3ജി സപ്പോര്‍ട്ടുമായി 'ഇന്‍റക്സ്‌ അക്വാ-ക്യു7' 3777രൂപയ്ക്ക്

കുറഞ്ഞ വിലയ്ക്കൊരു 3ജി ഫോണ്‍. ഈ ചിന്തയുള്ള ആര്‍ക്കും കണ്ണുമടച്ചുകൊണ്ട് വാങ്ങാം ഇന്‍റക്സ്‌ അക്വാ-ക്യു7. ഡ്യുവല്‍ സിമ്മുള്ള അക്വാ-ക്യു7നില്‍ ആന്‍ഡ്രോയിഡ്5.1(ലോലിപോപ്പ്) കൂടാതെ 320പിപിഐയുള്ള 4.5ഇഞ്ച്‌ സ്ക്രീനുമാണുള്ളത്.

1.2ക്വാഡ്കോര്‍ സ്പ്രെഡ്ട്രം പ്രോസസ്സറിനൊപ്പം 512എംബി റാമാണ് ഇതിന് കരുത്തു പകരുന്നത്. 8ജിബി ഇന്റേണല്‍ മെമ്മറിയുള്ള ഇതില്‍ 32ജിബി വരെ മെമ്മറി എക്സ്പാന്‍റ് ചെയ്യാനും കഴിയും. 2എംപി പിന്‍ക്യാമറയും 0.3 മുന്‍ക്യാമറയുമാണിതിലുള്ളത്.

2000എംഎഎച്ച് ബാറ്ററി അക്വാ-ക്യു7ന് 250മണിക്കൂര്‍ സ്റ്റാന്റ്റ്ബൈ നല്‍കുന്നുണ്ട്. പക്ഷേ, രണ്ട് സിമ്മുകളില്‍ ഒരെണ്ണത്തില്‍ മാത്രമേ 3ജി സപ്പോര്‍ട്ടുള്ളൂ. 3777യ്ക്ക് ഇത്രയും സവിശേഷതകള്‍ ഇടത്തരം ആളുകളെ ആകര്‍ഷിക്കാന്‍ പര്യാപ്തമാണ്.