റിയൽമി വാച്ച് എസ് സീരീസ്, ബഡ്സ് എയർ പ്രോ മാസ്റ്റർ എഡിഷൻ ഇന്ന് ഇന്ത്യയിൽ അവതരിപ്പിക്കും

റിയൽമി വാച്ച് എസ് സീരീസും ബഡ്‌സ് എയർ പ്രോ മാസ്റ്റർ എഡിഷനും ലോഞ്ച് ചെയ്യുന്ന സമയം, ലൈവ് സ്ട്രീം വിശദാംശങ്ങൾ

റിയൽമി വാച്ച് എസ് സീരീസ്, ബഡ്സ് എയർ പ്രോ മാസ്റ്റർ എഡിഷൻ ലോഞ്ച് ഇന്ന് ഉച്ചയ്ക്ക് 12.30 മണിക്ക് നടക്കും. റിയൽമിയുടെ യൂട്യൂബ് ചാനലിൽ ലൈവ് ഇവന്റ് നടക്കും. അല്ലെങ്കിൽ, ചുവടെയുള്ള നൽകിയിരിക്കുന്ന വീഡിയോയിൽ നിന്നും നിങ്ങൾക്ക് ഇത് കാണാവുന്നതാണ്. കൃത്യം ഉച്ചയ്ക്ക് 12.30 മണിക്ക് ഇത് തത്സമയമാകും.

റിയൽമി വാച്ച് എസ് സീരീസ്, ബഡ്സ് എയർ പ്രോ മാസ്റ്റർ എഡിഷൻ: ഇന്ത്യയിൽ പ്രതീക്ഷിക്കുന്ന വില

റിയൽമി വാച്ച് എസ് സീരീസിൽ റിയൽമി വാച്ച് എസ്, റിയൽമി വാച്ച് എസ് പ്രോ എന്നിവ ഉൾപ്പെടാൻ സാധ്യതയുണ്ട്. റിയൽമി വാച്ച് എസ് ഇതിനകം പാകിസ്ഥാനിൽ അവതരിപ്പിച്ചു. പാക്കിസ്ഥാനിൽ ഇതിന് പി‌കെ‌ആർ 14,999 (ഏകദേശം 6,900 രൂപ) ആണ് വില വരുന്നത്. റിയൽമി സ്മാർട്ട് വാച്ചിന് ഇന്ത്യയിൽ ഇതേ വില നൽകിയേക്കാം. 9,999 രൂപ വിലയുള്ള എംഐ വാച്ച് റിവോൾവുമായി റിയൽമി വാച്ച് എസ് പ്രോ മത്സരിക്കും. റിയൽമി ബഡ്‌സ് എയർ പ്രോ മാസ്റ്റർ എഡിഷനെ സംബന്ധിച്ചിടത്തോളം, ടി‌ഡബ്ല്യുഎസ് ഇയർഫോണുകൾ‌ക്ക് ഏകദേശം 4,999 രൂപ വിലയുണ്ട്. ഗ്രേ കളർ ഓപ്ഷനുപുറമെ, വരാനിരിക്കുന്ന ഇയർഫോണുകളെക്കുറിച്ച് കൂടുതൽ വിവരങ്ങൾ ഇപ്പോൾ വ്യക്തമല്ല.

റിയൽമി വാച്ച് എസ് പ്രോ, വാച്ച് എസ് സവിശേഷതകൾ

റിയൽമി വാച്ച് എസ് സീരീസിൽ റിയൽമി വാച്ച് എസ്, റിയൽമി വാച്ച് എസ് പ്രോ എന്നിവ ഉൾപ്പെടാൻ സാധ്യതയുണ്ട്. റിയൽമി വാച്ച് എസ് ഇതിനകം നവംബറിൽ അവതരിപ്പിച്ചു. ഇതിന് 1.3 ഇഞ്ച് വൃത്താകൃതിയിലുള്ള 360x360 പിക്‌സൽ റെസല്യൂഷനോടുകൂടിയ ഓട്ടോ ബ്രൈറ്റ്നെസ് ഡിസ്‌പ്ലേയും 600 നിറ്റ്സ് വരെ പീക്ക് ബ്രൈറ്റ്നെസും വരുന്നു. ലൈവ് ഹാർട്ട്റേറ്റ് മോണിറ്ററിങ്ങിനായി പിപിജി സെൻസറും ബ്ലഡ് ഓക്സിജൻ ലെവൽ നിരീക്ഷണത്തിനായി ഒരു എസ്‌പി‌ഒ 2 സെൻസറും ഇതിലുണ്ട്. 16 സ്‌പോർട്ട് മോഡുകളും നൂറിലധികം വാച്ച് ഫെയ്‌സുകളും ഇതിൽ നിന്നും തിരഞ്ഞെടുക്കാൻ കഴിയും. 390 എംഎഎച്ച് ബാറ്ററിയാണ് ഈ സ്മാർട്ട് വാച്ചിൽ നൽകിയിരിക്കുന്നത്. ഒരു തവണ ചാർജ് ചെയ്താൽ 15 ദിവസത്തെ ഉപയോഗം ലഭ്യമാകും. ഈ സ്മാർട്ട് വാച്ച് 1.5 മീറ്റർ വരെ വാട്ടർ റെസിസ്റ്റൻസാണ്.

റിയൽമി വാച്ച് എസ് പ്രോയുടെ ഏതാനും ചില സവിശേഷതകൾ അടുത്തിടെ ഒരു റിപ്പോർട്ട് വ്യക്തമാക്കിയിരുന്നു . റിയൽമി വാച്ച് എസ് പ്രോയ്ക്ക് വൃത്താകൃതിയിലുള്ള രൂപകൽപ്പനയും 100 വാച്ച് ഫെയ്‌സുകളും വാനില വേരിയന്റിന് സമാനമാണ്. 1.39 ഇഞ്ച് അമോലെഡ് ടച്ച്‌സ്‌ക്രീൻ ഡിസ്‌പ്ലേ, 5 എടിഎം വാട്ടർ റെസിസ്റ്റൻസ് (50 മീറ്റർ വരെ വാട്ടർ റെസിസ്റ്റന്റ്), 420 എംഎഎച്ച് ബാറ്ററി എന്നിവയാണ് പ്രധാന വ്യത്യാസം.

റിയൽമി ബഡ്‌സ് എയർ പ്രോ മാസ്റ്റർ എഡിഷൻ: സവിശേഷതകൾ

റിയൽമി ബഡ്‌സ് എയർ പ്രോ മാസ്റ്റർ എഡിഷനെ കുറിച്ച് കൂടുതൽ വിവരങ്ങൾ ഇപ്പോൾ വ്യക്തമല്ല. എന്നാൽ, ടി‌ഡബ്ല്യുഎസ് ഇയർഫോണുകൾ റിയൽമി ബഡ്‌സ് എയർ പ്രോയുടെ അപ്ഗ്രേഡ് ചെയ്യ്ത പതിപ്പായിരിക്കുമെന്ന് പ്രതീക്ഷിക്കുന്നു. ഇയർഫോണുകളിൽ ആക്റ്റീവ് നോയ്‌സ് ക്യാൻസലേഷൻ അവതരിപ്പിക്കും. ഇത് വിവിധ ടീസറുകളിലൂടെ കമ്പനി ഇതിനകം സ്ഥിരീകരിച്ചിട്ടുണ്ട്. ഫ്രഞ്ച് ഡിസൈനർ ജോസ് ലെവിയാണ് ഇയർഫോണുകൾ രൂപകൽപ്പന ചെയ്തിരിക്കുന്നത്. സ്പേസ് കാപ്സ്യൂളുകളും സയൻസ് ഫിക്ഷനും ഈ ഡിസൈനിന് പ്രചോദനമായി.