സ്നാപ്ഡ്രാഗൺ വെയർ 4100 SoC ചിപ്പുമായി ഓപ്പോ വാച്ച് 2 ജൂലൈ 27 ന് അവതരിപ്പിക്കും

ഇതുവരെ ലഭ്യമായിട്ടുള്ള ഓപ്പോ വാച്ച് 2 ൻറെ പ്രധാനപ്പെട്ട സവിശേഷതകൾ

വരാനിരിക്കുന്ന ഓപ്പോ വാച്ച് 2 ൻറെ മുൻഗാമിയുമായി സാദൃശ്യപ്പെടുത്തുന്ന രൂപകൽപ്പനയുമായിട്ടായിരിക്കും ഈ സ്മാർട്ട് വാച്ച് വരുന്നത്. ചതുരാകൃതിയിലുള്ള ഡയലും, വൃത്താകൃതിയിലുള്ള കോണുകളുമുള്ള ഡിസൈനും ഈ സ്മാർട്ട് വാച്ചിൽ ഉണ്ടാകും. വലത് വശത്തായി രണ്ട് ബട്ടണുകൾ ഇതിൽ നൽകിയിട്ടുണ്ട്. ഓപ്പോ വാച്ച് 2 സ്മാർട്ട് വാച്ചിൽ വൃത്താകൃതിയിലുള്ള ഡയൽ എഡിഷൻ നൽകിയിട്ടുണ്ട്. കൂടാതെ, ഐടി ഹോമിൽ നിന്നുള്ള ഒരു റിപ്പോർട്ട് വരാനിരിക്കുന്ന ഓപ്പോ വാച്ചിൻറെ ചില പ്രധാന വിശദാംശങ്ങൾ വെളിപ്പെടുത്തുന്നു.

16 ജിബി സ്റ്റോറേജുമായി ഓപ്പോ വാച്ച് 2 വിപണിയിൽ അവതരിപ്പിക്കുവാൻ സാധ്യതയുണ്ട്, കൂടാതെ ഇ-സിമ്മിനെ സപ്പോർട്ടും ചെയ്യും. കൂടാതെ, വാച്ച് അപ്പോളോ 4 ചിപ്പിനൊപ്പം ക്വാൽകോം സ്‌നാപ്ഡ്രാഗൺ വെയർ 4100 ചിപ്പിൽ പ്രവർത്തിക്കുമെന്നും, പ്രീവിയസ് ജനറേഷൻ സ്മാർട്ട് വാച്ച് സ്‌നാപ്ഡ്രാഗൺ വെയർ 3100 ചിപ്പിൽ പ്രവർത്തിക്കുമെന്നും പറയുന്നു. അപ്പോളോ 4 ചിപ്പ് വാച്ചിൻറെ ചാർജ് ഉപയോഗപ്പെടുത്തുന്നത് കുറയ്ക്കുമെന്നും പറയപ്പെടുന്നു. ഹാർട്ട് റേറ്റ് മോണിറ്ററിങ് സെൻസർ, Spo2 സെൻസർ തുടങ്ങിയവ ഉൾപ്പെടുന്ന ആരോഗ്യവും ശാരീരികക്ഷമതയുമായി ബന്ധപ്പെട്ട ഫീച്ചർ മോഡുകളും ഇതിൽ ഉൾപ്പെടുത്തിയിരിക്കുന്നു.

46 എംഎം, 42 എംഎം വേരിയന്റുകളിൽ വാച്ച് ലഭ്യമാകുമെന്ന് മുൻ റിപ്പോർട്ടിൽ സൂചിപ്പിച്ചിരുന്നു. 46 എംഎം വേരിയൻറ് ഡസ്റ്റ് ഗ്രേ, മൈൻ ഷാഫ്റ്റ്, സ്റ്റീൽ ബ്ലൂ കളർ ഓപ്ഷനുകളിൽ എത്തുമെന്നാണ് പ്രതീക്ഷിക്കുന്നത്. സ്റ്റാൻഡേർഡ് 42 എംഎം മോഡൽ മൈൻ ഷാഫ്റ്റ്, ഗോൾഡ് സാൻഡ്, വാട്ടർ ലീഫ്, മാറ്റിസ് കളർ വേരിയന്റുകളിൽ വരും. നിലവിൽ ലഭിച്ച കണക്കനുസരിച്ച്, ബാറ്ററി ലൈഫും ഡിസ്പ്ലേ സവിശേഷതകളും ഇപ്പോഴും വ്യക്തമല്ല. നെക്സ്റ്റ് ജനറേഷൻ ഓപ്പോ സ്മാർട്ട് വാച്ചിന് അതിൻറെ മുൻഗാമിയുമായി താരതമ്യപ്പെടുത്തുമ്പോൾ അമോലെഡ് പാനൽ, ഐപി റേറ്റിംഗ്, അപ്‌ഗ്രേഡ് ചെയ്ത ബാറ്ററി ലൈഫ് എന്നിവ ലഭിക്കുമെന്ന് പറയുന്നു.

മാത്രമല്ല, അടുത്തിടെ അവതരിപ്പിച്ച അമാസ്ഫിറ്റ് സെപ്പ് ഇസഡ്, വരാനിരിക്കുന്ന ഗാലക്‌സി വാച്ച് 4 സീരീസ് എന്നിവ പോലുള്ള മറ്റ് മിഡ് റേഞ്ച് വാച്ചുകൾക്ക് ഓപ്പോ വാച്ച് 2 വിപണിയിൽ മികച്ച ഒരു എതിരാളിയായിരിക്കുമെന്ന് പറയുന്നു. എന്നാൽ, നെക്സ്റ്റ് ജനറേഷൻ സ്മാർട്ട് വാച്ചിന് എന്ത് വില വരുമെന്ന് കണ്ടറിയണം. യഥാർത്ഥ ഓപ്പോ വാച്ചിൻറെ വില കണക്കിലെടുക്കുമ്പോൾ, നെക്സ്റ്റ് ജനറേഷൻ ഓപ്പോ വാച്ച് 2 ന് 20,000 രൂപയ്ക്ക് താഴെ വിലവരുമെന്ന് വിശ്വസിക്കപ്പെടുന്നു. എന്നാൽ, ഔദ്യോഗിക പ്രഖ്യാപനത്തിനായി ഇനിയും നിങ്ങൾ കാത്തിരിക്കേണ്ടി വരും.