റിങ്ങാ റിങ്ങാ റോസാ! സാംസങ് ഗാലക്‌സി സ്മാർട്ട് റിംഗ് കിടിലൻ ഓഫറുകളോടെ പ്രീ-റിസർവേഷൻ ആരംഭിച്ചു

ഈ വർഷം ജൂലൈയിൽ പാരീസിൽ നടന്ന ഗാലക്‌സി അൺപാക്ക്ഡ് ഇവൻ്റിലാണ് സാംസങ് ഗാലക്‌സി റിംഗ് പ്രഖ്യാപിച്ചത്. അന്ന് കമ്പനി ഗാലക്‌സി ഇസഡ് ഫോൾഡ് 6, ഗാലക്‌സി ഇസഡ് ഫ്ലിപ്പ് 6 ഫോൾഡബിൾ സ്‌മാർട്ട്‌ഫോണുകൾ പുറത്തിറക്കി. ദക്ഷിണ കൊറിയൻ ടെക് ഭീമനിൽ നിന്നുള്ള ഇത്തരത്തിലുള്ള ആദ്യ ഗാലക്‌സി സ്മാർട്ട് റിംഗ് ആഗോളതലത്തിൽ മൂന്ന് ഫിനിഷുകളിലും ഒമ്പത് വലുപ്പങ്ങളിലും വാഗ്ദാനം ചെയ്യുന്നു. ഈ വെയറബിൾ ഉടൻ തന്നെ ഇന്ത്യയിൽ വാങ്ങാൻ ലഭ്യമാകും. ഗാലക്‌സി സ്‌മാർട്ട് റിങ്ങിനുള്ള മുൻകൂർ റിസർവേഷൻ ഇപ്പോൾ രാജ്യത്ത് ലൈവ് ആണ്. പ്രീ-റിസർവേഷൻ്റെ ഭാഗമായി സാംസങ് രണ്ട് ഓഫറുകളും ആനുകൂല്യങ്ങളും നൽകുന്നുണ്ട്.

ഇന്ത്യയിൽ സാംസങ് ഗാലക്‌സി റിംഗ് പ്രീ-റിസർവേഷൻ ഓഫറുകൾ: സാംസങ് ഗാലക്‌സി റിംഗ് ഇന്ത്യയിൽ പ്രീ-പ്രിസർവേഷനായി റീഫണ്ടബിൾ ടോക്കൺ തുകയായ 1,999 രൂപയ്ക്ക് ലഭ്യമാണ്. സാംസങ് ഇന്ത്യ വെബ്‌സൈറ്റ് വഴിയും ആമസോൺ, ഫ്ലിപ്കാർട്ട് തുടങ്ങിയ പ്രമുഖ ഇ-കൊമേഴ്‌സ് സൈറ്റുകൾ വഴിയും നിങ്ങൾക്ക് റിങ് മുൻകൂട്ടി റിസർവ് ചെയ്യാമെന്ന് കമ്പനിയുടെ പ്രസ് കുറിപ്പിൽ പറയുന്നു.

ഇന്ത്യയിൽ സാംസങ് ഗാലക്‌സി റിംഗ് മുൻകൂട്ടി റിസർവ് ചെയ്‌തതിൻ്റെ പ്രയോജനങ്ങളിൽ 4,999 രൂപയുടെ കോംപ്ലിമെൻ്ററി വയർലെസ് ചാർജർ ഡ്യുവോ ഉൾപ്പെടുന്നു. സബ്‌സ്‌ക്രിപ്‌ഷൻ ഫീസ് ഇല്ല. മുൻകൂട്ടി റിസർവ് ചെയ്യുന്ന ഉപഭോക്താക്കൾക്ക് ചാർജിംഗ് കേസും ഡാറ്റ കേബിളും ഉള്ള റിങ് ലഭിക്കും. വാങ്ങുന്നവർ സാംസങ് ഷോപ്പ് ആപ്പ് ഉപയോഗിക്കുകയാണെങ്കിൽ, അവർക്ക് 5,000 രൂപ വരെ വെൽകം വൗച്ചർ ലഭിക്കും.

ഒക്‌ടോബർ 15 വരെ മുൻകൂർ റിസർവേഷൻ ലഭ്യമാണ്. ഇത് ഒക്‌ടോബർ 16-നോ അതിന് ശേഷമോ ഇന്ത്യൻ വിപണിയിൽ റിങ് വാങ്ങാൻ ലഭ്യമാകുമെന്ന് സൂചിപ്പിക്കുന്നു. സാംസങ് ഗാലക്‌സി റിങ്ങിൻ്റെ ഇന്ത്യയിലെ അന്തിമ വില ഇതുവരെ വെളിപ്പെടുത്തിയിട്ടില്ല. തിരഞ്ഞെടുത്ത ആഗോള വിപണികളിൽ ഇതിൻ്റെ വില $399 (ഏകദേശം 34,000 രൂപ) ആണ്. ടൈറ്റാനിയം ബ്ലാക്ക്, ടൈറ്റാനിയം സിൽവർ, ടൈറ്റാനിയം ഗോൾഡ് ഫിനിഷുകളിൽ ഇത് വാഗ്ദാനം ചെയ്യുന്നു.

സാംസങ് ഗാലക്‌സി റിംഗ് ഫീച്ചറുകൾ: ഗ്ലോബൽ വേരിയൻ്റിന് സമാനമായി 5 മുതൽ 13 വരെ വലുപ്പത്തിലുള്ള ഗാലക്‌സി റിംഗ് ഇന്ത്യയിൽ വാഗ്ദാനം ചെയ്യുമെന്ന് കമ്പനി അറിയിച്ചു. സാംസങ് ഒരു സൈസിംഗ് കിറ്റ് നേടുന്നതിനുള്ള ഓപ്‌ഷൻ വിപുലീകരിക്കും. അത് ഉപഭോക്താക്കൾക്ക് മോതിരത്തിന് അനുയോജ്യമായത് തീരുമാനിക്കാൻ ഉപയോഗിക്കാം.

സാംസങ്ങിൻ്റെ ഗാലക്‌സി റിംഗിന് ടൈറ്റാനിയം നിർമ്മാണം, 10ATM റേറ്റിംഗ്, IP68-റേറ്റിംഗ് എന്നിവയുണ്ട്. ഏറ്റവും ചെറിയ വലിപ്പം 5 ഓപ്ഷന് 2.3g ഭാരവും 7mm വീതിയും ഉണ്ട്. ഒറ്റ ചാർജിൽ ഏഴ് ദിവസം വരെ ബാറ്ററി ലൈഫ് വാഗ്ദാനം ചെയ്യുമെന്ന് സ്‌മാർട്ട് റിംഗ് അവകാശപ്പെടുന്നു.

ഗ്ലോബൽ ഓപ്ഷന് സമാനമായി, സാംസങ് ഗാലക്‌സി റിംഗിൻ്റെ ഇന്ത്യൻ പതിപ്പിന് ഹെൽത്ത് എഐ സവിശേഷതകൾ ലഭിക്കുമെന്ന് കമ്പനി കൂട്ടിച്ചേർത്തു. ഇത് ഉപയോക്താക്കളുടെ എനർജി ലെവൽ, ഉറക്കത്തിൻ്റെ സ്റ്റേജുകൾ, ആക്ടിവിറ്റി, ഹാർട്ട്റേറ്റ്, സ്ട്രെസ് ലെവലുകൾ എന്നിവയും അതിലേറെയും ട്രാക്ക് ചെയ്യാൻ ഉപയോഗിച്ചേക്കാം. ഇത് ജെസ്റ്റർ കൺട്രോളുകളും സാംസങ്ങിൻ്റെ സ്മാർട്ട് തിംഗ്സ് ഫൈൻഡ് ഫീച്ചറും പിന്തുണയ്ക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.