സ്മാർട്ട് വാച്ച് വാങ്ങാൻ നല്ലസമയം ഇതാണ്! 8,999 രൂപയുടെ വാച്ചിന് 1,199 രൂപ, 6,999 രൂപയുടെ വാച്ചിന് 1,298 രൂപ!

ഇന്നത്തെ ജീവിത ​ശൈലികൾവച്ച് നോക്കിയാൽ സ്മാർട്ട് വാച്ചുകൾ നമ്മുടെ ജീവിതത്തിൽ അ‌വശ്യം ഉണ്ടായിരിക്കേണ്ട ഒരു വസ്തുവാണ്. നിരവധി ആരോഗ്യനിരീക്ഷണ സംവിധാനങ്ങൾ ഉൾപ്പെടെയുള്ള സജ്ജീകരണങ്ങളുമായാണ് ഇപ്പോ​ഴത്തെ സ്മാർട്ട് വാച്ചുകൾ എത്തുന്നത്. ഇതിനോടകം തന്നെ യുവതലമുറയിലെ നിരവധി പേർ സ്മാർട്ട് വാച്ചിന്റെ പ്രാധാന്യം തിരിച്ചറിഞ്ഞ് അ‌വയുടെ കടുത്ത ആരാധകരായിക്കഴിഞ്ഞു.

സ്ത്രീ - പുരുഷ വ്യത്യാസമില്ലാതെ സ്മാർട്ട് വാച്ചുകൾ എല്ലാവരുടെയും പ്രിയപ്പെട്ട ഗാഡ്ജറ്റ് ആയിക്കഴിഞ്ഞു. സ്മാർട്ട്ഫോണിൽ നിർവഹിക്കുന്ന പല കാര്യങ്ങളും ഇന്ന് സ്മാർട്ട് വാച്ചിന്റെ സഹായത്തോടെയും നിർവഹിക്കാം. ആകർഷകമായ ഡി​സൈനും ആരെയും സ്മാർട്ടാക്കുന്ന മികച്ച ഫീച്ചറുകളും ആളുകളുടെ പ്രിയപ്പെട്ട ഗാഡ്ജറ്റാക്കി സ്മാർട്ട് വാച്ചുകളെ മാറ്റി.

പുതിയ സ്മാർട്ട് വാച്ച് വാങ്ങാൻ ഇപ്പോൾ നല്ല സമയമാണ്. സ്വാതന്ത്ര്യദിന ആഘോഷങ്ങളുടെ ഭാഗമായി ഓൺ​ലൈനുകളിൽ ഓഫർ കച്ചവടം പൊടിപൊടിക്കുകയാണ്. ഇ-കൊമേഴ്സ് രംഗത്തെ വമ്പന്മാരായ ആമസോണും ഫ്ലിപ്പ്കാർട്ടും ഓഫർ സെയിലുകൾ ആരംഭിച്ചുകഴിഞ്ഞു. ആമസോൺ ഗ്രേറ്റ് ഫ്രീഡം ഫെസ്റ്റിവൽ സെയിൽ ഓഗസ്റ്റ് 8 വരെയും ഫ്ലിപ്പ്കാർട്ട് ബിഗ് സേവിംഗ്സ് ഡെയ്‌സ് സെയിൽ ഓഗസ്റ്റ് 9 വരെയുമാണ് നടക്കുക.

സ്മാർട്ട്ഫോണുകൾക്കും സ്മാർട്ട് ടിവികൾക്കും മാത്രമല്ല, സ്മാർട്ട് വാച്ചുകൾക്കും ആമസോണും ഫ്ലിപ്പ്കാർട്ടും ഡിസ്കൗണ്ടും ഓഫറുകളും നൽകുന്നുണ്ട്. അ‌തിനാൽത്തന്നെ സ്മാർട്ട് വാച്ച് വാങ്ങാൻ ആഗ്രഹിക്കുന്നവർക്ക് ഈ അ‌വസരം ഫലപ്രദമായി ഉപയോഗപ്പെടുത്താവുന്നതാണ്. ഇപ്പോൾ ആമസോണിൽ നിന്നും ഫ്ലിപ്പ്കാർട്ടിൽനിന്നും ഓഫറിൽ വാങ്ങാൻ ലഭ്യമായ ചില സ്മാർട്ട് വാച്ചുകൾ പരിചയപ്പെടാം.

ബീറ്റ്എക്സ്പി വേഗ നിയോ: ഈ സ്മാർട്ട് വാച്ച് 1,797 രൂപയ്ക്ക് ആമസോണിൽ ലഭ്യമാണ്. ബീറ്റ്‌എക്‌സ്‌പി വേഗ നിയോ SpO2 സെൻസർ, സ്ലീപ്പ് മോണിറ്റർ തുടങ്ങി ഒന്നിലധികം ആരോഗ്യ നിരീക്ഷണ സംവിധാനങ്ങളുമായാണ് എത്തുന്നത്. 500 നിറ്റ് ​ബ്രൈറ്റ്നസും 466x466 പിക്സൽ റെസല്യൂഷനുമുള്ള 1.43 ഇഞ്ച് അമോലെഡ് ഡിസ്‌പ്ലേയാണ് ഇതിന്റെ പ്രധാന സവിശേഷത.

ബോട്ട് വേവ് കോൾ 2: ബോട്ട് വേവ് കോൾ 2 ന്റെ യഥാർഥ വില 6,999 രൂപയാണ്. എന്നാൽ 1,298 രൂപയ്ക്ക് ആമസോണിൽ ഇത് ലഭ്യമാണ്. ബ്ലൂടൂത്ത് കോളിംഗ്, ഡോഗ് വാക്കിങ്, വെയ്റ്റ് ട്രെയിനിംഗ്, സ്കേറ്റ്ബോർഡിംഗ് എന്നിങ്ങനെ 700-ലധികം ആക്ടീവ് മോഡുകളും ബിൽറ്റ്-ഇൻ മൈക്രോഫോണും ക്ലൗഡ് അധിഷ്‌ഠിത വാച്ച് ഫെയ്‌സുകളും ഇതിലുണ്ട്.

ഫയർ ബോൾട്ട് ഹുറികെയ്ൻ: 8,999 രൂപയുള്ള ഫയർ-ബോൾട്ട് ഹുറികെയ്ൻ ഇപ്പോൾ വെറും 1,199 രൂപയ്ക്ക് ഫ്ലിപ്പ്കാർട്ട് വാഗ്ദാനം ചെയ്യുന്നു. ഏഴ് ദിവസത്തെ ബാറ്ററി ലൈഫ്, ഫൈൻഡ് യുവർ ഫോൺ ഫീച്ചർ, മികച്ച റെറ്റിന എച്ച്‌ഡി കളർ ഡിസ്‌പ്ലേയ്ക്കുള്ള 2.5 ഡി കർവ്ഡ് ഗ്ലാസ്, ഓട്ടോമാറ്റിക് മോഷൻ റെക്കഗ്നിഷൻ എന്നിവയുമായാണ് ഈ കിടിലൻ വാച്ച് എത്തുന്നത്.

ഫയർ ബോൾട്ട് ഇൻവിൻസിബിൾ പ്ലസ്: ആമസോണിൽ 4,998 രൂപയ്ക്ക് ഈ സ്മാർട്ട് വാച്ച് ലഭ്യമാണ്. 700 നിറ്റ്‌സ് പീക്ക് ​ബ്രൈറ്റ്നസുള്ള 2.5D ഫുൾ ലാമിനേഷൻ കർവ് ഡിസ്‌പ്ലേ, ഹെൽത്ത് ട്രാക്കിങ് ഫീച്ചറുകൾ, 300 സ്‌പോർട്‌സ് മോഡുകൾ, ഏഴ് ദിവസത്തെ ബാറ്ററിലൈഫ്, കാൽക്കുലേറ്റർ, 120 വാച്ച് ഫെയ്‌സുകൾ എന്നിവയെല്ലാമുള്ള ഈ സ്മാർട്ട് വാച്ച് മികച്ച ഓപ്ഷനാണ്.

നോയിസ് നോവ: സ്മാർട്ട് വാച്ച് രംഗത്തെ വിശ്വാസ്യതയും ജനപ്രീതിയുമുള്ള ബ്രാൻഡുകളിലൊന്നാണ് നോയിസ്. നോയിസിന്റെ ഈ ബജറ്റ്- സ്മാർട്ട് വാച്ച് നോയ്സ് ഒഎസിലാണ് പ്രവർത്തിക്കുന്നത്. ഉപയോക്താക്കളുടെ സ്ട്രെസ് ലെവലുകൾക്കനുസരിച്ച് ഇതിലെ വാച്ച് ഫെയ്സുകൾ സെറ്റ് ചെയ്യാം. ആമസോണിൽ ഈ ഉപകരണം 2,998 രൂപയ്ക്ക് ലഭ്യമാണ്.

സാംസങ് ഗാലക്‌സി വാച്ച്4: ആമസോണിൽ 13,988 രൂപയ്ക്ക് ഈ സ്മാർട്ട് വാച്ച് ലിസ്റ്റ് ചെയ്തിരിക്കുന്നു. എസ്ബിഐ ബാങ്ക് കാർഡ് ഉപയോക്താക്കൾക്ക് ഡിസ്കൗണ്ട് ലഭ്യമാണ്. ഹാർട്ട് റേറ്റ് മോണിറ്ററിങ്, ബോഡി കമ്പോസിഷൻ അനാലിസിസ് തുടങ്ങിയ ആരോഗ്യ നിരീക്ഷണ സംവിധാനങ്ങൾ ഇതിലുണ്ട്. കൂടാതെ, സ്മാർട്ട്‌ഫോണുകളിലെ കോളുകളും മെസേജുകളും ഇമെയിലുകളുമെല്ലാം ഇതിലൂടെ ​കൈകാര്യം ചെയ്യാം.