ക്വാൽകോം ആപ്റ്റിഎക്സ് അഡാപ്റ്റീവ് ടെക്നോളജിയുമായി നോയ്‌സ് ഇലൻ ടിഡബ്ല്യുഎസ് ഇയർബഡുകൾ അവതരിപ്പിച്ചു

നോയ്‌സ് ഇലൻ: ഇന്ത്യയിലെ വിലയും, ലഭ്യതയും

നിലവിൽ ഒരു പ്രത്യേക ലോഞ്ച് വിലയിൽ നോയ്‌സ് ഇലൻ ഇന്ത്യയിൽ നിന്നും 3,499 രൂപയ്ക്ക് വാങ്ങാവുന്നതാണ്. ഇയർബഡുകൾ നോയ്‌സിൻറെ വെബ്‌സൈറ്റ് വഴിയും കൂടാതെ ആമസോൺ വഴിയും ലഭ്യമാണ്. കുറച്ച് ദിവസങ്ങൾക്ക് ശേഷം രാജ്യത്ത് നോയ്‌സ് ഓൺലൈനിൽ 3,999 രൂപയ്ക്ക് ലഭ്യമായി തുടങ്ങും. ഷാഡോ ഗ്രേ (കറുപ്പ്) കളർ ഓപ്ഷനിലാണ് ഈ ഇയർബഡുകൾ വിപണിയിൽ വരുന്നത്.

നോയ്‌സ് ഇലൻ: സവിശേഷതകൾ

ക്വാളികോം ആപ്റ്റിഎക്സ് അഡാപ്റ്റീവ് ടെക്നോളജി നൽകുന്ന ഇഎൻസി സാങ്കേതികവിദ്യയുള്ള 6 എംഎം ടൈറ്റാനിയം ഡ്രൈവറുകൾ നോയിസ് ഇലൻ ടിഡബ്ല്യുഎസ് ഇയർബഡുകളിൽ സജ്ജീകരിച്ചിരിക്കുന്നു. മികച്ച സൗണ്ട് ക്വാളിറ്റി ഉറപ്പാക്കാൻ ഡ്യുവൽ മൈക്കുകളുള്ള നാല് മൈക്രോഫോണുകളുമായി നോയ്‌സ് ഇലൻ വരുന്നു. കമ്പനി പറയുന്നതനുസരിച്ച്, ഒരു തവണ മുഴുവനായി ചാർജ് ചെയ്യ്താൽ എട്ട് മണിക്കൂർ വരെ പ്ലേടൈമും ചാർജിംഗ് കേസുമായി മൊത്തം 36 മണിക്കൂർ പ്ലേടൈമും നോയ്‌സ് ഇലൻ നിങ്ങൾക്ക് നൽകുന്നു. ബ്ലൂടൂത്ത് 5.2, യുഎസ്ബി-ടൈപ്പ്-സി ചാർജിംഗ് ഇന്റർഫേസ് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.

നോയ്‌സ് ഇലൻ ഇയർബഡുകൾ 80 എംഎസ് വരെ ലേറ്റൻസി വാഗ്ദാനം ചെയ്യുന്നു. ശബ്‌ദം ക്രമീകരിക്കുന്നതിനായി നോയ്‌സ് ഇലന് ഒരു ട്രാന്സ്പരെൻസി മോഡ് വരുന്നു. ഇത് നിങ്ങൾക് മ്യൂസിക് കേൾക്കുമ്പോൾ നിങ്ങൾക്ക് ചുറ്റും എന്താണ് സംഭവിക്കുന്നതെന്ന് അറിയാൻ നിങ്ങളെ സഹായിക്കുന്നു. വോയ്‌സ് അസിസ്റ്റന്റുകളായ സിരി, ഗൂഗിൾ അസിസ്റ്റന്റ് എന്നിവയ്‌ക്കും ടിഡബ്ല്യുഎസ് ഇയർബഡുകൾക്ക് സപ്പോർട്ട് നൽകുന്നു. കൂടാതെ, സ്വെറ്റ്‌ റെസിസ്റ്റൻസിനായി ഈ ഓഡിയോ ഡിവൈസ് ഐപിഎക്സ് 4 റേറ്റുചെയ്തിരിക്കുന്നു.