റിയൽമി വാച്ച് എസ്, വാച്ച് എസ് പ്രോ ഇന്ത്യയിൽ ഉടൻ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

അന്താരാഷ്ട്ര വിപണികളിൽ കുറച്ചുനാൾ മുമ്പ് അവതരിപ്പിച്ച റിയൽമി വാച്ച് എസ് പ്രോ എന്താണെന്ന് ടീസർ ചിത്രം കാണിക്കുന്നു. വലിയ ഡിസ്‌പ്ലേയുള്ള ഈ വൃത്താകൃതിയിലുള്ള ഡയൽ തീർച്ചയായും വാച്ച് എസ് പ്രോയെ കുറിച്ച് സൂചന നൽകുന്നു. രണ്ടാമത്തെ വാച്ചിന് ചെറിയ ഡിസ്പ്ലേയുള്ളതായി കാണിക്കുന്നു. അത് വിലകുറഞ്ഞ റിയൽമി വാച്ച് എസ് ആണ്.

റിയൽമി വാച്ച് എസ് സീരീസ് സവിശേഷതകൾ

റിയൽമി വാച്ച് എസ് ഇതിനകം ആഗോള വിപണികളിൽ അവതരിപ്പിച്ചു. അതിനാൽ വെബ്‌സൈറ്റിൽ നിന്നും ഈ സ്മാർട്ട് വാച്ചിനെ കുറിച്ച് നിങ്ങൾക്ക് ധാരാളം കാര്യങ്ങൾ മനസിലാക്കുവാൻ സാധിക്കും. റിയൽമി വാച്ച് എസിന് ഇന്ത്യയിൽ ഏകദേശം 7,000 രൂപ വില വരുന്നു. അമാസ്ഫിറ്റ് വെർജ് ലൈറ്റ്, നോയിസിൽ നിന്നുള്ള നിരവധി സ്മാർട്ട് വാച്ചുകൾ എന്നിവയെ ഈ പുതിയ റിയൽമി സ്മാർട്ട് വാച്ച് വെല്ലുവിളിക്കുമെന്ന് അഭ്യൂഹങ്ങൾ പറയുന്നത്.

360 x 360 പിക്‌സൽ റെസല്യൂഷനുള്ള 1.3 ഇഞ്ച് എൽസിഡി ഡിസ്‌പ്ലേയാണ് വാച്ച് എസിന് വരുന്നത്. റിയൽമി വാച്ചിന്റെ അതേ ഫ്രീആർ‌ടി ഓപ്പറേറ്റിംഗ് സിസ്റ്റത്തിലാണ് ഇത് പ്രവർത്തിക്കുന്നത്. അതായത് യഥാർത്ഥ പതിപ്പിൽ നിന്നുള്ള സോഫ്റ്റ്‌വെയർ സവിശേഷതകൾ സമാനമാണെന്ന് നിങ്ങൾക്ക് പ്രതീക്ഷിക്കാം. ഇത് 16 സ്‌പോർട്‌സ് മോഡുകളും ബ്ലഡ്-ഓക്‌സിജൻ മോണിറ്ററിങ് സവിശേഷതയുമായി വരുന്നു. കൂടാതെ, 15 ദിവസം വരെ ബാറ്ററി ലൈഫ് നൽകാനും ഈ സ്മാർട്ട് വാച്ചിന് സാധിക്കും. വാച്ചിൽ ഐപി 68 വാട്ടർ ആൻഡ് ഡസ്റ്റ് റെസിസ്റ്റൻസ് വരുന്നു. മാത്രമല്ല, മുകളിൽ ഒരു ഗോറില്ല ഗ്ലാസ് 3 പ്രൊട്ടക്ഷനുമുണ്ട്.

ചില സർട്ടിഫിക്കേഷൻ വെബ്സൈറ്റുകളിൽ കാണുന്നതുപോലെ 1.3 ഇഞ്ച് അമോലെഡ് ഡിസ്പ്ലേ ഉപയോഗിച്ച് പൂർത്തിയാക്കിയ റിയൽമി വാച്ച് എസ് പ്രോ കൂടുതൽ പ്രീമിയം ഓപ്ഷനായിരിക്കണം. ഈ പതിപ്പിന് ഒരു ഓട്ടോ ബ്രൈറ്റ്നെസ് സെൻസറും ഉണ്ടെങ്കിലും ജിപിഎസ് ട്രാക്കിംഗ്, ഒരു വലിയ ബാറ്ററി, കുറച്ച് സെൻസറുകൾ തുടങ്ങിയ ഫീച്ചറുകൾ ലഭിക്കും. റിയൽ‌മിക്ക് ഇത് ഏകദേശം 10,000 രൂപ വിലവരുന്ന ഷവോമി എംഐ വാച്ച് റിവോൾവ് സ്മാർട്ട് വാച്ചിന് തുല്യമാണ്.

റിയൽ‌മി വാച്ച് എസ് പ്രോ ഒരു പൂർണ്ണമായ വെയർ ഒ‌എസ്-പവർഡ് സ്മാർട്ട് വാച്ചായി അവതരിപ്പിക്കുമോ എന്ന കാര്യം ഇനി കാത്തിരുന്ന് കാണാം. നിലവിൽ, നിങ്ങൾക്ക് ഇന്ത്യയിൽ നിന്നും വാങ്ങാവുന്ന ഏറ്റവും വിലകുറഞ്ഞ വെയർ ഒ.എസ് സ്മാർട്ട് വാച്ചാണ് 14,990 രൂപ മുതൽ വില വരുന്ന ഓപ്പോ സ്മാർട്ട് വാച്ച്.