അണ്ണൻ എത്തി മക്കളേ! വൺപ്ലസ് ബഡ്‌സ് പ്രോ 3 ഇന്ത്യയിൽ ലോഞ്ച് ചെയ്തു

വൺപ്ലസ് ബഡ്‌സ് പ്രോ 3 (OnePlus Buds Pro 3) ഇന്ന് (ഓഗസ്റ്റ് 20) ഇന്ത്യയിൽ അവതരിപ്പിച്ചു. കമ്പനിയുടെ ഏറ്റവും പുതിയ ട്രൂ വയർലെസ് സ്റ്റീരിയോ (ടിഡബ്ല്യുഎസ്) ഹെഡ്‌സെറ്റിൽ സിലിക്കൺ ടിപ്പുകളുള്ള ഇൻ-ഇയർ ഡിസൈനും പെബിൾ ആകൃതിയിലുള്ള, ലെതർ പാറ്റേണുള്ള പ്ലാസ്റ്റിക് ചാർജിംഗ് കെയ്‌സും ഉൾപ്പെടുന്നു. ഇത് ഒരു ഡ്യുവൽ ഡ്രൈവർ സജ്ജീകരണത്തോടെ ആണ് വരുന്നത്. 11 എംഎം വൂഫറും 6 എംഎം ട്വീറ്ററും ഇതിനുണ്ട്. ഓരോന്നിനും ഒരു പ്രത്യേക ഡ്യുവൽ ഡിജിറ്റൽ ടു അനലോഗ് കൺവെർട്ടർ (ഡിഎസി) ഉണ്ട്.

ഹെഡ്‌സെറ്റ് 50dB വരെ ആക്റ്റീവ് നോയ്‌സ് ക്യാൻസലേഷൻ (ANC), ബ്ലൂടൂത്ത് 5.4 വഴിയുള്ള ഡ്യുവൽ-ഡിവൈസ് കണക്റ്റിവിറ്റി, LHDC 5.0 ഓഡിയോ കോഡെക്കിനുള്ള സപ്പോർട്ട് എന്നിവയെ പിന്തുണയ്ക്കുന്നു. ഇയർഫോണുകൾ ചാർജിംഗ് കേസ് ഉൾപ്പെടെ 43 മണിക്കൂർ വരെ ബാറ്ററി ലൈഫ് നൽകുമെന്ന് അവകാശപ്പെടുന്നു.

വൺപ്ലസ് ബഡ്‌സ് പ്രോ 3യുടെ ഇന്ത്യയിലെ വില: വൺപ്ലസ് ബഡ്‌സ് പ്രോ 3യുടെ ഇന്ത്യയിലെ വില ആരംഭിക്കുന്നത് 11,999 രൂപ മുതലാണ്. വിയറബിൾ ലൂണാർ റേഡിയൻസ്, മിഡ്‌നൈറ്റ് ഓപസ് എന്നീ കളർ ഓപ്‌ഷനുകളിൽ വൺപ്ലസ് ബഡ്‌സ് പ്രോ 3 ടിഡബ്ല്യുഎസ് ലഭ്യമാണ്.

വൺപ്ലസ് ഇന്ത്യ വെബ്സൈറ്റ് വഴിയും മറ്റ് ഓൺലൈൻ, റീട്ടെയിൽ ചാനലുകൾ വഴിയും ഓഗസ്റ്റ് 23 മുതൽ രാജ്യത്ത് വാങ്ങാൻ ഇത് ലഭ്യമാകും. വില അറിഞ്ഞ സ്ഥിതിക്ക് ഇനി വൺപ്ലസ് ബഡ്‌സ് പ്രോ 3 യുടെ സ്പെസിഫിക്കേഷനുകൾ, ഫീച്ചറുകൾ എന്നിവ എന്തൊക്കെയെന്ന് നോക്കാം.

വൺപ്ലസ് ബഡ്‌സ് പ്രോ 3ൽ 11 എംഎം വൂഫറും 6 എംഎം ട്വീറ്ററും അടങ്ങുന്ന ഡ്യുവൽ ഡ്രൈവർ സജ്ജീകരണമുണ്ട്. കമ്പനി പറയുന്നതനുസരിച്ച്, അവ ഓരോ ഡ്രൈവർക്കും സമർപ്പിച്ചിരിക്കുന്ന ഡ്യുവൽ ഡിഎസികളുമായി ജോടിയാക്കിയിരിക്കുന്നു. ഇത് ഇയർഫോണുകളുടെ ശബ്‌ദ നിലവാരം മെച്ചപ്പെടുത്തും എന്ന് അവകാശപ്പെടുന്നു.

വൺപ്ലസ് ബഡ്‌സ് പ്രോ 3 ടിഡബ്ല്യുഎസ് ഹെഡ്‌സെറ്റ്, പരമാവധി മോഡുകൾക്ക് ഒപ്പം 50dB ANC വരെ പിന്തുണ വാഗ്ദാനം ചെയ്യുന്നു. ഒരു അധിക സ്‌മാർട്ട് ANC മോഡ് ഈ ഉപകരണത്തിൽ ഉണ്ട്. ആംബിയൻ്റ് സൗണ്ട് ലെവലുകളെ ആശ്രയിച്ച് ANCയുടെ നില ഓട്ടോമാറ്റിക്ക് ആയി സെലക്ട് ആകും.

ടിഡബ്ല്യുഎസ് ഹെഡ്‌സെറ്റ്, വൺപ്ലസ് ഇതര ഉപകരണങ്ങളിലെ HeyMelody ആപ്പുമായി കണക്ട് ചെയ്യാൻ സാധിക്കും. ഇത് ANC മോഡുകൾ, ഇക്വലൈസർ സെറ്റിംഗ്സ്, ടച്ച് കൺട്രോൾ കമാൻഡുകൾ എന്നിവയും മറ്റും നിയന്ത്രിക്കാൻ ഉപയോക്താക്കളെ അനുവദിക്കുന്നു. വൺപ്ലസ് ബഡ്‌സ് പ്രോ 3, അതിൻ്റെ മുൻഗാമിയായ വൺപ്ലസ് ബഡ്‌സ് പ്രോ 2, Oppo Enco X2 എന്നിവയ്ക്ക് സമാനമായി ഡാനിഷ് ലൗഡ്‌സ്പീക്കർ നിർമ്മാതാക്കളായ Dynaudio ആണ് ട്യൂൺ ചെയ്തിരിക്കുന്നത്.

കൂടാതെ ഉപയോക്താക്കൾക്ക് കമ്പാനിയൻ ആപ്പ് വഴി ആക്‌സസ് ചെയ്യാനാകുന്ന EQ പ്രീസെറ്റുകൾ ഡൈനോഡിയോയും ട്യൂൺ ചെയ്യുന്നു. ബ്ലൂടൂത്ത് 5.4 വഴിയുള്ള ഡ്യുവൽ ഡിവൈസ് കണക്റ്റിവിറ്റിക്കുള്ള പിന്തുണയ്‌ക്കൊപ്പം 90 എംഎസ് ലോ ലേറ്റൻസി ഗെയിം മോഡും വൺപ്ലസ് ബഡ്‌സ് പ്രോ 3 അവതരിപ്പിക്കുന്നു. ഗൂഗിൾ ഫാസ്റ്റ് പെയർ ഉപയോഗിച്ച് ആധുനിക ആൻഡ്രോയിഡ് സ്‌മാർട്ട്‌ഫോണുകളുമായും ഇത് ജോടിയാക്കാം.

കൂടാതെ ഉപകരണം SBC, AAC, LHDC 5.0 ഓഡിയോ കോഡെക്കുകൾ പിന്തുണയ്ക്കുന്നു. ചാർജിംഗ് കേസിൽ നിന്ന് വ്യത്യസ്തമായി ഇയർഫോണുകൾക്ക് പൊടി, സ്പ്ലാഷ് പ്രതിരോധം എന്നിവയ്ക്കായി IP55 റേറ്റിംഗ് ഉണ്ട്. ഈ ഡിവൈസിന് 43 മണിക്കൂർ വരെ ബാറ്ററി ലൈഫ് നൽകാമെന്ന് വൺപ്ലസ് അവകാശപ്പെടുന്നു. അതേ സമയം ഇയർഫോണുകൾ ഒറ്റ ചാർജിൽ 10 മണിക്കൂർ വരെ പ്ലേബാക്ക് സമയം നൽകുമെന്ന് പറയപ്പെടുന്നു.

ചാർജിംഗ് കേസിൽ ചാർജ് ചെയ്യുന്നതിനായി യുഎസ്ബി ടൈപ്പ്-സി പോർട്ട് ഉണ്ട്, എന്നാൽ വയർലെസ് ചാർജിംഗും പിന്തുണയ്ക്കുന്നു. 10 മിനിറ്റ് വേഗത്തിലുള്ള ചാർജ് 5.5 മണിക്കൂർ വരെ പ്ലേബാക്ക് നൽകുമെന്ന് അവകാശപ്പെടുന്നു. കമ്പനി പറയുന്നതനുസരിച്ച്, ഒരു ഇയർഫോണിന് 33.60 x 21.15 x 25 എംഎം വലുപ്പവും 5.28 ഗ്രാം ഭാരവുമുണ്ട്. പ്ലാസ്റ്റിക് യൂണിബോഡി കെയ്‌സിന് 64.70 x 52.45 x 25.75 എംഎം വലുപ്പവും ഇയർഫോണുകൾക്കൊപ്പം 61.38 ഗ്രാം ഭാരവുമുണ്ട്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.