ആമസോണിന്റെ പുതിയ എക്കോ ഡിവൈസുകള്‍ ഇനി ഇന്ത്യയിലും!

ആമസോണ്‍ എക്കോ

ശബ്ദം കൊണ്ട് നിയന്ത്രിക്കാവുന്ന ഹാന്‍ഡ്‌സ്-ഫ്രീ സ്പീക്കര്‍ ആണിത്. ഫാര്‍-ഫീല്‍ഡ് വോയ്‌സ് കണ്‍ട്രോള്‍ ഉപയോഗിച്ച് മുറിയില്‍ എവിടെ നിന്നും അലെക്‌സ ആക്‌സസ് ചെയ്യാന്‍ ഇത് അനുവദിക്കും.

അലെക്‌സ എന്ന വാക്ക് തിരിച്ചയാനുള്ള ഓണ്‍-ഡിവൈസ് സോഫ്റ്റ്‌വെയറാണ് ഇത് ഉപയോഗിച്ചിരിക്കുന്നത്. എക്കോ അലക്‌സ എന്ന വാക്ക് തിരിച്ചറിഞ്ഞാല്‍ ഉടന്‍ ഡിവൈസിലെ ലൈറ്റ് നീല നിറമാവുകയും റെക്വസ്റ്റ് ക്ലൗഡിലേക്ക് അയക്കാന്‍ തുടങ്ങുകയും ചെയ്യും. റെക്വസ്റ്റ് പ്രോസസ് ചെയ്യുന്നത് അവിടെയാണ്.

ചാര്‍ക്കോള്‍, സാന്‍ഡ്‌സ്‌റ്റോണ്‍, ഹെതര്‍ ഗ്രെ എന്നീ മൂന്ന് വ്യത്യസ്ത നിറങ്ങളില്‍ ആമസോണ്‍ എക്കോ ലഭ്യമാകും . വില 9,999 രൂപ.

എക്കോ പ്ലസ്

ഡോള്‍ബി സൗണ്ട്, ഫാര്‍-ഫീല്‍ഡ് മൈക്രോഫോണ്‍ അറെ, ബില്‍ട് ഇന്‍ സ്മാര്‍ട് ഹോം ഹബ് ഉള്‍പ്പടെ എക്കോയുടെ എല്ലാ ഫീച്ചറുകളും എക്കോ പ്ലസും ലഭ്യമാക്കും.

ബില്‍ട്-ഇന്‍ സ്മാര്‍ട് ഹോം ഹബ്ബിലൂടെ എക്കോ പ്ലസ് വളരെ എളുപ്പം ഹോം ഡിവൈസുകളുമായി കണക്ട് ചെയ്യും. അലെക്‌സ, ഡിസ്‌കവര്‍ മൈ ഡിവൈസ് എന്ന് മാത്രം പറഞ്ഞാല്‍ മതി എക്കോ പ്ലസ് മറ്റ് ആപ്പുകളുടെ സഹായമില്ലാതെ ഡിവൈസുകള്‍ തനിയെ കണ്ടത്തി സജ്ജീകരിക്കും.ഫിലിപ്‌സ് ഹ്യുവില്‍ നിന്നുള്ള സിഗ്ബീ സപ്പോര്‍ട്ടഡ് ഡിവൈസുകളില്‍ തുടക്കത്തില്‍ ഇത് പ്രവര്‍ത്തിക്കും.

എക്കോ പ്ലസിന്റെ വില 14,999 രൂപയാണ്.

എക്കോ ഡോട്ട്

അലക്‌സയാല്‍ പ്രവര്‍ത്തിക്കുന്ന ഹാന്‍ഡ്‌സ് ഫ്രീ, വോയ്‌സ് കണ്‍ട്രോള്‍ഡ് ഡിവൈസാണ് എക്കോ ഡോട്ട്. എക്കോയിലേത് പോലെ ഫാര്‍-ഫീല്‍ഡ് വോയ്‌സ് റെക്കഗ്നീഷ്യന്‍ ആണ് ഇതിലും ഉപയോഗിക്കുന്നത്.

വളരെ കനം കുറഞ്ഞ ചെറിയ ഡിസൈനാണ് ഇതിന്റേത്. വെളുപ്പും കറുപ്പും നിറങ്ങളില്‍ ലഭ്യമാകും. എല്ലാ മുറികളിലും ഒരു എക്കോ ഡോട്ട് വയ്ക്കാവുന്ന തരത്തിലാണ് ഇതിന്റെ ഡിസൈന്‍. ബില്‍ട് -ഇന്‍ സ്പീക്കര്‍ വഴി അലക്‌സയുമായി സംസാരിക്കുകയും പാട്ടു കേള്‍ക്കുകയും ചെയ്യാം. അല്ലെങ്കില്‍ ബ്ലൂടൂത്ത് വഴിയോ 3.5 എംഎം സ്റ്റീരിയോ കേബിള്‍ ഉപയോഗിച്ചോ എക്കോ ഡോട്ട് സ്പീക്കറുമായി കണക്ട് ചെയ്യാം. ഏത് ഹോം എന്റര്‍ടെയ്ന്‍മെന്റ് സിസ്റ്റവുമായും അലക്‌സ് ബന്ധിപ്പിക്കാം.

4,499 രൂപയാണ് എക്കോ ഡോട്ടിന്റെ വില.

ലഭ്യത

ഇന്ത്യയിലെ ഉപഭോക്താക്കള്‍ക്ക് ഇന്‍വിറ്റേഷനിലൂടെ ആയിരിക്കും എക്കോ ഡിവൈസുകള്‍ ലഭ്യമാവുക.

എക്കോ ലഭിക്കുന്നതിന് www.amazon.in/echo

എക്കോ പ്ലസ് ലഭിക്കുന്നതിന് www.amazon.in/echo plus

എക്കോ ഡോട്ട് ലഭിക്കുന്നതിന് www.amazon.in/echodot

എന്നിവയില്‍ ഇന്‍വിറ്റേഷന് വേണ്ടി അപേക്ഷിക്കാം.

ക്രോമ, റിലയന്‍സ് ഡിജിറ്റല്‍ സ്‌റ്റോര്‍ തുടങ്ങിയ റീട്ടെയ്‌ലര്‍ സ്‌റ്റോറുകള്‍ വഴിയും എക്കോ ഡിവാസുകള്‍ പിന്നീട് ലഭ്യമായി തുടങ്ങും.