ഇനി ആരും കേട്ടില്ലെന്ന് പറയില്ല! റിയൽമി ബഡ്‌സ് T01 ട്രൂ വയർലെസ് സ്റ്റീരിയോ ഇയർബഡുകൾ ഇന്ത്യയിൽ ലോഞ്ച് ചെയ്തു

റിയൽമി അതിൻ്റെ ഏറ്റവും പുതിയ റിയൽമി ബഡ്‌സ് T01 (Realme Buds T01) ട്രൂ വയർലെസ് സ്റ്റീരിയോ (TWS) ഇയർബഡുകൾ ഇന്ത്യൻ വിപണിയിൽ ലോഞ്ച് ചെയ്തു. റിയൽമി 13 5ജി സീരീസിനൊപ്പം ആണ് കമ്പനി ബഡ്‌സ് പുറത്തിറക്കിയത്. ഉപയോക്താക്കൾക്ക് ഓഡിയോ അനുഭവം വർദ്ധിപ്പിക്കുന്നതിന് ലക്ഷ്യമിട്ട് ഉള്ള നിരവധി സവിശേഷതകളുമായി ആണ് പുതിയ ഇയർബഡുകൾ വരുന്നത്. റിയൽമി ബഡ്‌സ് T01 ട്രൂ വയർലെസ് സ്റ്റീരിയോ ഇയർബഡുകളുടെ സവിശേഷത, വില, മറ്റ് വിവരങ്ങൾ എന്നിവ അറിയാൻ ലേഖനം തുടർന്ന് വായിക്കുക.

റിയൽമി ബഡ്‌സ് T01ന്റെ ഇന്ത്യയിലെ വിലയെ കുറിച്ച് ആദ്യം അറിയാം. റിയൽമി ബഡ്‌സ് T01ൻ്റെ ഇന്ത്യയിലെ വില 1,299 രൂപയാണ്. ഇത് ബ്ലാക്ക്, വൈറ്റ് എന്ന രണ്ട് കളർ ഓപ്ഷനുകളിൽ ലഭ്യമാണ്. വാങ്ങാൻ താൽപ്പര്യമുള്ളവർക്ക് ആമസോൺ ഇന്ത്യ, ഫ്ലിപ്കാർട്ട് എന്നിവയ്‌ക്കൊപ്പം റിയൽമിയുടെ ഔദ്യോഗിക വെബ്‌സൈറ്റ് വഴിയും ടിഡബ്യുഎസ് വാങ്ങാൻ സാധിക്കും.

റിയൽമി ബഡ്‌സ് T01ന്റെ ഫീച്ചറുകൾ എന്തൊക്കെ എന്ന് നോക്കാം. ബഡ്‌സ് T01 ഇയർബഡുകൾ PET ഡയഫ്രങ്ങളോട് കൂടിയ 13mm ഡൈനാമിക് ഡ്രൈവറുകൾ അവതരിപ്പിക്കുന്നുണ്ട്. ഇത് നല്ല രീതിയിൽ ഉള്ള സൗണ്ട് ക്വാളിറ്റിയി നൽകുന്നു. ഡബിൾ ടാപ്പ്, ട്രിപ്പിൾ ടാപ്പ് അല്ലെങ്കിൽ ലോംഗ് പ്രസ്സ് പോലുള്ള ലളിതമായ ആംഗ്യങ്ങളിലൂടെ കോളുകൾ നിയന്ത്രിക്കാനും പ്ലേലിസ്റ്റുകൾ നാവിഗേറ്റ് ചെയ്യാനും വോളിയം നിയന്ത്രിക്കാനും ഉപയോക്താക്കളെ പ്രാപ്തരാക്കുന്ന ടച്ച് നിയന്ത്രണങ്ങൾ ഈ ബഡ്‌സ് T01ൽ സജ്ജീകരിച്ചിരിക്കുന്നു.

എൻവയോൺമെന്റിൽ നോയ്സ് ക്യാൻസലേഷൻ സവിശേഷതയും കണക്റ്റിവിറ്റിയും ഉണ്ട്. അതായത് ഈ ഇയർബഡുകളിൽ എഐ അടിസ്ഥാനമാക്കിയുള്ള എൻവയോൺമെൻ്റൽ നോയിസ് ക്യാൻസലേഷൻ (ENC) സാങ്കേതികവിദ്യ അവതരിപ്പിക്കുന്നു. അത് മനുഷ്യൻ്റെ ശബ്ദങ്ങൾ തിരിച്ചറിഞ്ഞ് ബാഗ്രൗണ്ട് നോയിസ് കുറയ്ക്കാൻ സഹായിക്കുന്നു. അവ വ്യക്തമായ കോളുകൾക്കും മികച്ച ലിസണിങ് എക്സ്പീരിയൻസിനും അനുയോജ്യമാക്കുന്നു. ഇയർബഡുകൾക്ക് കുറഞ്ഞ ലേറ്റൻസി നിരക്ക് 85 മില്ലിസെക്കൻഡ് ആണ്. ഇത് കുറഞ്ഞ ഓഡിയോ ഡിലെ ഉറപ്പാക്കുന്നു.

കണക്റ്റിവിറ്റിക്കായി, ബഡ്‌സ് T01 ബ്ലൂടൂത്ത് 5.4 ഉപയോഗിക്കുന്നു. റിയൽമി ലിങ്ക് ആപ്പ് വഴി Android, iOS ഉപകരണങ്ങൾ സപ്പോർട്ട് ചെയ്യും. വോളിയം തീവ്രത 97dB-ൽ നിന്ന് 102 dB-ലേക്ക് ഉയർത്തുന്ന വോളിയം എൻഹാൻസർ പോലുള്ള ഫീച്ചറുകൾ ആപ്പ് വാഗ്ദാനം ചെയ്യുന്നു. കൂടാതെ, ഉപകരണങ്ങളുമായി വേഗത്തിലും എളുപ്പത്തിലും ജോടിയാക്കുന്നതിന് ഇയർബഡുകൾ ഗൂഗിൾ ഫാസ്റ്റ് പെയറിനെ പിന്തുണയ്ക്കുന്നു.

ബാറ്ററിയുടെ കാര്യത്തിലേക്ക് വരുമ്പോൾ, ബഡ്‌സ് T01 ഇയർബഡുകൾ ഒറ്റ ചാർജിൽ ഏഴ് മണിക്കൂർ വരെ പ്ലേബാക്ക് വാഗ്ദാനം ചെയ്യുന്നു. ഇതിനോടൊപ്പം ഉൾപ്പെടുത്തിയ ഓവൽ ആകൃതിയിലുള്ള ചാർജിംഗ് കേസ് ഉപയോഗിച്ച്, മൊത്തം പ്ലേബാക്ക് സമയം 28 മണിക്കൂർ വരെ നീളുന്നു. ഓരോ ഇയർബഡും 40mAh ബാറ്ററിയാണ് നൽകുന്നത്. ചാർജിംഗ് കെയ്‌സിൽ 400mAh ബാറ്ററിയുണ്ട്. 10 മിനിറ്റ് വേഗത്തിലുള്ള ചാർജ് രണ്ട് മണിക്കൂർ വരെ പ്ലേബാക്ക് നൽകുന്നു. ഇത് യാത്രയിലായിരിക്കുമ്പോൾ ഉപയോക്താക്കൾക്ക് സൗകര്യപ്രദമാക്കുന്നു.

വിയർപ്പ്, ജല പ്രതിരോധം എന്നിവയ്ക്കായി ഇയർബഡുകൾ IPX4 റേറ്റ് ചെയ്തിരിക്കുന്നു. ഇത് വർക്ക്ഔട്ടുകൾക്കും ഔട്ട്ഡോർ പ്രവർത്തനങ്ങൾക്കും അനുയോജ്യമാക്കുന്നു. ഓരോ ഇയർബഡിനും ഏകദേശം 4 ഗ്രാം ഭാരമുണ്ട്. എന്നാൽ, ദീർഘകാല ഉപയോഗത്തിന് സുഖപ്രദമായ ഫിറ്റ് ഉറപ്പാക്കുന്നു. മൊത്തത്തിൽ, റിയൽമി ബഡ്‌സ് T01, ഗുണമേന്മയുള്ള ഓഡിയോ ഉൽപ്പന്നങ്ങൾക്കായി തിരയുന്ന ബജറ്റ് അവബോധമുള്ള ഉപഭോക്താക്കളുടെ ആവശ്യങ്ങൾ നിറവേറ്റുന്ന, താങ്ങാനാവുന്ന വിലയിൽ സമഗ്രമായ ഒരു കൂട്ടം ഫീച്ചറുകൾ വാഗ്ദാനം ചെയ്യുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.