നോയ്‌സ് കളർഫിറ്റ് അൾട്രാ 2 സ്മാർട്ട് വാച്ച് ഡിസംബർ 23 ന് ഇന്ത്യയിലെത്തും

നോയ്‌സ് കളർഫിറ്റ് അൾട്രാ 2 സ്മാർട്ട് വാച്ചിൽ പ്രതീക്ഷിക്കേണ്ടത് എന്തെല്ലാം

ഈ വർഷം ജൂലൈ മാസത്തിലാണ് നോയ്‌സ് കളർഫിറ്റ് അൾട്രാ സീരിസിലെ ആദ്യ സ്മാർട്ട് വാച്ച് പുറത്തിറങ്ങിയത്. പിന്നാലെയാണ് നോയ്‌സ് കളർഫിറ്റ് അൾട്രാ 2, കമ്പനി പുറത്തിറക്കാൻ ഒരുങ്ങുന്നത്. നോയ്‌സ് കളർഫിറ്റ് അൾട്രായേക്കാൾ മികച്ച ഫീച്ചറുകൾ ആണ് നോയ്‌സ് കളർഫിറ്റ് അൾട്രാ 2 സ്മാർട്ട് വാച്ചിൽ പ്രതീക്ഷിക്കുന്നത്. ലോഞ്ചിങിന് ദിവസങ്ങൾ മാത്രം ശേഷിക്കെ നോയ്‌സ് കളർഫിറ്റ് അൾട്രാ 2വിന്റെ പ്രധാന സ്പെസിഫിക്കേഷൻസ് വെളിപ്പെടുത്തിയിരിക്കുകയാണ് ആമസോൺ.

നോയ്‌സ് കളർഫിറ്റ് അൾട്രാ 2 സ്പെസിഫിക്കേഷനുകൾ

നോയ്‌സ് കളർഫിറ്റ് അൾട്രാ 2വിനൊപ്പം ലിസ്റ്റ് ചെയ്തിരിക്കുന്ന സ്പെസിഫിക്കേഷനുകൾ വിശദമായി പരിശോധിക്കാം. നോയ്‌സ് കളർഫിറ്റ് അൾട്രാ 2 സ്മാർട്ട് വാച്ച് 368 x 448 പിക്സൽ റെസല്യൂഷനോട് കൂടിയ 1.78 ഇഞ്ച് അമോലെഡ് ഡിസ്പ്ലേയുമായാണ് വരുന്നത്. നോയ്‌സ് കളർഫിറ്റ് അൾട്രാ മോഡലിന് 1.75 ഡിസ്പ്ലേ മാത്രമാണ് ഉണ്ടായിരുന്നത്. അതിൽ നിന്നും കുറച്ച് കൂടി വലിപ്പത്തിലാണ് നോയ്‌സ് കളർഫിറ്റ് അൾട്രാ 2 എത്തുന്നത്. ആൾവെയ്സ് ഓൺ ഡിസ്പ്ലേ ഫീച്ചറും നോയ്‌സ് കളർഫിറ്റ് അൾട്രാ 2വിനെ കൂടുതൽ മികച്ചതാക്കുന്നു.

സീരീസിലെ രണ്ടാം തലമുറ സ്മാർട്ട് വാച്ച് ആയതിനാൽ, നോയ്‌സ് കളർഫിറ്റ് അൾട്രാ 2വിന് മികച്ച ഒരു സ്റ്റെയിൻലെസ് സ്റ്റീൽ ബിൽഡും നാവിഗേഷൻ ആവശ്യങ്ങൾക്കായി ഒരു സൈഡ് ബട്ടണും കൊടുത്തിരിക്കുന്നു. കറുപ്പ്, സിൽവർ, ഗോൾഡ് എന്നിങ്ങനെ വിവിധ കളർ ഓപ്ഷനുകളിലും ഗ്രേ, ഗ്രീൻ, ബ്ലാക്ക് നിറങ്ങളിലുള്ള സ്ട്രാപ്പുകളിലും ആയിരിക്കും നോയ്‌സ് കളർഫിറ്റ് അൾട്രാ 2 അവതരിപ്പിക്കുക.

ആദ്യ തലമുറ അൾട്രാ സ്മാർട്ട് വാച്ചിന് സമാനമായി, വരാനിരിക്കുന്ന മോഡലിലും അറുപതിൽ അധികം സ്‌പോർട്‌സ് മോഡുകൾ ഉണ്ടാവും. ഇൻഡോർ സ്‌പോർട്‌സ്, സൈക്ലിങ്, ഓട്ടം, ഔട്ട്‌ഡോർ സ്‌പോർട്‌സ് തുടങ്ങിയ ട്രാക്കിങ് കഴിവുകളും നോയ്‌സ് കളർഫിറ്റ് അൾട്രാ 2 ഫീച്ചർ ചെയ്യും. ആരോഗ്യ കേന്ദ്രീകൃത സവിശേഷതകളിലേക്ക് വരുമ്പോൾ, 24/7 ഹൃദയമിടിപ്പ് നിരീക്ഷണവും ഒരു എസിപിഒ2 സെൻസറും നോയ്‌സ് കളർഫിറ്റ് അൾട്രാ 2വിൽ ലഭ്യമാണ്. കൂടാതെ, സ്റ്റോക്ക് ട്രേഡിങ്, കാൽക്കുലേറ്റർ, ഫ്ലാഷ്‌ലൈറ്റ്, മ്യൂസിക് കൺട്രോൾ, വേൾഡ് ക്ലോക്ക്, റിമൈൻഡറുകൾ എന്നിവ പോലുള്ള മറ്റ് സവിശേഷതകളും നോയ്‌സ് കളർഫിറ്റ് അൾട്രാ 2വിൽ നോയ്‌സ് അവതരിപ്പിക്കുന്നു. ഒപ്പം കസ്റ്റമൈസ് ചെയ്യാവുന്ന നൂറിൽ കൂടുതൽ വാച്ച് ഫേയ്സുകൾ ക്ലൌഡിൽ ലഭ്യവുമാണ്.

രാജ്യത്ത് നേരത്തെ പുറത്തിറക്കിയ നോയ്‌സ് കളർഫിറ്റ് അൾട്രാ സ്മാർട്ട് വാച്ച് ഒറ്റ ചാർജിൽ ഒമ്പത് ദിവസത്തെ ബാറ്ററി ലൈഫ് നൽകിയിരുന്നു. അടുത്ത തലമുറ മോഡൽ ബാറ്ററി ഡിപ്പാർട്ട്മെന്റിൽ ഏതെല്ലാം തരത്തിലുള്ള മെച്ചപ്പെടുത്തലുകളോടെയാണ് എത്തുന്നത് എന്നതും കൗതുകകരമാണ്. നോയ്‌സ് കളർഫിറ്റ് അൾട്രാ 2 ഏത് പ്രൈസ് റേഞ്ചിലാവും എത്തുകയെന്നതും കാത്തിരുന്ന് കാണേണ്ടതാണ്. 4,499 രൂപയ്ക്ക് വിപണിയിൽ എത്തിയ നോയ്‌സ് കളർഫിറ്റ് അൾട്രായുടെ വില പിന്നീട് 500 രൂപ കൂട്ടി 4,999 രൂപയാക്കിരുന്നു. ആയതിനാൽ തന്നെ നോയ്‌സ് കളർഫിറ്റ് അൾട്രാ 2വിന് 5,000ത്തിന് മുകളിൽ വില പ്രതീക്ഷിക്കാവുന്നതാണ്.