സാംസങ് ലെവൽ യു 2 നെക്ക്ബാൻഡ്-സ്റ്റൈൽ വയർലെസ് ഹെഡ്‌ഫോണുകൾ ഇന്ത്യയിൽ അവതരിപ്പിച്ചു

സാംസങ് ലെവൽ യു 2: ഇന്ത്യയിലെ വില

ഇന്ത്യയിൽ സാംസങ് ലെവൽ യു 2 വിന് 1,999 രൂപയാണ് വില വരുന്നത്. ബ്ലാക്ക് ആൻഡ് ബ്ലൂ കളർ ഓപ്ഷനുകളിൽ വരുന്ന ഈ ഹെഡ്‌ഫോണുകൾ ഫ്ലിപ്പ്കാർട്ട്, സാംസങ് ഇന്ത്യ ഓൺലൈൻ സ്റ്റോർ എന്നിവയിലൂടെ മാത്രമായി വാങ്ങാൻ ഇപ്പോൾ ലഭ്യമാക്കിയിരിക്കുകയാണ്.

സാംസങ് ലെവൽ യു 2: സവിശേഷതകൾ

32 ഓംസ് ഇം‌പെഡൻസും 20,000 ഹെർട്സ് ഫ്രീക്വൻസി റെസ്പോൺസുമുള്ള 12 എംഎം ഡ്രൈവറുകളാണ് സാംസങ് ലെവൽ യു 2 ഹെഡ്‌ഫോണുകളിൽ വരുന്നത്. ബ്ലൂടൂത്ത് 5.0 കണക്റ്റിവിറ്റിയും രണ്ട് മൈക്രോഫോണുകളും ഈ ഹെഡ്‌ഫോണുകളിൽ ഉണ്ട്. കൂടാതെ, എ‌എസി, എസ്‌ബി‌സി, സ്കേലബിൾ കോഡെക് എന്നിവയ്ക്കുള്ള സപ്പോർട്ടുമുണ്ട്. ലെവൽ യു 2 ഹെഡ്‌ഫോണുകൾ നിങ്ങളുടെ കഴുത്തിൽ ഇരിക്കാൻ അനുവദിക്കുന്ന ഒരു നെക്ക്ബാൻഡ് ഡിസൈൻ സാംസങ് നൽകിയിട്ടുണ്ട്. ചെവിയുടെ വലുപ്പത്തിൻറെ രീതിൽ ഉൾപ്പെടുത്താൻ കഴിയുന്ന എർണോണോമിക് ഇയർ ടിപ്പുകളും ഇതിലുണ്ട്.

കണക്റ്റുചെയ്‌ത ഫോൺ പുറത്തെടുക്കാതെ തന്നെ കോളുകൾ സ്വീകരിക്കാനും നിശബ്ദമാക്കാനും നിരസിക്കാനും ഉപയോക്താക്കളെ അനുവദിക്കുന്നതിനായുള്ള ഫിസിക്കൽ ബട്ടണുകളുമായാണ് സാംസങ് ലെവൽ യു 2 ഹെഡ്‌ഫോണുകൾ വരുന്നത്. ഒരു തവണ ചാർജ് ചെയ്‌താൽ 500 മണിക്കൂർ സ്റ്റാൻഡ്‌ബൈ സമയം, 18 മണിക്കൂർ മ്യൂസിക് പ്ലേബാക്ക് അല്ലെങ്കിൽ 13 മണിക്കൂർ ടോക്ക് ടൈം എന്നിവ വാഗ്ദാനം ചെയ്യുന്ന ഇൻബിൽറ്റ് ബാറ്ററിയും ഈ ഹെഡ്‌ഫോണുകളിൽ ഉൾപ്പെടുന്നു. കൂടാതെ, ഈ ഓഡിയോ ഡിവൈസ് ചാർജ് ചെയ്യുന്നതിനായി ഒരു യുഎസ്ബി ടൈപ്പ്-സി പോർട്ടും നൽകിയിട്ടുണ്ട്. ഈ ഹെഡ്‌ഫോണുകൾക്ക് 41.5 ഗ്രാം ഭാരമാണ് വരുന്നത്.