Noise i1 Smart Glasses: കണ്ണടയും സ്മാർട്ട് ആക്കി നോയ്സ്; അടിപൊളി ഫീച്ചറുകളുമായി നോയ്‌സ് ഐ1 സ്മാർട്ട് ഗ്ലാസ്

നോയിസ് ഐ1 സ്മാർട്ട്ഗ്ലാസ് ( Noise i1 Smart Glasses )

ഒരു ലിമിറ്റഡ് എഡിഷൻ പ്രോഡക്റ്റ് എന്ന നിലയ്ക്കാണ് നോയിസ് ഐ1 സ്മാർട്ട്ഗ്ലാസ് അവതരിപ്പിച്ചത്. കമ്പനിയുടെ ഒഫീഷ്യൽ വെബ്സൈറ്റ് ആയ noise.com ൽ നിന്നും നോയിസ് ഐ1 സ്മാർട്ട്ഗ്ലാസ് വാങ്ങാൻ കഴിയും. നോയിസ് ഐ1 സ്മാർട്ട് ഗ്ലാസുകളുടെ കൂടുതൽ വിശദാംശങ്ങൾ അറിയാൻ തുടർന്ന് വായിക്കുക.

നോയിസ് ഐ1 സ്മാർട്ട് ഐവെയർ സവിശേഷതകൾ

നോയ്‌സ് ഐ1 ഒരു സ്റ്റാൻഡേർഡ് വേഫെയർ ഡിസൈനിലാണ് (47 ഗ്രാം) വരുന്നത്. കൂടാതെ രണ്ട് ഫ്രെയിം ടെപ്പുകളും നോയ്സ് ഐ1 സ്മാർട്ട് ഐവെയർ ഓഫർ ചെയ്യുന്നു. സ്ക്വയർ ഫ്രെയിമിലും റൌണ്ട് ഫ്രെയിമിലും നോയിസ് ഐ1 സ്മാർട്ട് ഐവെയർ വാങ്ങാൻ കിട്ടും. ഈ രണ്ട് മോഡലുകളും ഐപിഎക്സ്4 വാട്ടർ റെസിസ്റ്റന്റ് ആണ്.

കൂടാതെ ബ്ലൂ ലൈറ്റ് ഫിൽട്ടറിങ് ശേഷിയുള്ള സുതാര്യമായ ലെൻസുകളാണ് (UVA/B 99%) നോയിസ് ഐ1 സ്മാർട്ട് ഐവെയറിൽ ഉപയോഗിച്ചിരിക്കുന്നത്. നിങ്ങളുടെ സൗകര്യത്തിനനുസരിച്ച് നോയിസ് ഐ1 സ്മാർട്ട് ഐവെയറിന്റെ ലെൻസുകൾ പരസ്പരം മാറ്റാനും കഴിയും. നേറ്റീവ് മ്യൂസിക് പ്ലേബാക്ക് ഓഫർ ചെയ്യുന്നതിനായി ഈ 'മെയ്ഡ് ഇൻ ഇന്ത്യ' സ്മാർട്ട് ഗ്ലാസുകളിൽ ഓപ്പൺ ഇയർ സ്പീക്കറുകളും സജ്ജീകരിച്ചിട്ടുണ്ട്.

ഓഡിയോ ഫ്രണ്ടിൽ 16.2 എംഎം സ്പീക്കർ ഡ്രൈവറുകളാണ് നോയിസ് ഐ1 സ്മാർട്ട് ഐവെയറിൽ ഉള്ളത്. ഈ സ്‌മാർട്ട് ഐവെയറിന്റെ വലത് ഭാഗത്ത് മൾട്ടി ഫങ്ഷണൽ ടച്ച് കൺട്രോൾസ് നൽകിയിരിക്കുന്നു. ഇവ ഉപയോഗിച്ച് കോളുകൾ സ്വീകരിക്കാനും റിജക്റ്റ് ചെയ്യാനും വോളിയം നിയന്ത്രിക്കാനും ട്രാക്കുകൾ മാറ്റാനും വോയ്‌സ് അസിസ്റ്റന്റ് ആക്‌സസ് ചെയ്യാനും സാധിക്കുന്നു.

സിരിയ്ക്കും ഗൂഗിൾ അസിസ്റ്റന്റിനും സപ്പോർട്ട്

ഹാൻഡ്‌സ് ഫ്രീ വോയ്‌സ് കമാൻഡുകൾ വഴി നിങ്ങൾക്ക് വെർച്വൽ അസിസ്റ്റന്റ് ആക്‌സസ് ചെയ്യാൻ കഴിയും. ഈ സൌകര്യം വഴി, നിങ്ങളുടെ ശബ്‌ദം ഉപയോഗിച്ച് നോയിസ് ഐ1 സ്മാർട്ട് ഐവെയറിൽ അലാറങ്ങൾ സജ്ജീകരിക്കാനും കോളുകൾ ചെയ്യാനും മറ്റും കഴിയും. ഈ സ്മാർട്ട് ഗ്ലാസിൽ സിരിയ്ക്കും ഗൂഗിൾ അസിസ്റ്റന്റിനും സപ്പോർട്ട് ലഭിക്കുന്നു.

സ്മാർട്ട് ഗ്ലാസിന്റെ രണ്ട് വശങ്ങളിലും മൈക്കുകൾ നൽകിയിരിക്കുന്നു. ഇവ ഉപയോഗിച്ച് ഹാൻഡ്‌സ് ഫ്രീ വോയ്‌സ് കമാൻഡുകൾ നൽകാൻ കഴിയും. നോയിസ് ഐ1 സ്മാർട്ട് ഗ്ലാസിൽ മാഗ്‌നറ്റിക് ചാർജിങിനും സപ്പോർട്ട് ലഭിക്കുന്നു. ഒന്നര മണിക്കൂർ കൊണ്ട് ഡിവൈസ് ഫുൾ ചാർജ് ആകും. ഒരു തവണ ഫുൾ ചാർജ് ചെയ്താൽ ഒമ്പത് മണിക്കൂർ പ്ലേ ടൈമും നോയ്സ് ഓഫർ ചെയ്യുന്നു.

കണക്റ്റിവിറ്റി

കണക്റ്റിവിറ്റിയെ സംബന്ധിച്ചിടത്തോളം ഈ സ്മാർട്ട് ഗ്ലാസ് ബ്ലൂടൂത്ത് 5.1 സപ്പോർട്ടും 10 മീറ്റർ വയർലെസ് റേഞ്ചും ഓഫർ ചെയ്യുന്നു. Noise i1 smart eye-wear ഐഒഎസ്, ആൻഡ്രോയിഡ് ഡിവൈസുകളുമായി പെയർ ചെയ്യാൻ കഴിയും. ഒരു ബിൽറ്റ് ഇൻ ക്യാമറ കൂടിയുണ്ടായിരുന്നെങ്കിൽ ഡിവൈസ് കൂടുതൽ മികച്ചതായേനെ.