ഹുവാവേ ബാൻഡ് 6 വാങ്ങുമ്പോൾ നേടൂ ഹുവാവേ മിനി സ്പീക്കർ സൗജന്യമായി; വിൽപ്പന ജൂലൈ 12 മുതൽ

ഇന്ത്യയിൽ ഹുവാവേ ബാൻഡ് 6 ൻറെ വിലയും, ലഭ്യതയും

4,490 രൂപ വില വരുന്ന ഹുവാവേ ബാൻഡ് 6 ആമസോണിൽ നിന്നും ജൂലൈ 12 മുതൽ നിങ്ങൾക്ക് വാങ്ങാവുന്നതാണ്. മാത്രമല്ല, ജൂലൈ 12 നും ജൂലൈ 14 നും ഇടയിൽ ഈ ഹുവാവേ സ്മാർട്ട് ബാൻഡ് വാങ്ങുന്ന ഉപഭോക്താക്കൾക്ക് പ്രത്യേക ഓഫർ നേടാൻ കഴിയും. അവർക്ക് 1,999 രൂപ വിലയുള്ള ഒരു ഹുവാവേ മിനി സ്പീക്കർ സൗജന്യമായി ലഭിക്കും. ഹുവാവേ ബാൻഡ് 6 നായി ആമസോൺ ഒരു പ്രത്യേക മൈക്രോസൈറ്റും നിർമ്മിച്ചിട്ടുണ്ട്. ഇന്ത്യയിൽ ഹുവാവേ ബാൻഡ് 6 നാല് അംബർ സൺറൈസ്, ഗ്രാഫൈറ്റ് ബ്ലാക്ക്, ഫോറസ്റ്റ് ഗ്രീൻ, സകുര പിങ്ക് എന്നിങ്ങനെ കളർ ഓപ്ഷനുകളിൽ ലഭിക്കും. ഹുവാവേ ബാൻഡ് 6 ഏപ്രിലിൽ മലേഷ്യയിൽ അവതരിപ്പിച്ചു.

ഹുവാവേ ബാൻഡ് 6 സവിശേഷതകൾ

1.47 ഇഞ്ച് അമോലെഡ് ഫുൾ വ്യൂ (194x368 പിക്‌സൽ) കളർ ഡിസ്‌പ്ലേ 64 ശതമാനം സ്‌ക്രീൻ-ടു-ബോഡി റേഷിയോയിൽ ഹുവായ് ബാൻഡ് 6 അവതരിപ്പിക്കുന്നു. ഹുവായ് ബാൻഡ് 6 ൻറെ സ്ക്രീൻ അതിൻറെ മുൻഗാമിയായ ഹുവായ് ബാൻഡ് 4 നേക്കാൾ 148 ശതമാനം വലുതാണ്. ഇതിൻറെ സ്‌കിനിന് അനുയോജ്യമായ യുവി-ട്രീറ്റഡ് സിലിക്കൺ സ്ട്രാപ്പ് ഉണ്ട്. ഭാരം വെറും 18 ഗ്രാം ആണ്. രണ്ടാഴ്ച വരെ ബാറ്ററി ലൈഫ് അല്ലെങ്കിൽ 10 ദിവസം വരെ കൂടുതൽ ഉപയോഗത്തിനായി ലഭ്യമാക്കുന്നു. അഞ്ച് മിനിറ്റ് ചാർജ് ചെയ്താൽ ഹുവായ് ബാൻഡ് 6 രണ്ട് ദിവസത്തെ ബാറ്ററി ലൈഫ് നൽകുമെന്ന് കമ്പനി അവകാശപ്പെടുന്നു. ഇത് ഹുവായുടെ ട്രൂസീൻ 4.0 24x7 ഹാർട്ട്റേറ്റ് മോണിറ്ററിങ്, ട്രൂ സ്ലീപ്പ് 2.0 സ്ലീപ്പ് മോണിറ്ററിംഗ്, കമ്പനിയുടെ ട്രൂറെലാക്സ് സ്ട്രെസ് മോണിറ്ററിംഗ് സാങ്കേതികവിദ്യ എന്നിവ സപ്പോർട്ട് ചെയ്യുന്നു. ഫിറ്റ്നസ് ബാൻഡിന് സ്പോ 2 ബ്ലഡ്-ഓക്സിജൻ സാച്ചുറേഷൻ മോണിറ്ററിംഗും ഉണ്ട്.

ഹുവാവേ ബാൻഡ് 6 ൽ മെൻസ്ട്രുൾ സൈക്കിൾ ട്രാക്കിംഗ് സവിശേഷതയും ഫോണിലൂടെ മ്യൂസിക് പ്ലേ ചെയ്യുന്നത് നിയന്ത്രിക്കാനുള്ള കഴിവുമുണ്ട്. എന്നാൽ ഈ രണ്ട് സവിശേഷതകളും സപ്പോർട്ട് ചെയ്യുന്നത് ആൻഡ്രോയ്‌ഡ് ഓപ്ഷനിൽ മാത്രമാണ്, ഐഒഎസ് ഡിവൈസുകൾക്ക് ലഭ്യമല്ല. ഓട്ടം, നീന്തൽ, എലിപ്‌റ്റിക്കൽ, റോയിംഗ്, ട്രെഡ്‌മിൽ എന്നിവ ഉൾപ്പെടുന്ന 96-ലധികം വർക്ക്ഔട്ട് മോഡുകൾ ഈ ഫിറ്റ്‌നെസ് ബാൻഡിൽ ഉണ്ട്. അപ്ലിക്കേഷൻ നോട്ടിഫിക്കേഷനുകൾ, ഇൻകമിംഗ് കോളുകൾക്കും സന്ദേശങ്ങൾക്കുമുള്ള അലേർട്ടുകൾ, കാലാവസ്ഥാ അപ്‌ഡേറ്റുകൾ ഈ സ്മാർട്ട് ബാൻഡിലുണ്ട്.

ഈ ഫിറ്റ്നസ് ബാൻഡിന് 43 x 25.4 x 10.99 മിലിമീറ്റർ അളവും, 5 എടിഎം (50 മീറ്റർ വരെ) വാട്ടർ റെസിസ്റ്റൻസുമുള്ളതാണ്. ഹുവായ് ബാൻഡ് 6 ന് മാഗ്നറ്റിക് ചാർജിംഗ് തിംബിൾ ഉണ്ട്, കൂടാതെ ബ്ലൂടൂത്ത് v5.0 നെ സപ്പോർട്ട് ചെയ്യുന്നു. ഇതിൽ നാവിഗേഷൻ സപ്പോർട്ട് ചെയ്യുന്നതിനായി ഒരു സൈഡ് ബട്ടണും നൽകിയിട്ടുണ്ട്. ആൻഡ്രോയിഡ് 6.0 അല്ലെങ്കിൽ അതിനുശേഷമുള്ളതും ഐഒഎസ് 9.0 അല്ലെങ്കിൽ അതിനുശേഷം വരുന്ന സ്മാർട്ട്ഫോണുകളുമായി ഇത് പ്രവർത്തിക്കുന്നു.