എംഐ 11 എക്‌സ്, എംഐ ക്യുലെഡ് ടിവി 75 ഇന്ന് ഇന്ത്യയിൽ വിൽപ്പനയ്ക്കെത്തും: വില, സവിശേഷതകൾ

ഇന്ത്യയിലെ എംഐ 11 എക്‌സ്, എംഐ ക്യുലെഡ് ടിവി 75 ൻറെ വിലയും, ലഭ്യതയും

എംഐ 11 എക്‌സ് സ്മാർട്ട്‌ഫോണിൻറെ 6 ജിബി + 128 ജിബി മോഡലിന് 29,999 രൂപയും, 8 ജിബി + 128 ജിബി മോഡലിന് 31,999 രൂപയുമാണ് വില വരുന്നത്. ഇന്ന് ഉച്ചയ്ക്ക് കൃത്യം 12:00 മണി മുതൽ എംഐ.കോം വഴി സെലസ്റ്റിയൽ സിൽവർ, കോസ്മിക് ബ്ലാക്ക്, ഫ്രോസ്റ്റി വൈറ്റ് നിറങ്ങളിൽ ഈ ഡിവൈസുകൾ ലഭ്യമാകും. ഗ്രേ കളറിൽ വരുന്ന എംഐ ക്യുലെഡ് ടിവി 75 ന് 1,19,999 രൂപയ്ക്ക് എംഐ.കോം വഴി ഇന്ന് ഉച്ചയ്ക്ക് കൃത്യം 12:00 മണി മുതൽ ലഭ്യമാകും. ഈ രണ്ട് ഡിവൈസുകളും കഴിഞ്ഞ ആഴ്ച്ചയാണ് ഷവോമി അവതരിപ്പിച്ചത്.

 

എംഐ 11 എക്‌സ്: സവിശേഷതകൾ

ആൻഡ്രോയിഡ് 11 അടിസ്ഥാനമായ എംഐയുഐ 12 ആണ് ഓപ്പറേറ്റിംഗ് സിസ്റ്റത്തിലാണ് എംഐ 11X പ്രവർത്തിക്കുന്നത്. 6.67 ഇഞ്ച് ഫുൾ എച്ച്ഡി+ (1,080x2,400 പിക്‌സൽ) ഇ4 അമോലെഡ് ഡിസ്‌പ്ലേയ്ക്ക് 1,300 നിറ്റ് പീക്ക് ബ്രൈറ്റ്നസ്, 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ് എന്നിങ്ങനെയാണ് പ്രധാന സവിശേഷതകൾ വരുന്നു. 20:9 ആസ്പെക്ട് റേഷ്യോ വരുന്ന 2.76 എംഎം ഹോൾ-പഞ്ച് ഡിസ്പ്ലേയാണ് ഈ ഹാൻഡ്‌സെറ്റിന് നൽകിയിട്ടുള്ളത്. 8 ജിബി വരെ എൽപിഡിഡിആർ 5 റാമിനൊപ്പം പ്രവർത്തിക്കുന്ന ഒക്ടാകോർ ക്വാൽകോം സ്‌നാപ്ഡ്രാഗൺ 870 SoC പ്രോസസറാണ് ഈ സ്മാർട്ട്ഫോണിന് കരുത്ത് പകരുന്നത്.

എംഐ 11 എക്‌സ്: ക്യാമറ സവിശേഷതകൾ

48 മെഗാപിക്സൽ സോണി ഐഎംഎക്സ് 582 പ്രൈമറി സെൻസറും, 8 മെഗാപിക്സൽ സെക്കൻഡറി സെൻസറും (അൾട്രാ വൈഡ് ആംഗിൾ ലെൻസ്), മാക്രോ ലെൻസുള്ള 5 മെഗാപിക്സൽ ടെർഷ്യറി സെൻസറും ചേർന്നതാണ് ട്രിപ്പിൾ ക്യാമറ സെറ്റപ്പ്. മുൻവശത്ത്, സെൽഫികൾക്കും വീഡിയോ കോളുകൾക്കുമായി എഫ് / 2.45 ലെൻസുള്ള 20 മെഗാപിക്സൽ സെൻസറാണ് നൽകിയിട്ടുണ്ട്. 256 ജിബി വരെ യു‌എഫ്‌എസ് 3.1 സ്റ്റോറേജാണ് ഈ ഹാൻഡ്‌സെറ്റിൽ നൽകിയിട്ടുള്ളത്. 33W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന എംഐ 11 എക്‌സിൽ 4,520 എംഎഎച്ച് ബാറ്ററിയാണ് വരുന്നത്. 5ജി, 4ജി എൽടിഇ, വൈ-ഫൈ 6, ബ്ലൂടൂത്ത് വി 5.1, ജിപിഎസ് / എ-ജിപിഎസ്, എൻ‌എഫ്‌സി, ഇൻഫ്രാറെഡ് (ഐആർ), യുഎസ്ബി ടൈപ്പ്-സി പോർട്ട് എന്നിവ കണക്ടിവിറ്റി ഓപ്ഷനുകളിൽ വരുന്നു.

എംഐ ക്യുലെഡ് ടിവി 75: സവിശേഷതകൾ

97 ശതമാനം സ്‌ക്രീൻ-ടു-ബോഡി റേഷിയോ 120 ഹെർട്സ് പീക്ക് റിഫ്രഷ് റേറ്റുള്ള 75 ഇഞ്ച് ക്യുഎൽഇഡി സ്ക്രീനാണ് എംഐ ക്യുഎൽഇഡി ടിവി 75 ന് ലഭിക്കുന്നത്. ഇതിന് ഡോൾബി വിഷൻ, എച്ച്ഡിആർ 10 +, എച്ച്ഡിആർ 10, എച്ച്എൽജി എന്നിവയ്ക്കുള്ള സപ്പോർട്ടുമുണ്ട്. ഡോൾബി ഓഡിയോ, ഡിടിഎസ്-എച്ച്ഡി ഫോർമാറ്റുകൾക്കുള്ള സപ്പോർട്ടുമായി 30W സ്പീക്കറുകൾ ടിവിയിൽ ക്രമീകരിച്ചിരിക്കുന്നു. ഇതിൽ വരുന്ന സ്പീക്കർ സിസ്റ്റത്തിൽ രണ്ട് ട്വീറ്ററുകൾ, രണ്ട് ഫുൾ-റേഞ്ച് ഡ്രൈവറുകൾ, രണ്ട് വൂഫറുകൾ എന്നിവ ഉൾപ്പെടുന്നു.

സ്റ്റോക്ക് ആൻഡ്രോയിഡ് ടിവി യൂസർ ഇന്റർഫേസിലേക്കും ഷവോമിയുടെ പാച്ച്വാൾ യൂസർ ഇന്റർഫേസിലേക്കും ആക്സസുള്ള ആൻഡ്രോയിഡ് ടിവി 10 ഒഎസിൽ പ്രവർത്തിക്കുന്നു. എംഐ ക്യുഎൽഇഡി ടിവി 75 ന് 2 ജിബി റാമും 32 ജിബി ഇന്റേണൽ സ്റ്റോറേജും ജോടിയാക്കിയ ക്വാഡ് കോർ 64-ബിറ്റ് എ 55 പ്രോസസർ ഉണ്ട്. ഒരു ഇൻബിൽറ്റ് ക്രോംകാസ്റ്റും ഗൂഗിൾ അസിസ്റ്റന്റിലേക്കുള്ള ആക്‌സസും ഉണ്ട്. വരും ആഴ്ചകളിൽ ഒരു സോഫ്റ്റ്വെയർ അപ്‌ഡേറ്റ് വഴി ഇത് അലക്സാ വോയ്‌സ് അസിസ്റ്റന്റുമായി പ്രവർത്തിക്കും. ഗെയിമിംഗ് കൺസോളുകളുടെ മികച്ച പ്രകടനത്തിനായി എച്ച്ഡിഎംഐ 2.1 കോംപാറ്റിബിലിറ്റി, ഓട്ടോ ലോ-ലേറ്റൻസി മോഡ് (ALLM) എന്നിവയാണ് മറ്റ് സവിശേഷതകൾ.