പവർ വരട്ടെ ...! പവറാകാൻ ഈ പവർ ബാങ്ക് കിടിലൻ ആണ്..

വയർലെസ് ചാർജിങ് പവർ ബാങ്കുകൾ ഉണ്ടായിരുന്നെങ്കിൽ എന്ത് എളുപ്പമായിരുന്നു അല്ലേ? കാരണം അവ കേബിൾ കൊണ്ടുപോകാനുള്ള ബുദ്ധിമുട്ടിൽ നിന്ന് നിങ്ങളെ രക്ഷിക്കുന്നു. പവർ ബാങ്ക് നിങ്ങളുടെ ഫോണിൻ്റെ പിൻഭാഗത്ത് മാഗ്നെറ്റിക് ആയി ഘടിപ്പിക്കാൻ കഴിയുമെങ്കിൽ, അത് ഒരു അധിക സൗകര്യവുമാണ് അല്ലേ?

അത്തരം പവർ ബാങ്കുകൾ നിലവിലുണ്ടെങ്കിലും, അവയ്‌ക്ക് സാമാന്യം 2500 രൂപ ചിലവ് വരും. എന്നാൽ ആമസോൺ ബേസിക്‌സ് 5000 mAh Li-Polymer Wireless Power Bank 999 രൂപ മുതൽ 1299 രൂപ വരെ വിലയ്ക്ക് ലഭ്യമാണ്. ഒപ്പം ലഭ്യമായ ചില ഓഫറുകൾ നിങ്ങൾ ഉപയോഗിക്കുകയാണെങ്കിൽ ഈ വിലയിൽ നിന്നും വീണ്ടും കുറയും. ഇത്രയും വില കുറവിൽ പവർ ബാങ്ക് ലഭിക്കുന്ന വേറെ പവർ ബാങ്ക് ഉണ്ടാകില്ല.

വളരെ വേഗത്തിൽ സ്റ്റോക്ക് തീരുന്ന ഈ പവർ ബാങ്ക് നിങ്ങൾക്ക് ആവശ്യമെങ്കിൽ എപ്പോഴും ആമസോണിൽ നോക്കികൊണ്ടേ ഇരിക്കേണ്ടതായുണ്ട്. സ്റ്റോക്ക് വരുന്നതിന് അനുസരിച്ച് നിരവധി ആളുകൾ ഓർഡർ ചെയ്യുന്നതിനാൽ പെട്ടന്ന് തന്നെ സ്റ്റോക്ക് തീരുവാൻ സാധ്യത ഉണ്ട്. ഈ പവർ ബാങ്ക് എത്രത്തോളം ഉപകാരപ്പെടുമെന്ന് ഇതിൽ നിന്ന് തന്നെ മനസിലാക്കാം.

ആമസോൺ ബേസിക്‌സ് വയർലെസ് പവർ ബാങ്ക്, താങ്ങാവുന്ന വിലയിൽ അടിസ്ഥാന സൗകര്യങ്ങൾ നൽകുന്ന ഒരു പ്രൊഡക്ടിന്റെ മികച്ച ഉദാഹരണമാണ്. മിക്ക ആമസോൺ ബേസിക്‌സ്പ്രൊഡക്ടുകളേയും പോലെ വെളുത്ത പാക്കേജിംഗിലാണ് ഈ പവർ ബാങ്ക് വരുന്നത്. ഇത് തുറക്കുമ്പോൾ, ചാർജ് ചെയ്യുന്നതിനായി ടൈപ്പ്-സി മുതൽ ടൈപ്പ്-എ വരെയുള്ള കേബിളിനൊപ്പം പവർ ബാങ്കും അതിൽ ഘടിപ്പിച്ചിരിക്കുന്ന ഉപകരണങ്ങൾ ചാർജ്ജ് ചെയ്യാനുള്ള സൗകര്യവും കാണാനാകും.

വെള്ള നിറമുള്ള പവർ ബാങ്കിന്, ഒരു വശത്ത് ആമസോൺ ബേസിക്‌സ് ബ്രാൻഡിംഗും മറുവശത്ത് വളരെ വിപുലമായ അടയാളപ്പെടുത്തിയ വയർലെസ് ചാർജിംഗ് ഏരിയയും ഉണ്ട്. വയർലെസ് ചാർജിംഗ് ഏരിയ വളരെ വലുപ്പമുള്ളതും മാഗ്നെറ്റിക്കുമാണ്. അതിനാൽ മാഗ്‌സേഫ് ചാർജിംഗിനെ സപ്പോർട്ട് ചെയുന്ന അടുത്തിറങ്ങിയ ഐഫോണുകൾ പോലെ, മാഗ്നെറ്റിക് ബാക്ക് ഉള്ള ഫോണിൽ പവർ ബാങ്കിന് കാന്തികമായി അറ്റാച്ച് ആകാൻ കഴിയും.

പവർ ബാങ്കിൻ്റെ ബേസിൽ ബാറ്ററിയും ചാർജിംഗ് സ്റ്റാറ്റസും കാണിക്കാൻ നാല് എൽഇഡികളുടെ ഒരു നിരയും ഒരു യുഎസ്ബി ടൈപ്പ്-സി പോർട്ടും ഓൺ-ഓഫ് ബട്ടണും ഉണ്ട്. ഏകദേശം 130 ഗ്രാം ഭാരവും ഏകദേശം 10 സെൻ്റീമീറ്റർ നീളവുമുള്ള ഈ പവർ ബാങ്ക് ഒതുക്കമുള്ളതും പോക്കറ്റിൽ കൊണ്ടുപോകാവുന്നത്ര ചെറുതുമാണ്.

കൂടാതെ ഫോണിൽ ഘടിപ്പിക്കുമ്പോൾ പോലും അത് വളരെയധികം ഭാരമുള്ളതായി തോന്നുകയില്ല. വെള്ള നിറം ആയതുകൊണ്ട് തന്നെ നിറം മങ്ങാനും പെട്ടന്ന് പൊടിയടിക്കാനും സാധ്യതയുണ്ട്. എന്നിരുന്നാലും യാത്ര ചെയുന്ന അവസരത്തിൽ എളുപ്പത്തിൽ ഉപയോഗിക്കാനാകുന്ന പോർട്ടബിൾ പവർ ബാങ്കാണിത്. വലിപ്പത്തിലും വിലയിലും ചെറുതാണെങ്കിലും ആമസോൺ ബേസിക്‌സ് വയർലെസ് പവർ ബാങ്ക് നിരവധി ഫീച്ചർ ഉള്ള പവർ ബാങ്ക് ആണ്.

ഇതിന് 5000 mAh കപ്പാസിറ്റിയുള്ള ഈ പവർ ബാങ്കിന് മിക്ക ഫോണുകൾക്കും പൊതുവെ 60-75 ശതമാനം വരെ ചാർജ് ചെയ്യാൻ പര്യാപ്തമാണ്. യുഎസ്ബി ടൈപ്പ്-സി പോർട്ട് വഴി 15W MagSafe വയർലെസ് ചാർജിംഗും 20W വയർഡ് ചാർജിംഗും പവർ ബാങ്ക് സപ്പോർട്ട് ചെയ്യുമെന്ന് ആമസോൺ അവകാശപ്പെടുന്നുണ്ട്.

പവർ ബാങ്കിന് ഐഫോണുകളുടെ 12ൻറെയും അതിനുമുകളിലുള്ള മോഡലുകളുടേയും പിൻഭാഗത്തും കാന്തികമായി അറ്റാച്ച് ചെയ്യാനും അതുവഴി ചാർജ് ചെയ്യാനും കഴിയും. എയർപോഡ്‌സ് പ്രോ, ഗാലക്‌സി ബഡ്‌സ് പ്രോ, പിക്‌സൽ ബഡ്‌സ് പ്രോ എന്നിവ പോലുള്ള വയർലെസ് ചാർജിംഗിനെ പിന്തുണയ്ക്കുന്ന ടിഡബ്ല്യുഎസ് ചാർജ് ചെയ്യാനും ഇതിന് കഴിയും. വയർലെസ് ആയും വയർഡ് ആയും ഒരേ സമയം രണ്ട് ഉപകരണങ്ങൾ ചാർജ് ചെയ്യാൻ ഈ പവർ ബാങ്ക് നിങ്ങളെ സഹായിക്കും.

നതിംഗ് ഫോൺ (2), പിക്സൽ 8 എന്നിവ പോലുള്ള മറ്റ് ഫോണുകളും വയർലെസ് ആയി ചാർജ് ചെയ്യാൻ ഇതിന് കഴിയും. എന്നാൽ അവയുടെ പുറകിലേക്ക് കാന്തികമായി ഘടിപ്പിക്കാൻ സാധിക്കില്ല. മാഗ്നെറ്റിക് ഫീച്ചർ ഇല്ലാത്ത ഫോണുകൾക്ക് MagSafe സപ്പോർട്ട് ഉള്ള കെയ്‌സിനൊപ്പം ഈ പവർ ബാങ്ക് ഉപയോഗിച്ചാലും വളരെ മികച്ച പെർഫോമൻസ് ആണ് ഇവ നൽകുന്നത്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ അറിയാനും ടെക്ക് ടിപ്‌സുകൾ അറിയാനും gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.