ഗൂഗിൾ അസിസ്റ്റന്റ് സപ്പോർട്ട് വരുന്ന ലെനോവോ സ്മാർട്ട് ക്ലോക്ക് എസൻഷ്യൽ ഇന്ത്യയിൽ അവതരിപ്പിച്ചു

ലെനോവോ സ്മാർട്ട് ക്ലോക്ക് എസ്സൻഷ്യൽ: ഇന്ത്യയിലെ വിലയും, ലഭ്യതയും

ലെനോവോ സ്മാർട്ട് ക്ലോക്ക് എസ്സൻഷ്യൽ ഇന്ത്യയിൽ 4,499 രൂപയ്ക്ക് ലഭ്യമാണ്. ഫെബ്രുവരി 19 ന് രാവിലെ 12:00 മണിക്ക് ഫ്ലിപ്പ്കാർട്ട്, ലെനോവോ.കോം വഴി ഈ സ്മാർട്ട് ക്ലോക്ക് വിൽപ്പനയ്ക്കായി ലഭ്യമാക്കും. സോഫ്റ്റ് ടച്ച് ഗ്രേ കളർ ഓപ്ഷനിലാണ് ഇത് വിപണിയിൽ വരുന്നത്. ആദ്യഘട്ടത്തിൽ ഇത് ഓഫ്‌ലൈൻ റീട്ടെയിൽ ചാനലുകൾ വഴിയും വിൽപ്പനയ്‌ക്കെത്തും.

ലെനോവോ സ്മാർട്ട് ക്ലോക്ക് എസ്സൻഷ്യൽ: സവിശേഷതകൾ

ലെനോവോ സ്മാർട്ട് ക്ലോക്ക് എസൻഷ്യൽ 4 ഇഞ്ച് എൽഇഡി ഡിസ്‌പ്ലേയാണ് അവതരിപ്പിക്കുന്നത്, അംലോജിക് എ 113 എക്സ് സോസി, 4 ജിബി റാമും 512 എംബി ഇഎംഎംസി സ്റ്റോറേജും ഇയത്തിൽ ഉൾപ്പെടുത്തിയിരിക്കുന്നു. 1.5W സ്പീക്കറാണ് ഈ സ്മാർട്ട് ക്ലോക്കിൽ വരുന്നത്. ഈ സ്മാർട്ട് ഡിവൈസിൽ രണ്ട് മൈക്രോഫോണുകൾ ഉൾപ്പെടുന്നുണ്ട്. ഒപ്പം 31 ല്യൂമെൻസ് ബറൈറ്നെസ്സ് വരുന്ന ഇൻബിൽറ്റ് നൈറ്റ് ലൈറ്റും ഇതിൽ ഉൾക്കൊള്ളുന്നു. നിങ്ങളുടെ ഫോണും മറ്റ് ഡിവൈസുകളും ചാർജ്ജ് ചെയ്യാൻ അനുവദിക്കുന്നതിന് ഒരു സംയോജിത യുഎസ്ബി പോർട്ടും ഇതിൽ നൽകിയിട്ടുണ്ട്.

നിഷ്‌ക്രിയമായിരിക്കുമ്പോൾ ഇൻബിൽറ്റ് മൈക്രോഫോണുകൾ പ്രവർത്തനരഹിതമാക്കാൻ അനുവദിക്കുന്നതിനായി ലെനോവ സ്മാർട്ട് ക്ലോക്ക് എസൻഷ്യൽയിൽ ഒരു മൈക്രോഫോൺ മ്യൂട്ട് ടോഗിൾ നൽകിയിട്ടുണ്ട്. അലാറങ്ങൾ സജ്ജീകരിക്കാനും ഇത് ഉപയോഗിക്കാം. നിങ്ങളുടെ അടുത്ത ദിവസത്തെ കലണ്ടർ ഇവന്റുകളെ അടിസ്ഥാനമാക്കി ക്ലോക്ക് നിങ്ങൾക്ക് മികച്ച അലാറം നിർദ്ദേശങ്ങൾ വാഗ്ദാനം ചെയ്യുന്നു. അലാറം റിംഗുചെയ്യുന്നതിനുമുമ്പ് ഡിസ്‌പ്ലേയുടെ നിറവും തെളിച്ചവും ക്രമേണ വർദ്ധിപ്പിക്കുന്ന സൂര്യോദയ അലാറങ്ങളുമുണ്ട്. ലെനോവോ സ്മാർട്ട് ക്ലോക്ക് എസൻഷ്യൽസിന് വൈ-ഫൈ 802.11ac, ബ്ലൂടൂത്ത് 5.0 കണക്റ്റിവിറ്റി പിന്തുണ എന്നിവയുണ്ട്. ഇതിന്റെ ഭാരം 240 ഗ്രാം.