റിയൽമി എക്‌സ് 7 മാക്‌സ് 5 ജി, 4 കെ ആൻഡ്രോയിഡ് ടിവി ഉടൻ തന്നെ ഇന്ത്യയിൽ അവതരിപ്പിക്കും

റിയൽമി എക്‌സ് 7 മാക്‌സ് 5 ജി, സ്മാർട്ട് ടിവി 4 കെ ലോഞ്ച് ഇവന്റ്

എക്‌സ് 31 മാക്‌സ് 5 ജി, പുതിയ ടെലിവിഷനുകൾ തുടങ്ങിയവ അവതരിപ്പിക്കുന്ന ലോഞ്ച് ഇവന്റ് മെയ് 31 ന് ഉച്ചയ്ക്ക് കൃത്യം 12.30 ന് റിയൽമി നടത്തും. തീർച്ചയായും ഇത് ഒരു ഡിജിറ്റൽ ഇവന്റ് പരിപാടിയാകും. ഈ വരാനിരിക്കുന്ന ഇവന്റിൽ പുതിയ സ്മാർട്ട്ഫോണും ടെലിവിഷനുമായി ബന്ധപ്പെട്ട എല്ലാം കാര്യങ്ങളും റിയൽമി ലോഞ്ച് ഇവന്റിൽ പ്രഖ്യാപിക്കും.

റിയൽമി എക്‌സ് 7 മാക്‌സ് 5 ജി സവിശേഷതകൾ

ഡൈമെൻസിറ്റി 1200 പ്രോസസറാണ് എക്‌സ് 7 മാക്‌സിന് കരുത്ത് പകരുന്നതെന്ന് റിയൽമി സ്ഥിരീകരിച്ചു കഴിഞ്ഞു. 700,600 ന് മുകളിലുള്ള ഡൈമെൻസിറ്റി 1200 പ്രോസസറിനായി റിയൽമി മുമ്പ് ആൻ‌ട്യു ബെഞ്ച്മാർക്ക് സ്‌കോറുകൾ‌ പോസ്‌റ്റ് ചെയ്യ്തിരുന്നു. ഇത് ഉയർന്ന നിലവാരമുള്ള സ്മാർട്ഫോണുകളിൽ കാണുന്ന ഏറ്റവും മികച്ച പ്രോസസറുകളിൽ ഒന്നാണ്. റിയൽമി ഇതുവരെ ഈ ഹാൻഡ്‌സെറ്റിൻറെ വിലയെക്കുറിച്ച് കൂടുതലൊന്നും വ്യക്തമാക്കിയിട്ടില്ലെങ്കിലും, എക്‌സ് 7 മാക്‌സ് 5 ജി മിഡ്റേഞ്ച് വിഭാഗത്തിൽ ഉൾപ്പെടുത്തിയേക്കും.

കൂടാതെ, എക്‌സ് 7 മാക്‌സ് 5 ജിൽ അസ്ഫാൽറ്റ് 9: ലെജന്റ്സ് ഗെയിമിനെയും റിയൽമി സൂചിപ്പിക്കുന്നുണ്ട്, എന്നാൽ എക്‌സ് 7 മാക്‌സ് 5 ജിയ്ക്കായി രണ്ട് ബ്രാൻഡുകളും തമ്മിൽ എന്തെങ്കിലും തരത്തിലുള്ള പങ്കാളിത്തമുണ്ടാകുമോ എന്ന കാര്യം വ്യക്തമല്ല. ഇത് ശരിയാണെങ്കിൽ, റിയൽമി ഒരുപക്ഷേ എക്‌സ് 7 മാക്‌സിനെ ഒരു ഗെയിമിംഗ് സ്മാർട്ട്ഫോണായി മാറ്റും. തുടക്കത്തിൽ തന്നെ, റിയൽമി ആദ്യത്തെ ഡൈമെൻസിറ്റി 1200 ചിപ്സെറ്റ് നൽകുന്ന ജിടി നിയോയെ ക്യാമറ ഫോണായി തിരഞ്ഞെടുത്തു.

എക്‌സ് 7 മാക്‌സ് 5 ജി, റിയൽമി ഇന്ത്യയിൽ അവതരിപ്പിക്കുന്ന റീബ്രാൻഡഡ്‌ ജിടി നിയോ മാത്രമാണെന്ന് ചില അഭ്യൂഹങ്ങൾ സൂചിപ്പിക്കുന്നു. റിയൽമി എക്‌സ് 7 മാക്‌സ് 5 ജി റീബ്രാൻഡഡ്‌ ചെയ്യ്ത ജിടി നിയോ ആണെങ്കിൽ, സവിശേഷതകളിൽ 12 ജിബി വരെ എൽ‌പി‌ഡി‌ഡി‌ആർ 5 റാമും 256 ജിബി യു‌എഫ്‌എസ് 3.1 സ്റ്റോറേജും ഉൾപ്പെടും. നിങ്ങൾക്ക് കൂടുതൽ സ്റ്റോറേജിനായി ഈ ഫോണിൽ ഒരു മൈക്രോ എസ്ഡി കാർഡ് ഉൾപ്പെടുത്തുവാൻ കഴിയും. ഇത് ആൻഡ്രോയിഡ് 11 അധിഷ്‌ഠിത റിയൽമി യുഐ 2.0ൽ പ്രവർത്തിക്കുന്നു. 50W ഫാസ്റ്റ് ചാർജിംഗ് സപ്പോർട്ടുള്ള എക്‌സ് 7 മാക്‌സ് 5 ജിയിൽ 4500 എംഎഎച്ച് ബാറ്ററി ഉൾപ്പെടുത്തിയേക്കും.

120 ഹെർട്സ് വരെ റിഫ്രഷ് റേറ്റ് സപ്പോർട്ടുമായി വരുന്ന 6.43 ഇഞ്ച് ഫുൾ എച്ച്ഡി + സൂപ്പർ അമോലെഡ് ഡിസ്‌പ്ലേയാണ് ഈ സ്മാർട്ട്ഫോണിലുള്ളത്. നിങ്ങൾക്ക് 64 മെഗാപിക്സലിൻറെ പ്രധാന സോണി ഐ‌എം‌എക്സ് 682 സെൻസർ, 8 മെഗാപിക്സൽ അൾട്രാ-വൈഡ് ആംഗിൾ സെൻസർ, പിന്നിൽ 2 മെഗാപിക്സൽ മാക്രോ സെൻസർ എന്നിവ ഉണ്ടായിരിക്കും. സെൽഫികൾ പകർത്തുവാൻ പഞ്ച്-ഹോൾ സെറ്റപ്പിൽ 32 മെഗാപിക്സലിൻറെ മുൻ ക്യാമറ ഉൾപ്പെടുത്തിയേക്കും.

റിയൽ‌മി സ്മാർട്ട് ടിവി 4 കെയിൽ നിന്നും എന്തൊക്കെ പ്രതീക്ഷിക്കാം ?

വരാനിരിക്കുന്ന ഈ സ്മാർട്ട് ടെലിവിഷൻ 43 ഇഞ്ച്, 50 ഇഞ്ച് എന്നിങ്ങനെ രണ്ട് വലുപ്പങ്ങളിൽ ഉണ്ടാകുമെന്ന് റിയൽ‌മി സ്ഥിരീകരിച്ചു. കഴിഞ്ഞ വർഷം, ഈ 43 ഇഞ്ച് ടിവി പരമാവധി 1080 പിക്‌സൽ റെസല്യൂഷൻ സപ്പോർട്ട് ചെയ്യ്തിരുന്നു, അതേസമയം 50 ഇഞ്ച് മോഡൽ ലഭ്യമല്ലായിരുന്നു. 55 ഇഞ്ച് മോഡൽ 4 കെ റെസല്യൂഷൻ ഉപയോഗിച്ച് റിയൽ‌മി പിന്നീട് പുറത്തിറക്കി. ഈ വർഷത്തെ ടിവി മോഡലുകൾ എല്ലാം 1080 പിക്‌സൽ റെസല്യൂഷനിൽ സപ്പോർട്ട് ചെയ്യും. രണ്ട് പുതിയ റിയൽ‌മി ടിവി മോഡലുകളിൽ ഡോൾബി വിഷൻ, ഡോൾബി അറ്റ്‌മോസ് എന്നിവയും ഉൾപ്പെടും.