സ്‌പോർട്‌സ് ഡിസൈൻ, ഓട്ടോ വർക്ക്ഔട്ട് റെക്കഗ്‌നിഷൻ വരുന്ന അമാസ്ഫിറ്റ് ടി-റെക്‌സ് പ്രോ പ്രഖ്യാപിച്ചു

അമാസ്ഫിറ്റ് ടി-റെക്സ് പ്രോ: ഇന്ത്യയിലെ വിലയും, ലഭ്യതയും

ഇന്ത്യയിൽ അമാസ്ഫിറ്റ് ടി-റെക്സ് പ്രോയുടെ വില 12,999 രൂപയാണ് വരുന്നത്. ഇന്ന് മുതൽ ഔദ്യോഗിക ഓൺലൈൻ സ്റ്റോർ വഴി ഈ സ്മാർട്ട് വാച്ച് നിങ്ങൾക്ക് സ്വന്തമാക്കാവുന്നതാണ്. ഈ സ്മാർട്ട് വാച്ച് മാർച്ച് 28 മുതൽ ആമസോൺ വഴി വിൽപ്പനയ്‌ക്കെത്തും. നിലവിൽ, ഇ-കൊമേഴ്‌സ് വെബ്സൈറ്റിൽ ഒരു ‘നോട്ടിഫൈ മി' ബട്ടൺ തത്സമയമാക്കി. ഡെസേർട്ട് ഗ്രേ, മെറ്റോറൈറ്റ് ബ്ലാക്ക്, സ്റ്റീൽ ബ്ലൂ കളർ ഓപ്ഷനുകളിലാണ് ഈ സ്മാർട്ട് വാച്ച് വിപണിയിൽ വരുന്നത്.

അമാസ്ഫിറ്റ് ടി-റെക്സ് പ്രോ സവിശേഷതകൾ

അമാസ്ഫിറ്റിൽ നിന്നുള്ള ടി-റെക്സ് പ്രോ സ്മാർട്ട് വാച്ചിൽ 1.3 ഇഞ്ച് (360x360 പിക്സൽ) അമോലെഡ് സ്ക്രീൻ ഡിസ്പ്ലേ, ആന്റി ഫിംഗർപ്രിന്റ് കോട്ടിംഗ് എന്നിവയുണ്ട്. സൈനിക നിലവാരത്തിൻറെ (MIL-STD-810) 15 ചട്ടങ്ങൾ പാസാക്കിയ ഇത് 240 മണിക്കൂർ ഹ്യൂമിഡിറ്റി, 96 മണിക്കൂർ സാൾട്ട് സ്പ്രേ, ഷോക്ക് റെസിസ്റ്റൻസ്, തുടങ്ങിയ സവിശേഷതകളും വരുന്നു. ഈ വാച്ചിൽ നൂറിലധികം സ്‌പോർട്‌സ് മോഡുകൾ ഉണ്ട്, കൂടതെ ഇൻഡോർ, ഔട്ട്‌ഡോർ ഓട്ടം, സൈക്ലിംഗ്, സ്‌കീയിംഗ് എന്നിവയും പ്രവർത്തനങ്ങളിൽ ഉപയോക്താക്കളുടെ പ്രകടനം എന്നിവ ട്രാക്കുചെയ്യുന്നു. കൂടാതെ, എട്ട് സ്പോർട്സ് മോഡുകൾ സ്വപ്രേരിതമായി തിരിച്ചറിയുകയും അനുബന്ധ വർക്ക്ഔട്ട് ഡാറ്റ രേഖപ്പെടുത്തുകയും ചെയ്യുന്ന ഒരു പുതിയ എക്സർസെൻസ് വർക്ക്ഔട്ട് റെക്കഗ്‌നിഷൻ അൽഗോരിതം ഇതിലുണ്ട്. നടത്തം, ഓട്ടം, നീന്തൽ, എലിപ്‌റ്റിക്കൽ, റോയിംഗ് മെഷീൻ എന്നിവയും ഇതിൽ ഉൾപ്പെടുന്നു.

390 എംഎഎച്ച് ലിഥിയം അയൺ ബാറ്ററിയുടെ സഹായത്തോടെ 18 ദിവസം വരെ ബാറ്ററി ലൈഫ് നൽകുവാൻ അമാസ്ഫിറ്റ് ടി-റെക്സ് പ്രോയ്ക്ക് സാധിക്കും. മാഗ്നറ്റിക് ചാർജർ ഉപയോഗിച്ച് പൂർണ്ണമായി ചാർജ് ചെയ്യാൻ വാച്ചിന് ഏകദേശം 1.5 മണിക്കൂർ എടുക്കും. SpO2 സെൻസറിന് പുറമെ ക്വാഡ്-ജിഎൻഎസ്എസ്, ജിപിഎസ്, ബയോട്രാക്കർ 2 പിപിജി ഒപ്റ്റിക്കൽ ഹാർട്ട് റേറ്റ് സെൻസർ, 10 എടിഎം വാട്ടർ റെസിസ്റ്റൻസ്, അഡ്വാൻസ്ഡ് ആക്റ്റിവിറ്റി ട്രാക്കർ, സ്ലീപ്പ് മോണിറ്ററിംഗ് സെൻസർ എന്നിവയുമുണ്ട്. ഇതിന് ഓൺബോർഡിൽ മൈക്രോഫോൺ ഇല്ല, അതിനാൽ കോളുകൾ എടുക്കാൻ കഴിയില്ല. ഇൻകമിംഗ് കോൾ അലേർട്ടുകൾ, അപ്ലിക്കേഷൻ നോട്ടിഫിക്കേഷനുകൾ, മ്യൂസിക് കൺട്രോൾ, വരാനിരിക്കുന്ന ഇവന്റുകൾക്കുള്ള റിമൈൻഡറുകൾ എന്നിവ അമാസ്ഫിറ്റ് ടി-റെക്സ് പ്രോ നിങ്ങൾക്ക് നൽകുന്നു.

59.4 ഗ്രാം ഭാരം വരുന്ന ഈ സ്മാർട്ട് വാച്ചിൻന് കണക്റ്റിവിറ്റി ഓപ്ഷനുകളിൽ ബ്ലൂടൂത്ത് 5.0 ഉൾപ്പെടുന്നു. RTOS ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന അമാസ്ഫിറ്റ് ടി-റെക്സ് പ്രോ, ആൻഡ്രോയിഡ് 5.0 അല്ലെങ്കിൽ ഐഒഎസ് 10.0 ഉം അതിന് മുകളിലുള്ളതുമായ സ്മാർട്ട്‌ഫോണുകളെ സപ്പോർട്ട് ചെയ്യുന്നു.