൽ അവർക്ക് വാച്ച് സ്പീക്കറിലൂടെ മ്യൂസിക് പ്ലേ ചെയ്യാനും കഴിയും. പവർ സേവിംഗ് മോഡ് ഉപയോഗിക്കുമ്പോൾ ഒരാഴ്ചത്തെ പതിവ് ഉപയോഗം അല്ലെങ്കിൽ 20 ദിവസം വരെ ബാറ്ററി ലൈഫ് വാഗ്ദാനം ചെയ്യുന്ന 246 എംഎഎച്ച് ബാറ്ററിയാണ് അമാസ്ഫിറ്റ് ജിടിഎസ് 2ൽ വരുന്നത്.