ജെബിഎൽ ഗോ, ജെബിഎൽ ക്ലിപ്പ് 4, ജെബിഎൽ ബൂംബോക്സ് 2 ബ്ലൂടൂത്ത് സ്പീക്കറുകൾ ഇന്ത്യയിൽ പ്രഖ്യാപിച്ചു

ജെബിഎൽ ബൂംബോക്സ് 2, ജെബിഎൽ ഗോ 3, ജെബിഎൽ ക്ലിപ്പ് 4: ഇന്ത്യയിൽ വിലയും, ലഭ്യതയും

33,999 രൂപ വില വരുന്ന ജെബിഎൽ ബൂംബോക്സ് 2 ഒരൊറ്റ കറുത്ത നിറത്തിലാണ് വിപണിയിൽ വരുന്നത്. 3,999 രൂപ വിലയിൽ വരുന്ന ജെബിഎൽ ഗോ 3 കറുപ്പ്, നീല, ചുവപ്പ് നിറങ്ങളിൽ ലഭ്യമാണ്. 4,499 രൂപ വില വരുന്ന ജെ‌ബി‌എൽ ക്ലിപ്പ് 4 കറുപ്പ്, നീല, ചുവപ്പ്, പിങ്ക്, കറുപ്പ് / ഓറഞ്ച്, നീല / പിങ്ക് തുടങ്ങിയ കളർ ഓപ്ഷനുകളിലും വരുന്നു. മൂന്ന് ബ്ലൂടൂത്ത് സ്പീക്കറുകളും ഇന്ത്യയുടെ ജെബിഎൽ വെബ്‌സൈറ്റ് വഴിയും ഇന്ത്യയിലുടനീളമുള്ള പ്രമുഖ ഓൺലൈൻ, റീട്ടെയിൽ ഔട്ട്‌ലെറ്റുകൾ വഴിയും ലഭ്യമാണ്. ജെബി‌എൽ‌ ബൂം‌ബോക്സ് 2 31,999 രൂപയ്ക്കും, ജെ.ബി.എൽ ഗോ 3 2,999 രൂപയ്ക്കും, ജെബിഎൽ ക്ലിപ്പ് 4 3,999 രൂപയ്ക്കും ജെ‌ബി‌എൽ‌ വെബ്‌സൈറ്റിൽ‌ ഇപ്പോൾ പട്ടികപ്പെടുത്തിയിട്ടുണ്ട്.

ജെബിഎൽ ബൂംബോക്സ് 2 സവിശേഷതകൾ

ജെബിഎല്ലിൽ നിന്നുള്ള ബൂംബോക്സ് 2 എസി മോഡിൽ 80W ഔട്ട്പുട്ടും ബാറ്ററി മോഡിൽ 60W ഉം നൽകുന്നു. ഇതിന് 50Hz മുതൽ 20,000Hz വരെയുള്ള ഫ്രീക്യുൻസി റെസ്പോൺസ് റേഞ്ചുണ്ട്. ഒരൊറ്റ ചാർജിൽ ഇത് 24 മണിക്കൂർ വരെ പ്രവർത്തി സമയം നൽകുമെന്ന് ജെബിഎൽ പറയുന്നു. ജെബിഎൽ ബൂംബോക്സ് 2 വരുന്ന 10,000 എംഎഎച്ച് ബാറ്ററി 6.5 മണിക്കൂറിനുള്ളിൽ പൂർണമായി ചാർജ് ചെയ്യുവാൻ കഴിയും. ബ്ലൂടൂത്ത് കണക്റ്റിവിറ്റി, 3.5 എംഎം ഓഡിയോ ജാക്ക്, ഐപിഎക്സ് 7 റേറ്റുള്ളതാണ് ഇത്. മറ്റ് ഡിവൈസുകൾ ചാർജ് ചെയ്യുന്നതിന് പവർ ബാങ്കായി ബൂംബോക്സ് 2 ഉപയോഗിക്കാം.ഇതിന് 5.9 കിലോഗ്രാമാണ് ഭാരം വരുന്നത്.

ജെബിഎൽ ഗോ 3 സവിശേഷതകൾ

ജെബിഎൽ ഗോ 3 ബ്ലൂടൂത്ത് സ്‌പീക്കറിന് 4.2W ന്റെ ഔട്ട്‌പുട്ടും പരമാവധി 5 മണിക്കൂർ പ്ലേടൈമും ലഭിക്കുന്നു. യുഎസ്ബി ടൈപ്പ്-സി പോർട്ട് വഴി ഇത് ചാർജ് ചെയ്യുവാൻ 2.5 മണിക്കൂർ സമയം വേണം. ജെബിഎല്ലിൽ നിന്നുള്ള ഗോ 3 ബ്ലൂടൂത്ത് 5.1 കണക്റ്റിവിറ്റിക്കായി ഉൾപ്പെടുത്തിയിരിക്കുന്നു. ഒപ്പം ഐപി 67 വാട്ടർ റെസിസ്റ്റൻസും ഇതിലുണ്ട്. ഇതിന് ഓട്ടോ പവർ ഓഫ് ഫീച്ചറുമുണ്ട്. 

ജെബിഎൽ ക്ലിപ്പ് 4 സവിശേഷതകൾ

ജെബിഎൽ ക്ലിപ്പ് 4 ന് 5W ഔട്ട്‌പുട്ട് നൽകുന്നു40 എംഎം ഡ്രൈവറാണുള്ളത്. ഇതിന് 100Hz മുതൽ 20,000Hz വരെ ആവൃത്തി ഫ്രീക്യുൻസി റെസ്പോൺസ് റേഞ്ചുണ്ട്. ബ്ലൂടൂത്ത് 5.1, 3.885Whr ബാറ്ററി എന്നിവ മൂന്ന് മണിക്കൂറിനുള്ളിൽ ചാർജ് ചെയ്യപ്പെടും. ക്ലിപ്പ് 4 ന് 10 മണിക്കൂർ വരെ മ്യൂസിക് പ്ലേടൈം നൽകാൻ കഴിയുമെന്ന് ജെബിഎൽ പറയുന്നു.