മഴ പെയ്തിട്ടും ചൂട് കുറയുന്നില്ലലോ? എസി വാങ്ങിയാലോ? പക്ഷെ ചിലത് അറിഞ്ഞിരിക്കണം

ഈ വേനൽക്കാലത്ത് ഇന്ത്യയിൽ എയർ കണ്ടീഷണറുകളുടെ ആവശ്യം അനുദിനം വർദ്ധിച്ചുകൊണ്ടിരിക്കുകയാണ്. ഒരുപാട് ടെക്നൊളജിയും താങ്ങാനാവുന്ന വിലയിലും മുമ്പത്തേക്കാൾ കൂടുതൽ ആളുകൾക്ക് ഇപ്പോൾ ഒരു എസി വാങ്ങാൻ കഴിയും. തിരഞ്ഞെടുക്കാൻ ധാരാളം ഓപ്‌ഷനുകളും ഉണ്ട്. ഓരോ ടൈപ്പ് എസികൾക്കും പല തരത്തിലുള്ള ഉപയോക്താക്കളും ഉണ്ട്.

ഇ-കൊമേഴ്‌സ് സൈറ്റുകളും റീട്ടെയ്‌ലർമാരും എസി വിൽപ്പന ഉയരുന്ന സമയമാണ് വേനൽക്കാലം. നിങ്ങളുടെ വിരൽത്തുമ്പിലെ വൈവിധ്യമാർന്ന ഔട്ട്‌ലെറ്റുകൾക്കും നല്ല മെച്ചപ്പെട്ട സമയമാണിത്. അതുകൊണ്ട് തന്നെ എസി വാങ്ങുക എന്നത് അത്ര കഠിനമായ ടാസ്ക്ക് അല്ല. ഇപ്പോൾ എസി വാങ്ങണമെന്ന് തീരുമാനിച്ചാൽ മണിക്കൂറുകൾക്ക് ഉള്ളിൽ സാധനം വീട്ടിൽ എത്തുന്ന സാഹചര്യത്തിലേക്ക് ഇന്ന് മാർക്കറ്റിങ് വളർന്നിരിക്കുന്നു.

നിങ്ങൾ ഒരു പുതിയ എസി വാങ്ങാൻ ആഗ്രഹിക്കുന്നുവെങ്കിൽ ചില കാര്യങ്ങൾ അറിഞ്ഞിരിക്കേണ്ടത് അനിവാര്യമാണ്. വിഷമിക്കേണ്ട. ഈ ലേഖനത്തിൽ, എസികളെ കുറിച്ച് കൂടുതൽ മനസ്സിലാക്കാനും അറിവോടെയുള്ള തീരുമാനമെടുക്കാനും നിങ്ങളെ സഹായിക്കുന്ന ചില ടെക്ക് സംബന്ധമായ വിശദാംശങ്ങൾ വിവരിക്കുന്നുണ്ട്. ഇത് നിങ്ങൾക്ക് ഗുണം ചെയ്യുമെന്നതിൽ സംശയമില്ല.

എസികളെ പ്രാഥമികമായി വിൻഡോ എസി, സ്പ്ലിറ്റ് എസി എന്നിങ്ങനെ തരംതിരിക്കാം. പൊതുവെ, സ്പ്ലിറ്റ് എസികളുമായി താരതമ്യപ്പെടുത്തുമ്പോൾ വിൻഡോ എസികൾ വിലകുറഞ്ഞതാണ്. കൂടാതെ ഇൻസ്റ്റാൾ ചെയ്യാൻ വളരെ എളുപ്പവുമാണ്. എന്നിരുന്നാലും, സ്പ്ലിറ്റ് എസികൾ കുറഞ്ഞ ശബ്‌ദത്തോടെ കൂടുതൽ കാര്യക്ഷമമായ കൂളിംഗ് സൊല്യൂഷൻ വാഗ്ദാനം ചെയ്യുന്നുണ്ട്. കൂടാതെ മിക്ക ആധുനിക സ്പ്ലിറ്റ് എസികളും ഉപയോഗിക്കാനും സർവീസ് ചെയ്യുവാനും വളരെ എളുപ്പമാണ്.

എന്നാൽ സ്പ്ലിറ്റ് എസികളെ കുറിച്ച് കൂടുതൽ അറിയേണ്ടതുണ്ട്. അവ എങ്ങനെ പ്രവർത്തിക്കുന്നു എന്നതിൻ്റെ അടിസ്ഥാനത്തിൽ, സ്പ്ലിറ്റ് എസികളെ കൺവെൻഷണൽ അല്ലെങ്കിൽ നോൺ-ഇൻവെർട്ടർ സ്പ്ലിറ്റ് എസി, ഇൻവെർട്ടർ സ്പ്ലിറ്റ് എസി എന്നിങ്ങനെ രണ്ട് വിഭാഗങ്ങളായി വേർതിരിക്കാം. ഇൻവെർട്ടർ വേർഷൻ തണുപ്പിലും വൈദ്യുതി ഉപഭോഗത്തിലും (power consumption) കൂടുതൽ കാര്യക്ഷമമാണ്.

മിക്ക മോഡേൺ എസികളും കൂളിംഗ് കപ്പാസിറ്റിയുടെ അടിസ്ഥാനത്തിൽ നാല് വ്യത്യസ്ത വലുപ്പങ്ങളിൽ ലഭ്യമാണ്. ഒരു എൻട്രി ലെവൽ എസിക്ക് 0.8 ടൺ കൂളിംഗ് കപ്പാസിറ്റി ഉണ്ടായിരിക്കും. കൂടുതൽ ചെലവേറിയ മോഡിൽ ഇത് 2 ടൺ വരെ ഉയരും. മിക്ക കൺസ്യൂമർ സെൻട്രിക്ക് എസികളുടെയും സ്ഥിതി ഇതുതന്നെയാണെങ്കിലും, വളരെ വലുതും ചെലവേറിയതുമായ കുറച്ച് മോഡലുകളും ഉണ്ട്.

വലിയ എസി, കൂടുതൽ തണുപ്പ് നൽകാൻ കഴിയും. 1.5 ടൺ എസിക്ക് 1 ടൺ എസിയെക്കാൾ വളരെ വേഗത്തിൽ ഒരു മുറി തണുപ്പിക്കാൻ കഴിയും. അതുപോലെ, 2 ടൺ എസിക്ക് അതേ സ്ഥലത്തെ 1.5 ടൺ എസിയേക്കാൾ വേഗത്തിൽ തണുപ്പിക്കാൻ കഴിയും. എക്സ്ടെർണൽ ടെംപെറേച്ചർ, ഫാൻ വേഗത, എസി മോഡ് എന്നിവ പോലുള്ള മറ്റ് പാരാമീറ്ററുകൾ അനുസരിച്ച്, എസിയുടെ കൂളിംഗ് പെർഫോമൻസ് ഓരോ സ്ഥലത്തും വ്യത്യാസപ്പെടും.

ഒരു എസിയുടെ വൈദ്യുതി ഉപഭോഗം കണക്കാക്കുന്നത് ഉപയോക്താവിനെ ആശ്രയിച്ച് വ്യത്യാസപ്പെടും. കൂടാതെ മുറിയിലെ താപനില, പ്രവർത്തന സമയം, പവർ റേറ്റ് എന്നിവ പോലുള്ള പാരാമീറ്ററുകളെ ആശ്രയിച്ചിരിക്കും വൈദ്യുതി ഉപഭോഗം. വീണ്ടും, രാത്രിയുമായി താരതമ്യപ്പെടുത്തുമ്പോൾ പകൽ സമയത്ത് എസി കൂടുതൽ വൈദ്യുതി ഉപയോഗിക്കുന്നു. കാരണം രാത്രിയിലെ അന്തരീക്ഷ താപനില വളരെ കുറവായിരിക്കും. അതിനാൽ എസിക്ക് കൂടുതൽ പ്രവർത്തിക്കേണ്ടി വരില്ല.

പല ഉപയോക്താക്കളും പറയുന്നതനുസരിച്ച്, 1 ടൺ എസി മണിക്കൂറിൽ 1.5 യൂണിറ്റ് (1500 KWh) വൈദ്യുതി ഉപയോഗിക്കും. നിങ്ങൾ ഇത് ഏകദേശം 12 മണിക്കൂർ പ്രവർത്തിപ്പിക്കുകയാണെങ്കിൽ, അത് പ്രതിദിനം 18 യൂണിറ്റ് അല്ലെങ്കിൽ ഒരു മാസത്തിൽ ഏകദേശം 540 യൂണിറ്റ് വരെ വരും.

എന്നാൽ 1.5 ടൺ എസി അൽപ്പം കൂടുതൽ വൈദ്യുതി ഉപയോഗിക്കും. BEE ഊർജ്ജ റേറ്റിംഗ് അനുസരിച്ച്, ഇത് ഉപയോക്താവിനെ അടിസ്ഥാനമാക്കി വ്യത്യാസപ്പെടും. ഒരു യൂണിറ്റ് വൈദ്യുതിയുടെ ശരാശരി വില 6 രൂപ കണക്കിലെടുക്കുമ്പോൾ, ഒരു എസിയുടെ വൈദ്യുതി ബിൽ പ്രതിമാസം 3,500 രൂപ വരും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ അറിയാനും ടെക്ക് ടിപ്‌സുകൾ അറിയാനും gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.