ഓപ്പോ എൻകോ എക്‌സ് ട്രൂ വയർലെസ് ഇയർഫോണുകൾ അവതരിപ്പിച്ചു: വില, സവിശേഷതകൾ

ഓപ്പോ എൻകോ എക്‌സ്: വില, ലോഞ്ച് വിശദാംശങ്ങൾ

ഇപ്പോൾ, ഓപ്പോ എൻകോ എക്‌സ് ചൈനീസ് വിപണികളിൽ മാത്രമേ ലഭ്യമാകൂകയുള്ളു. അതിന് വരുന്ന വില സിഎൻവൈ 999 (ഏകദേശം 11,000 രൂപ). ഫെസ്റ്റിവൽ സീസൺ പ്രയോജനപ്പെടുത്തുന്നതിനായി അടുത്ത ആഴ്ചകളിൽ കമ്പനിക്ക് പുതിയ ട്രൂ വയർലെസ് ഇയർഫോണുകൾ ഇന്ത്യയിൽ അവതരിപ്പിക്കാൻ കഴിഞ്ഞേക്കും. കൂടാതെ, ആക്റ്റീവ് നോയ്‌സ് ക്യാൻസലേഷൻ, വയർലെസ് ചാർജിംഗ് എന്നിവ പോലുള്ള സവിശേഷതകൾ വരുന്ന ഒരു ഡിവൈസ്‌ ഈ വില പരിധിയിൽ വരുന്നത് ഉപയോക്താക്കളെ തീർച്ചയായും ആകർഷിക്കും.

ഓപ്പോ എൻകോ എക്‌സ്: സവിശേഷതകൾ

എ‌എൻ‌സി പ്രവർത്തനത്തിനായി ഡ്യൂവൽ-മൈക്രോഫോൺ സംവിധാനം ഉപയോഗിക്കുന്ന ആക്റ്റീവ് നോയ്‌സ് ക്യാൻസലേഷൻ സവിശേഷത ഓപ്പോ എൻ‌കോ എക്‌സിലുണ്ട്. അതേസമയം ഓരോ ഇയർപീസിലും മൊത്തം മൂന്ന് മൈക്രോഫോണുകൾ വരുന്നു. അവ എൻവയോൺമെന്റൽ വോയ്‌സ് റീഡക്ഷനും ക്യാപ്‌ചറിനുമായി പ്രവർത്തിക്കുന്നു. ഇയർഫോണുകളുടെ ചാർജിംഗ് കേസ് യുഎസ്ബി ടൈപ്പ്-സി വയർ, ക്വി വയർലെസ് ചാർജിംഗിനെ പിന്തുണയ്ക്കുന്നു. ഇതിൻറെ ചാർജിൽ 4 മണിക്കൂർ വരെ മ്യൂസിക് കേൾക്കാൻ സാധിക്കും. ചാർജിംഗ് കേസുമായി 20 മണിക്കൂർ വരെയും ആസ്വദിക്കാവുന്നതാണ്.

കണക്റ്റിവിറ്റിക്കായി വരുന്ന എസ്‌ബി‌സി, എ‌എസി, എൽ‌എച്ച്‌ഡി‌സി ബ്ലൂടൂത്ത് കോഡെക്കുകൾ‌ക്കുള്ള പിന്തുണയോടെ ഓപ്പോ എൻകോ എക്‌സ് ബ്ലൂടൂത്ത് 5.2 ഉപയോഗിച്ചിരിക്കുന്നു. ലോ-ലേറ്റൻസി മോഡും ഇതിൽ വരുന്നു. ഇത് ബ്ലൂടൂത്ത് ഓഡിയോ ട്രാൻസ്മിഷൻ കാലതാമസം 47 മി. വരെ കുറയ്ക്കുമെന്ന് വാഗ്ദാനം ചെയ്യുന്നു. ഓപ്പോ എൻകോ എക്‌സിലെ ഒരു പ്രധാന സവിശേഷത ഡാനിഷ് ലൗഡ്‌സ്‌പീക്കർ നിർമാതാക്കളായ ഡൈനോഡിയോയുമായി സഹകരിച്ച് നടത്തിയ സൗണ്ട് ട്യൂണിംഗ് ആണ്.

ഓരോ ഇയർപീസിലും 11 എംഎം ചലിക്കുന്ന കോയിൽ ഡ്രൈവറും 6 എംഎം പ്ലെയിൻ ഡയഫ്രം ഡ്രൈവറും വരുന്ന ഡ്യുവൽ ഡ്രൈവർ സെറ്റപ്പാണ് ഇയർഫോണുകളിൽ ഉള്ളത്. ഡസ്റ്റ് ആൻഡ് വാട്ടർ റെസിസ്റ്റൻസ്, ടച്ച് കൺട്രോളുകൾ എന്നിവയ്ക്കായി റേറ്റുചെയ്തതാണ് എൻ‌കോ എക്സ് ഇയർപീസുകൾ. വളരെയധികം പുതുമകളോടെയാണ് ഓപ്പോ എൻകോ എക്‌സ് ട്രൂ വയർലെസ് ഇയർഫോണുകൾ അവതരിപ്പിച്ചിരിക്കുന്നത്.