Sp02 സെൻസറുമായി ബോട്ട് സ്മാർട്ട് വാച്ച് എക്സ്റ്റെൻഡ് ഇന്ത്യയിൽ അവതരിപ്പിക്കും

നിങ്ങളുടെ ഫാഷനോ സ്റ്റൈലിനോ അനുയോജ്യമായ രീതിയിൽ വാച്ച് ഫെയ്സ് സജ്ജമാക്കാൻ കഴിയും. വാച്ചിൻറെ പ്രവർത്തനങ്ങളിൽ നിങ്ങൾക്ക് പൂർണ്ണമായി നിയന്ത്രണം ലഭിക്കുവാൻ വലതുവശത്തായി ഒരു ക്‌നോബ് ഉണ്ട്. പിച്ച് ബ്ലാക്ക് ബ്ലാക്ക്, ഡീപ്പ് ബ്ലൂ, സാൻഡ് ക്രീം, ഒലിവ്-ഗ്രീൻ നിറങ്ങളിൽ ബോട്ട് വാച്ച് എക്സ്റ്റെൻഡ് സ്മാർട്ട് വാച്ച് ലഭ്യമാണ്. 30 മിനിട്ട് വരെ നിൽക്കുന്ന 50 മീറ്റർ വരെ വാട്ടർപ്രൂഫാണ് ഇത്. മോടിയുള്ളതും വ്യത്യസ്ത നിറങ്ങളിൽ വരുന്ന സൗകര്യപ്രദമായ സിലിക്കൺ സ്ട്രാപ്പും, കൂടാതെ ക്ലാസിക് സ്റ്റെയിൻലെസ് സ്റ്റീൽ ബക്കിളുമുണ്ട്.

ഈ സ്മാർട്ട് വാച്ചിൻറെ സവിശേഷതകളെക്കുറിച്ച് കൂടുതൽ ഇതുവരെ വെളിപ്പെടുത്തിയിട്ടില്ലെങ്കിലും, ബോട്ട് വാച്ച് എക്‌സ്ടെന്റ് ഒരു SpO2, ബ്ലഡ് ഓക്സിജൻ ലെവൽ മോണിറ്ററിംഗുമായി വരുന്നുവെന്ന് സൂചിപ്പിച്ചിരിക്കുന്നു. 24x7 ഓട്ടോമാറ്റിക് ഹാർട്ട് റേറ്റ് മോണിറ്ററിനൊപ്പം ഗൈഡഡ് മെഡിറ്റേറ്റീവ് ഹാർട്ട് റേറ്റ് ആപ്ലിക്കേഷനുമുണ്ട്. മറ്റ് ബോട്ട് വാച്ച് മോഡലുകൾ പോലെ ഇത് മ്യൂസിക് കൺട്രോളുകളുമായി വരും, മൈ ഫോൺ, ഡിഎൻടി, കാലാവസ്ഥാ പ്രവചനങ്ങൾ എന്നിവ കണ്ടെത്തുകയും 5 എടിഎം (50 മീറ്റർ) വാട്ടർ പ്രതിരോധം അവതരിപ്പിക്കുകയും ചെയ്യും. 300mAh ബാറ്ററിയാണ് ഈ സ്മാർട്ട് വാച്ചിൽ നൽകിയിരിക്കുന്നത്.

നിങ്ങളുടെ ഉറക്കത്തിൻറെ നിലവാരവും നിരീക്ഷിക്കാൻ ഇതിന് കഴിയും. നിങ്ങൾ ഒരു കായിക പ്രേമിയാണെങ്കിൽ,14 വ്യത്യസ്ത കായിക മോഡുകൾ നിങ്ങൾക്ക് ലഭിക്കും. ഇൻഡോർ വാക്കിങ്, ഔട്ട്‌ഡോർ വാക്കിങ്, യോഗ, വ്യായാമം എന്നിവയും ഇതിൽ ഉണ്ട്. ബോട്ട് വാച്ച് എക്‌സ്ടെൻറെ ലോഞ്ച് തീയതിയും വില സംബന്ധിച്ചുള്ള വിശദാംശങ്ങളും ഇതുവരെ പ്രഖ്യാപിച്ചിട്ടില്ല. എന്നാൽ, ഈ സ്മാർട്ട് വാച്ച് ഒരു ആമസോൺ എക്സ്ക്ലൂസീവ് ആയതിനാൽ ബോട്ടിൻറെ ഔദ്യോഗിക വെബ്‌സൈറ്റ് വഴിയും ആമസോൺ ഇന്ത്യ വഴിയും മാത്രമായി ലഭ്യമാകും.

2016 ൽ സ്ഥാപിതമായ ദില്ലി ആസ്ഥാനമായുള്ള ഹെഡ്‌ഫോണുകളും ഓഡിയോ പ്രൊഡക്റ്റ്സ് ബ്രാൻഡായ ബോറ്റിന് 2020 ൽ ഇന്ത്യൻ പേഴ്‌സണൽ ഓഡിയോ പ്രോഡക്റ്റ് വിപണിയിൽ 37 ശതമാനം വിപണി വിഹിതമുണ്ടെന്ന് വിപണി ഗവേഷണ സ്ഥാപനമായ കലഗറ്റോ അടുത്തിടെ വെളിപ്പെടുത്തി. എട്ട് ശതമാനം ഓഹരിയുമായി റിയൽമി രണ്ടാം സ്ഥാനത്ത് എത്തി. അഞ്ച് വർഷം പഴക്കമുള്ള കമ്പനിയുടെ വളർച്ചയ്ക്ക് കാരണമായത് ഗുണനിലവാരമുള്ള പ്രോഡക്റ്റുകൾ മിതമായ നിരക്കിൽ വിപണിയിൽ ലഭ്യമാക്കുന്നു എന്നതാണ്.