സ്ക്വയർ ഡിസ്പ്ലേയുള്ള റെഡ്മി വാച്ച് മെയ് 13 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

ഇന്ത്യയിൽ റെഡ്മി വാച്ചിന് പ്രതീക്ഷിക്കുന്ന വില

ചൈനയിൽ റെഡ്മി വാച്ചിന് ഏകദേശം ആർഎംബി 269 (ഏകദേശം 3,029 രൂപ) വിലയ്ക്ക് വിൽപ്പന നടത്തുന്നു. എംഐ വാച്ച് ലൈറ്റിന് തായ്‌ലൻഡ് പോലുള്ള മറ്റ് വിപണികളിൽ ഏകദേശം 3,400 രൂപ വില വരുന്നു. റെഡ്മി വാച്ചിന് ഇന്ത്യൻ വിപണിയിൽ ഏകദേശം 3000-3500 രൂപ വരെ ചിലവ് വരുമെന്ന് പ്രതീക്ഷിക്കാവുന്നതാണ്. എന്നാൽ, ഇത് യഥാർത്ഥ വിലയായി നിങ്ങൾ കണക്കാക്കേണ്ടതില്ല.

റെഡ്മി വാച്ചിൻറെ സവിശേഷതകൾ

ചതുരാകൃതിയിലുള്ള ഡയലിൽ 1.4 ഇഞ്ച് എൽഇഡി ടച്ച് സ്‌ക്രീൻ ഡിസ്‌പ്ലേയാണ് നൽകിയിട്ടുള്ളത്. ഡിസ്പ്ലേ യൂണിറ്റ് 320 × 320 പിക്സൽ റെസല്യൂഷൻ, 323 പിപിഐയുടെ പിക്സൽ ഡെൻസിറ്റി, 60% എൻ‌ടി‌എസ്‌സി കളർ ഗാമറ്റ് എന്നിവയുമായി വരുന്നു. ഈ സ്മാർട്ട് വാച്ച് വാട്ടർ റെസിസ്റ്റൻസ് ഫീച്ചറുമായാണ് വരുന്നത്. റെഡ്മി വാച്ചിൽ 24 മണിക്കൂർ ലൈവ് ഹാർട്ട്റേറ്റ് മോണിറ്ററിങ് സെൻസർ ഉണ്ട്. ഇത് സ്ലീപ്പ് മോണിറ്ററിംഗിനെയും സപ്പോർട്ട് ചെയ്യുന്നു. ഇതിനിടയിൽ സ്‌ക്രീനിൽ നിന്ന് തന്നെ മ്യൂസിക് ട്രാക്കുകളിലേക്ക് പോകുവാൻ അനുവദിക്കുകയും ചെയ്യുന്നു. കൂടാതെ, റെഡ്മി വാച്ചിലും നോട്ടിഫിക്കേഷൻ സപ്പോർട്ട് ലഭിക്കുന്നു. സ്‌പോർട്‌സ് മോഡ് ട്രാക്കിംഗിലേക്ക് വരുന്ന ഇതിന് നടത്തം, ട്രെക്കിംഗ്, ഓട്ടം, ട്രെഡ്‌മിൽ, സൈക്ലിംഗ്, നീന്തൽ, ക്രിക്കറ്റ് എന്നിങ്ങനെ 11 സ്പോർട്സ് മോഡുകൾ ലഭ്യമാണ്.

റെഡ്മി വാച്ച് സാധാരണ ഉപയോഗത്തിൽ 9 ദിവസം വരെ ബാറ്ററി ലൈഫ് നൽകുന്നു. ഇൻബിൽറ്റ് 230 എംഎഎച്ച് ബാറ്ററിയുടെ തുടർച്ചയായ ജിപിഎസ് ഉപയോഗത്തിൽ ഇത് 10 മണിക്കൂർ സമയം വരെ നീണ്ടുനിൽക്കും. ആൻഡ്രോയിഡ് 5.0 അല്ലെങ്കിൽ അതിന് ശേഷം വരുന്ന സോഫ്റ്റ്‌വെയർ പ്ലാറ്റ്‌ഫോമിൽ പ്രവർത്തിക്കുന്ന ഡിവൈസുകളെ വാച്ചുമായി ബന്ധിപ്പിക്കുന്നതിന് ബ്ലൂടൂത്ത് 5.0 കണക്റ്റിവിറ്റി ഓപ്ഷനും ഉൾപ്പെടുന്നു. 3 ആക്സിസ് ആക്സിലറോമീറ്റർ, 3 ആക്സിസ് ഗൈറോസ്കോപ്പ്, ബാരോമീറ്റർ (അൽട്ടിമീറ്റർ), ഒരു കോമ്പസ് സെൻസർ എന്നിവയും ഈ റെഡ്മി വാച്ചിൽ നൽകിയിട്ടുണ്ട്. ഇത് ജിപിഎസ്, എ-ജിപിഎസ്, ഗ്ലോനാസ് എന്നിവയും സപ്പോർട്ട് ചെയ്യുന്നു. 41x35x10.9 മില്ലിമീറ്റർ അളവിൽ വരുന്ന റെഡ്മി വാച്ച് സ്ട്രാപ്പിനൊപ്പം 35 ഗ്രാം ഭാരം, സ്ട്രാപ്പ് ഇല്ലാതെ 21 ഗ്രാം ഭാരം വരെ കുറയുന്നു.