ആംകെറ്റ് ഇവോഫോക്സ് ഗെയിംബോക്സ് ഗെയിമിംഗ് കൺസോൾ ഇന്ത്യൻ വിപണിയിൽ അവതരിപ്പിച്ചു

ആംകെറ്റ് ഇവോഫോക്സ് ഗെയിംബോക്സ്: വില

9,999 രൂപയാണ് ആംകെറ്റ് ഇവോഫോക്സ് ഗെയിംബോക്സ് കൺസോളിന് വരുന്ന വില. ആംകെറ്റ് ഉപഭോക്താക്കൾക്ക് 1,000 രൂപ കിഴിവിൽ ഇവോഫോക്സ് ഗെയിംബോക്സ് ആദ്യ ആഴ്ചയിൽ തന്നെ 8,999 രൂപയ്ക്ക് സ്വന്തമാക്കാവുന്നതാണ്. ഗെയിമിംഗ് കൺസോൾ ഫ്ലിപ്കാർട്ടിൽ നിന്നും കമ്പനിയുടെ സ്വന്തം വെബ്‌സൈറ്റിൽ നിന്നും നിങ്ങൾക്ക് വാങ്ങാവുന്നതാണ്.

ആംകെറ്റ് ഇവോഫോക്സ് ഗെയിംബോക്സ്: സവിശേഷതകൾ

ആംകെറ്റ് ഇവോഫോക്സ് ഗെയിംബോക്സ് ഗെയിം കൺസോൾ ഒരു ആൻഡ്രോയിഡ് ടിവി ബോക്സിനോട് സാമ്യമുള്ളതായി പറയുന്നു, മാത്രമല്ല ഇത് ഒരു റിമോട്ടുമായാണ് വരുന്നത്. എക്സ്ബോക്സ് വൺ കണ്ട്രോളറിന് സമാനമായ ഇവോ ഫോക്സ് എലൈറ്റ് പ്രോ വയർലെസ് എന്ന ഗെയിംപാഡും ഇതോടപ്പം വരുന്നു. ഈ റിമോട്ട് കൺട്രോളിൽ വോയ്‌സ് കൺട്രോൾ വരുന്നു, മാത്രമല്ല എയർ ജെസ്റ്ററുകളെ സപ്പോർട്ട് ചെയ്യുന്നതിനാൽ ഇത് ഒരു മൗസായി പ്രവർത്തിക്കുന്നതായി നിങ്ങൾക്ക് അനുഭവപ്പെടും.

മാലി ജി 31 3 ഡി ജിപിയുമായി ജോടിയാക്കിയ അംലോജിക് എസ് 905 എക്സ് 3 പ്രോസസറാണ് ഗെയിം കൺസോളിന് കരുത്ത് നൽകുന്നത്. മൈക്രോ എസ്ഡി കാർഡ് വഴി 128 ജിബി വരെ എക്സ്പാൻഡ് ചെയ്യാവുന്ന 4 ജിബി ഡിഡിആർ 3 റാമും 32 ജിബി ഇന്റേണൽ സ്റ്റോറേജും ഇതിൽ വരുന്നു. ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.0 എന്നിവയ്ക്കുള്ള സപ്പോർട്ടുമായാണ് ഇത് വരുന്നത്.

ആൻഡ്രോയിഡ് ടിവി പ്ലേ സ്റ്റോറിലേക്ക് ആക്‌സസ്സുള്ള ഈ ഡിവൈസ് ഗൂഗിളിൻറെ ആൻഡ്രോയിഡ് 9 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. പുതിയ പ്രവർത്തനരീതികൾ സമയത്ത് ലഭിക്കുന്നതിനായി ഒടിഎ അപ്‌ഡേറ്റുകൾ തുടർന്നും പുറത്തിറക്കുമെന്ന് കമ്പനി പറയുന്നു. സിസ്റ്റം നന്നായി ട്യൂൺ ചെയ്‌തിട്ടുണ്ടെന്നും അസ്ഫാൽറ്റ് 8, ബീച്ച് ബഗ്ഗി തുടങ്ങിയ ഗെയിമുകൾക്ക് യാതൊരു തടസ്സവുമില്ലാതെ പ്രവർത്തിപ്പിക്കാമെന്നും കമ്പനി അവകാശപ്പെടുന്നു. ഉപയോക്താക്കൾക്ക് ഈ ഡിവൈസിലേക്ക് ഒരു വെബ്‌ക്യാം കണക്റ്റ് ചെയ്യാനും വീഡിയോ കോളുകൾ ചെയ്യാനും സാധിക്കുന്നതാണ്.