ഇന്ത്യയിൽ ടിഡബ്ല്യൂഎസ് ഇയർബഡുകളുമായി ഗൂഗിൾ പിക്‌സൽ ബഡ്‌സ് എ-സീരീസ് അവതരിപ്പിച്ചു

ഈ പിക്‌സൽ ബഡ്‌സ് എ-സീരീസ് ഇയർബഡുകൾ ഈ വർഷം ജൂൺ മാസത്തിൽ അമേരിക്കയിലും കാനഡയിലും അവതരിപ്പിച്ചിരുന്നു. പുതിയതും പഴയതുമായ പിക്‌സൽ ബഡ്‌സ് തമ്മിൽ നിരവധി സാദൃശ്യങ്ങൾ ഉണ്ട്. ഉദാഹരണത്തിന്, ഈ രണ്ട് ഇയർബഡുകളും 12 എംഎം ഡൈനാമിക് ഡ്രൈവറുകളാൽ നിർമ്മിതമാണ്. മൊത്തത്തിൽ, 9,999 രൂപ വിലയിൽ ഈ പുതിയ ഗൂഗിൾ പിക്‌സൽ ബഡ്‌സ് എ-സീരീസ് ശ്രദ്ധേയമായ ചില സവിശേഷതകളും മറ്റും നൽകുന്നു.

ഗൂഗിൾ പിക്‌സൽ ബഡ്‌സ് എ-സീരീസ് സവിശേഷതകൾ

പുതുതായി പുറത്തിറക്കിയ പിക്‌സൽ ബഡ്‌സ് എ-സീരീസ് കസ്റ്റം രൂപകൽപ്പന ചെയ്ത 12 എംഎം ഡൈനാമിക് ഡ്രൈവറുകളുമായി വരുന്നു, ഇത് ബാസ് ബൂസ്റ്റിനൊപ്പം വ്യക്തവും സ്വാഭാവികവുമായ സൗണ്ട് നൽകാൻ കഴിയുമെന്ന് ഗൂഗിൾ അവകാശപ്പെടുന്നു. പുതിയ പിക്‌സൽ ബഡ്‌സ് എ-സീരീസിൻറെ ചില പ്രധാന സവിശേഷതകളിൽ ഐപിഎക്‌സ് 4 റേറ്റുചെയ്ത വാട്ടർ ആൻഡ് ഡസ്റ്റ് റെസിസ്റ്റൻസ് സർട്ടിഫിക്കേഷൻ, പാസ്സീവ് നോയ്‌സ് റീഡക്ഷൻ, ഗൂഗിൾ അസിസ്റ്റന്റ് സപ്പോർട്ട് എന്നിവയും ഉൾപ്പെടുന്നു. പിക്‌സൽ ബഡ്‌സ് എ-സീരീസ് ടിഡബ്ല്യൂഎസ് ഇയർഫോണുകൾ അഡാപ്റ്റീവ് സൗണ്ടിനൊപ്പം വരുന്നു. ഇത് ചുറ്റുപാടുകളെ അടിസ്ഥാനമാക്കി സൗണ്ട് കൂട്ടുകയും കുറയ്ക്കുകയും ചെയ്യുന്നു.

 

പുതിയ ടിഡബ്ല്യുഎസ് ഇയർബഡുകൾ 40-ലധികം ഭാഷകൾക്ക് തത്സമയ വിവർത്തനം നൽകുന്നു, കൂടാതെ ഫാസ്റ്റ് ജോഡി, ഫൈൻഡ് മൈ ഡിവൈസ്, അഡാപ്റ്റീവ് സൗണ്ട് എന്നിവയുമുണ്ട്. പിക്‌സൽ ബഡ്‌സ് എ-സീരീസിലെ ഏറ്റവും വലിയ ഫീച്ചറുകളിൽ ഒന്നാണ് ബാറ്ററി, പുതുതായി പുറത്തിറക്കിയ ഇയർബഡുകൾ ഒറ്റ ചാർജിൽ അഞ്ച് മണിക്കൂർ പ്ലേബാക്ക് സമയം അല്ലെങ്കിൽ ചാർജിംഗ് കേസ് ഉപയോഗിച്ച് 24 മണിക്കൂർ വരെ നൽകുമെന്ന് ഗൂഗിൾ അവകാശപ്പെടുന്നു. 15 മിനിറ്റ് ചാർജ് ചെയ്താൽ മൂന്ന് മണിക്കൂർ പ്ലേബാക്ക് സമയം ലഭിക്കുമെന്ന് ഗൂഗിൾ പറയുന്നു. പുതിയ ഗൂഗിൾ പിക്‌സൽ ബഡ്‌സ് വിലയ്ക്ക് ആകർഷണീയമായ സവിശേഷതകൾ നൽകുമ്പോൾ ഈ ടിഡബ്ല്യൂഎസ് ഇയർബഡുകൾക്ക് വയർലെസ് ചാർജിംഗ് ശേഷി, വോളിയം ക്രമീകരിക്കാനുള്ള സ്വൈപ്പ് ജെസ്റ്റർ കൺട്രോളുകൾ, അറ്റൻഷൻ അലേർട്ട് ഫീച്ചർ എന്നിവ ഉൾപ്പെടെ ചില സവിശേഷതകളുണ്ട്.