ഹുവാവേ ഫ്രീബഡ്സ് പ്രോ, ഫ്രീലാൻസ് പ്രോ ഓഡിയോ ആക്‌സസറീസ് അവതരിപ്പിച്ചു: വില, സവിശേഷതകൾ

ഹുവാവേ ഫ്രീബഡ്സ് പ്രോ, ഫ്രീലേസ് പ്രോ: വിലയും, ലഭ്യതയും

ഹുവാവേ ഫ്രീബഡ്സ് പ്രോയുടെ വില യൂറോ 199 ആണ് (ഏകദേശം 17,280 രൂപ) ഒക്ടോബറിൽ ഇത് ലഭ്യമാകും. ഹുവാവേ ഫ്രീലേസ് പ്രോയുടെ വില യൂറോ 119 ആണ് (ഏകദേശം 10,330 രൂപ) ഈ മാസം വിൽപ്പനയ്‌ക്കെത്തും.

ഹുവാവേ ഫ്രീബഡ്സ് പ്രോ: സവിശേഷതകൾ

ആംബിയന്റ് ശബ്‌ദം തടയുന്നതിനുള്ള ആക്റ്റീവ് നോയ്‌സ് ക്യാൻസലേഷൻ ഫീച്ചർ ചെയ്യുന്ന ട്രൂ വയർലെസ് ഇയർഫോണുകളാണ് ഹുവാവേ ഫ്രീബഡ്‌സ് പ്രോ. ഇയർഫോണുകളുടെ ഹൈബ്രിഡ് നോയ്‌സ് ക്യാൻസലേഷൻ സാങ്കേതികവിദ്യയിൽ അകത്തേക്കും പുറത്തേക്കും അഭിമുഖീകരിക്കുന്ന മൈക്രോഫോണുകൾ ഉൾപ്പെടുന്നു, അവ ശബ്ദം 40 ഡിബി വരെ കുറയ്ക്കുമെന്ന് പറയപ്പെടുന്നു. ആംബിയന്റ് ശബ്ദത്തിന്റെ അളവിനെ അടിസ്ഥാനമാക്കി വ്യത്യസ്ത നോയ്‌സ് ക്യാൻസലേഷൻ മോഡുകൾക്കിടയിൽ ചലനാത്മകമായി മാറാനും ഇയർഫോണുകൾക്ക് കഴിയും. വോയ്‌സ് കോളുകൾക്കായി മികച്ച ശബ്‌ദ വ്യക്തത നൽകുമെന്ന് അവകാശപ്പെടുന്ന ഒരു വോയ്‌സ് സെൻസർ ഈ ഗാഡ്ജെറ്റിൽ നൽകിയിരിക്കുന്നു.

സെറാമിക് വൈറ്റ്, സിൽവർ ഫ്രോസ്റ്റ്, കാർബൺ ബ്ലാക്ക് നിറങ്ങളിൽ ഹുവാവേ ഫ്രീബഡ്സ് പ്രോ വിപണിയിൽ എത്തും. ഇയർഫോണുകളിൽ പരസ്പരം മാറ്റാവുന്ന ഇയർ ടിപ്പുകളും എയർപോഡ്സ് പ്രോയ്ക്ക് സമാനമായ ടച്ച് ജെസ്റ്ററുകളെ പിന്തുണയ്ക്കുന്ന ഒരു ഷോർട്ട് സ്റ്റെമും ഉൾക്കൊള്ളുന്നു. ഒരൊറ്റ ചാർജിൽ ഏഴ് മണിക്കൂർ വരെ (ANC- നൊപ്പം നാലര മണിക്കൂർ വരെ) ബാറ്ററി ലൈഫും കേസിൽ നിന്ന് ആകെ 30 മണിക്കൂർ വരെയും ലഭിക്കുന്നു. ഇവയിൽ 11 എംഎം ഡൈനാമിക് ഡ്രൈവറുകളും ബ്ലൂടൂത്ത് 5.2 പിന്തുണയ്ക്കുന്നു. പിന്തുണയ്‌ക്കുന്ന കോഡെക്കുകളുടെ തരങ്ങൾ ഹുവാവേ വ്യക്തമാക്കിയിട്ടില്ല. ഇയർഫോണുകൾക്ക് ഒരേസമയം രണ്ട് ഉപകരണങ്ങളിലേക്ക് കണക്റ്റുചെയ്യാനാകുമെന്ന് കമ്പനി പറയുന്നു, അതിൽ മാക്, വിൻഡോസ്, ആൻഡ്രോയിഡ്, ഐഒഎസ്‌ ഉപകരണങ്ങൾ ഉൾപ്പെടുന്നു.

ഹുവാവേ ഫ്രീലേസ് പ്രോ: സവിശേഷതകൾ

ഹുവാവേ ഫ്രീലേസ് പ്രോ, നെക്ക്ബാൻഡ് ഇയർഫോണുകൾ ഹുവാവേ ഫ്രീലേസിന് സമാനമാണ്, പക്ഷേ ആക്റ്റീവ് നോയ്‌സ് ക്യാൻസലേഷൻ സവിശേഷതയുമായി വരുന്നു. ഓരോ ഇയർബഡിലും മഗ്നീഷ്യം-അലോയ് ഡയഫ്രം, ഒരു ബാസ് ട്യൂബ് എന്നിവ വരുന്ന 14 എംഎം ഡൈനാമിക് ഡ്രൈവറുകൾ ഈ സവിശേഷതകളിൽ ഉണ്ട്. ഫ്രീലാൻസ് പ്രോ 40 ഡിബി വരെ നോയ്‌സ് ക്യാൻസലേഷൻ പ്രകടനവും മൂന്ന് മൈക്രോഫോണുകൾക്കും എഐ വോയ്‌സ് മെച്ചപ്പെടുത്തലുകൾക്കും മികച്ച കോൾ ക്വാളിറ്റിയും വരുന്നു.

ഒരു ചാർജിൽ തുടർച്ചയായ പ്ലേബാക്ക് ഉപയോഗിച്ച് ഇയർഫോണുകൾ ഒരു ദിവസം മുഴുവൻ നീണ്ടുനിൽക്കുമെന്ന് ഹുവാവേ പറയുന്നു. നെക്ക്ബാൻഡിലെ ബിൽറ്റ്-ഇൻ യുഎസ്ബി ടൈപ്പ്-സി പോർട്ട് അഞ്ച് മിനിറ്റ് ചാർജോടെ അഞ്ച് മണിക്കൂർ പ്ലേബാക്ക് വാഗ്ദാനം ചെയ്യുന്ന ഹുവാവേയുടെ ഹൈപെയർ സവിശേഷതയെ പിന്തുണയ്ക്കുന്നു. ഗ്രാഫൈറ്റ് ബ്ലാക്ക്, സ്പ്രൂസ് ഗ്രീൻ, ഡോൺ വൈറ്റ് എന്നീ നിറങ്ങളിൽ ഇയർഫോണുകൾ വിപണയിൽ വരും. ഇവ ബ്ലൂടൂത്ത് 5 നെ പിന്തുണയ്ക്കുന്നു, കൂടാതെ ഡസ്റ്റ് ആൻഡ് വാട്ടർ റെസിസ്റ്റൻസ് എന്നിവയ്ക്കായി IP55 റേറ്റുചെയ്തിരിക്കുന്നു.