ഇൻഫിനിക്‌സ് 32 എക്‌സ് 1, ഇൻഫിനിക്‌സ് 43 എക്‌സ് 1 സ്മാർട്ട് ടിവികൾ ഇന്ത്യയിൽ അവതരിപ്പിച്ചു; വില, സവിശേഷതകൾ

ഇൻഫിനിക്‌സ് 32 എക്‌സ് 1, ഇൻഫിനിക്‌സ് 43 എക്‌സ് 1: ഇന്ത്യയിലെ വില, ലഭ്യത

ഇൻഫിനിക്‌സ് 32 എക്‌സ് 1 ന് 11,999 രൂപയും ഇൻഫിനിക്‌സ് 43 എക്‌സ് 1 ന് 19,999 രൂപയുമാണ് വില വരുന്നത്. രണ്ട് മോഡലുകളും ഡിസംബർ 18 തീയതി ഉച്ചയ്ക്ക് 12 മണിക്ക് ആരംഭിക്കുന്ന ഫ്ലിപ്കാർട്ട് (32 എക്സ് 1, 43 എക്സ് 1) വഴി വാങ്ങാൻ ലഭ്യമാണ്, നിലവിൽ ഇ-കൊമേഴ്‌സ് വെബ്‌സൈറ്റിൽ ‘കമിങ് സൂൺ' എന്ന് പട്ടികപ്പെടുത്തിയിട്ടുണ്ട്.

ഇൻഫിനിക്‌സ് 32 എക്‌സ് 1, ഇൻഫിനിക്‌സ് 43 എക്‌സ്: 1 സവിശേഷതകൾ

പേരുകൾ സൂചിപ്പിക്കുന്നത് പോലെ, ഇൻഫിനിക്‌സ് 32 എക്‌സ് 1 ന് 32 ഇഞ്ച് ഡിസ്പ്ലേയും, ഇൻഫിനിക്‌സ് 43 എക്‌സ് 1 ന് 43 ഇഞ്ച് ഡിസ്പ്ലേയുമുണ്ട്. 32 എക്‌സ് 1 മോഡലിന് എച്ച്ഡി ഡിസ്പ്ലേയും 43 എക്സ് 1 വേരിയന്റിന് ഫുൾ എച്ച്ഡി ഡിസ്പ്ലേയുമുണ്ട്. എപ്പിക് 2.0 പിക്ചർ എഞ്ചിനും 60Hz റിഫ്രഷ് റേറ്റുമായി വരുന്ന രണ്ട് മോഡലുകൾക്കും ബെസെൽ-ലെസ്സ് സ്ക്രീനുകളുണ്ട്. എച്ച്ഡിആർ 10 നുള്ള സപ്പോർട്ടുമായി വരുന്ന ടിവികൾ 400 നിറ്റ് പീക്ക് ബറൈറ്നെസ്സ് വാഗ്ദാനം ചെയ്യുന്നു. രണ്ട് മോഡലുകളും സുരക്ഷിതമായ മികച്ച വ്യൂയിങ് എക്സ്‌പീരിയൻസിനായി ടി‌യുവി റൈൻ‌ലാൻ‌ഡ് സർ‌ട്ടിഫിക്കറ്റ് ലഭിച്ചവയാണ്. ഇൻഫിനിക്‌സ് 32 എക്‌സ് 1 ഡോൾബി ഓഡിയോയിൽ 20W ബോക്സ് സ്പീക്കറുകൾ വരുന്നു. വലിയ ഇൻഫിനിക്‌സ് 43 എക്‌സ് 1 24 ഡബ്ല്യു ബോക്സ് സ്പീക്കറുകളുമായി വരുന്നു.

1 ജിബി റാമും 8 ജിബി സ്റ്റോറേജുമുള്ള മീഡിയടെക് ക്വാഡ് കോർ പ്രോസസറാണ് രണ്ട് മോഡലുകൾക്കും കരുത്ത് പകരുന്നത്. നിങ്ങൾക്ക് രണ്ട് എച്ച്ഡിഎംഐ പോർട്ടുകൾ, ഒരു യുഎസ്ബി പോർട്ട്, ബ്ലൂടൂത്ത് 5.0, വൈ-ഫൈ, ഇൻഫിനിക്സ് 32 എക്‌സ് 1ൽ ഒരു ഐആർ റിമോട്ട് എന്നിവ കണക്റ്റിവിറ്റിക്കായി ലഭിക്കും. ഇൻഫിനിക്സ് 43 എക്‌സ് 1ൽ നിങ്ങൾക്ക് മൂന്ന് എച്ച്ഡിഎംഐ പോർട്ടുകൾ, രണ്ട് യുഎസ്ബി പോർട്ടുകൾ, ബ്ലൂടൂത്ത് 5.0, വൈ-ഫൈ, ബ്ലൂടൂത്ത് റിമോട്ട് എന്നിവ ലഭിക്കും. ഗൂഗിൾ പ്ലേ സ്റ്റോറിലേക്കും നെറ്റ്ഫ്ലിക്സ്, പ്രൈം വീഡിയോ, യുട്യൂബ് പോലുള്ള ആപ്ലിക്കേഷനുകളിലേക്കും അവ ആക്സസ് നൽകുന്നു. നിങ്ങൾക്ക് ഒരു ഇൻബിൽറ്റ് ക്രോംകാസ്റ്റും ഇതോടപ്പം ലഭിക്കും.