അംബ്രെൻ ഡോട്ട്സ് 11, ഡോട്ട്സ് 20 ടിഡബ്ല്യുഎസ് ഇയർബഡുകൾ ഇന്ത്യയിൽ അവതരിപ്പിച്ചു

അംബ്രെൻ ഡോട്ട്സ് 11, അംബ്രെൻ ഡോട്ട്സ് 20: വിലയും, ലഭ്യതയും

അംബ്രേന്റെ ഔദ്യോഗിക വെബ്‌സൈറ്റ്, ആമസോൺ, ഫ്ലിപ്കാർട്ട് എന്നിവയിൽ നിന്നും അംബ്രെൻ ഡോട്ട്സ് 11, അംബ്രെൻ ഡോട്ട്സ് 20 ടിഡബ്ല്യുഎസ് ഇയർഫോണുകൾ ലഭ്യമാണ്. 2,999 രൂപ വില വരുന്ന ഈ രണ്ട് പ്രോഡക്റ്റുകൾക്കും നിലവിൽ ഈ ഓൺലൈൻ പ്ലാറ്റ്ഫോമുകളിൽ കിഴിവിൽ ലഭ്യമാണ്. കമ്പനിയുടെ വെബ്‌സൈറ്റിൽ അംബ്രെൻ ഡോട്ട്സ് 11 ഇയർഫോണുകൾ 1,999 രൂപയ്ക്കും, അംബ്രെൻ ഡോട്ട്സ് 20 ഇയർഫോണുകൾ 1,799 രൂപയ്ക്കും ലഭ്യമാണ്. എന്നാൽ, നിങ്ങളുടെ പിൻ കോഡ് നൽകി കമ്പനി നിങ്ങളുടെ പ്രദേശത്ത് ഈ ഗാഡ്ജെറ്റ് ലഭ്യമാക്കുന്നുണ്ടോ എന്ന കാര്യം നിങ്ങൾ പരിശോധിക്കേണ്ടതുണ്ട്.

അംബ്രെൻ ഡോട്ട്സ് 11 ഇയർഫോണുകൾ 1,899 രൂപയ്ക്കും, അംബ്രെൻ ഡോട്ട്സ് 20 ഇയർഫോണുകൾ 1,599 രൂപയ്ക്കും ആമസോണിൽ ലഭ്യമാണ്. അതുപോലെ, ഫ്ലിപ്കാർട്ടിൽ, ആംബ്രെൻ ഡോട്ട്സ് 11 ഇയർഫോണുകൾ 1,899 രൂപയ്ക്കും, അംബ്രെൻ ഡോട്ട്സ് 20 ഇയർഫോണുകൾ 1,699 രൂപയ്ക്കും ലഭ്യമാണ്. അംബ്രെൻ ഡോട്ട്സ് 11 ഒരൊറ്റ കറുത്ത നിറത്തിലും, ആംബ്രെൻ ഡോട്ട്സ് 20 ബ്ലാക്ക് ആൻഡ് വൈറ്റ് കളർ ഓപ്ഷനുകളിലും വിപണിയിൽ ലഭ്യമാണ്.

അംബ്രെൻ ഡോട്ട്സ് 11, അംബ്രെൻ ഡോട്ട്സ് 20 സവിശേഷതകൾ

അംബ്രെൻ ഡോട്ട്സ് 11, അംബ്രെൻ ഡോട്ട്സ് 20 ടിഡബ്ല്യുഎസ് ഇയർഫോണുകൾക്ക് സവിശേഷതകളുടെ കാര്യത്തിൽ വളരെയധികം സാമ്യതകളുണ്ടെങ്കിലും വ്യത്യസ്ത ഡിസൈനുകളുമായാണ് ഇവ വിപണിയിൽ വരുന്നത്. ഇവ രണ്ടും ബ്ലൂടൂത്ത് വി 5 കണക്റ്റിവിറ്റിയുടെ സവിശേഷതയുമായാണ് വരുന്നത്. കൂടാതെ, ഐപിഎക്സ് 5 വാട്ടർ-റെസിസ്റ്റൻസ് റേറ്റിംഗുമായി വരുന്ന ഇവയ്ക്ക് വാട്ടർ സ്പ്ലാഷുകളെ നേരിടാൻ സാധിക്കുന്നതാണ്.

7 എംഎം ഡൈനാമിക് ഡ്രൈവറുകളുള്ള ആംബ്രെൻ ഡോട്ട്സ് 11 നോൺ-സ്റ്റെം ഡിസൈനാണ് വരുന്നത്. ഗൂഗിൾ അസിസ്റ്റന്റിനും സിറിയ്ക്കുമായി ഹൈ-ബാസ് ഫീച്ചറും വോയ്‌സ് അസിസ്റ്റന്റ് ആക്ടിവേഷനും ഉണ്ട്. അംബ്രെൻ അനുസരിച്ച്, ഈ ഇയർബഡുകൾ മൊത്തം പ്ലേടൈമിന്റെ 20 മണിക്കൂർ വരെയും (കേസ് വഴി റീചാർജ് ചെയ്യുന്നത് ഉൾപ്പെടെ), ഒരു ചാർജിൽ 5 മണിക്കൂർ വരെയും സമയം നൽകുന്നു. യുഎസ്ബി ടൈപ്പ്-സി പോർട്ട് വഴി ഫാസ്റ്റ് ചാർജിംഗിനെ ഇവ സപ്പോർട്ട് ചെയ്യുന്നു. മ്യൂസിക്കിനും കോളിംഗിനുമായി ടച്ച് കൺട്രോളുമായി ഈ ഇയർഫോണുകൾ വരുന്നു.

അംബ്രെൻ ഡോട്ട്സ് 20ൽ അവതരിപ്പിക്കുന്ന ഒരു സ്റ്റെം ഡിസൈനോപ്പം എൻവയോൺമെന്റൽ നോയ്സ് ക്യാൻസലിങ് (ഇഎൻസി) സവിശേഷതയും ഉൾപ്പെടുന്നു. ഇത് കോളുകളിൽ മികച്ച മൈക്ക് പ്രകടനത്തിനായി ആംബിയന്റ് സൗണ്ട് കുറയ്ക്കുമെന്ന് അവകാശപ്പെടുന്നു. ഈ ഇയർഫോണുകളിൽ നൂതന അക്കോസ്റ്റിക് സാങ്കേതികവിദ്യയും 10 എംഎം ഡ്രൈവറുകളും ഉണ്ടെന്ന് കമ്പനി പറയുന്നു. ഈ ഇയർബഡുകൾ മൊത്തം 25 മണിക്കൂർ വരെ പ്ലേടൈം നിങ്ങൾക്ക് നൽകുന്നു. ചാർജിംഗിനായുള്ള യുഎസ്ബി ടൈപ്പ്-സി പോർട്ടും സംഗീതവും കോളിംഗും നിയന്ത്രിക്കുന്നതിന് മൾട്ടി-ഫങ്ഷണൽ ടച്ച് സെൻസറുകളും ഇവ അവതരിപ്പിക്കുന്നു.