നിയോ ക്വാണ്ടം പ്രോസസ്സറുകളുള്ള സാംസങ് നിയോ ക്യുഎൽഇഡി ടിവി ഇന്ത്യയിൽ അവതരിപ്പിച്ചു

സാംസങ് നിയോ ക്യുഎൽഇഡി ടിവി: ഇന്ത്യയിലെ വിലയും, ലോഞ്ച് ഓഫറുകളും

സാംസങ് നിയോ ക്യുഎൽഇഡി ടിവിക്ക് ഇന്ത്യയിൽ 99,990 രൂപയാണ് വില വരുന്നത്. നിയോ ക്യുഎൽഇഡി 8 കെ ടിവികൾ 75 ഇഞ്ച് ക്യുഎൻ 800 എ, 85 ഇഞ്ച് ക്യുഎൻ 900 എ എന്നിങ്ങനെ രണ്ട് മോഡലുകളിൽ ലഭ്യമാണ്. ഇതിനു വിപരീതമായി, നിയോ ക്യുഎൽഇഡി 4 കെ ടിവി ലൈനപ്പിൽ 75 ഇഞ്ച്, 65 ഇഞ്ച്, 55 ഇഞ്ച് സ്‌ക്രീൻ സൈസ് ഓപ്‌ഷനുകളുള്ള ക്യുഎൻ 85 എ മോഡലിലും, ക്യുഎൻ 85 എ ലൈനപ്പിൽ 85 ഇഞ്ച്, 65 ഇഞ്ച്, 55 ഇഞ്ച്, 50 ഇഞ്ച് വലുപ്പങ്ങളിലും ലഭ്യമാണ്. നിയോ ക്യുഎൽഇഡി ടിവി സീരിസിലെ പുതിയ മോഡലുകൾ ആമസോൺ, ഫ്ലിപ്കാർട്ട്, സാംസങ് ഇന്ത്യ ഓൺലൈൻ സ്റ്റോർ, രാജ്യത്തെ എല്ലാ പ്രമുഖ ഉപഭോക്തൃ ഇലക്ട്രോണിക് സ്റ്റോറുകൾ എന്നിവയിലൂടെ ലഭ്യമാകും.

തിരഞ്ഞെടുത്ത നിയോ ക്യുഎൽഇഡി ടിവികൾ പ്രീ-ബുക്കിംഗ് ചെയ്യുന്ന ഉപഭോക്താക്കൾക്ക് കോംപ്ലിമെന്ററി സാംസങ് ഗാലക്സി ടാബ് എസ് 7 +, ഗാലക്സി ടാബ് എസ് 6 ലൈറ്റ് എൽടിഇ, 20,000 രൂപ വരെ ക്യാഷ്ബാക്ക്, 1,990 രൂപ വരെയുള്ള ഇ.എം.ഐ ഓപ്ഷനുകൾ എന്നിവ ലഭിക്കും. ഏപ്രിൽ 15 മുതൽ 18 വരെ സാംസങ് ഇന്ത്യ ഓൺലൈൻ സ്റ്റോർ വഴി ഈ ഓഫറുകൾ ലഭ്യമാകും. എന്നാൽ, ഏപ്രിൽ 19 മുതൽ ഫ്ലിപ്പ്കാർട്ട്, ആമസോൺ, വിവിധ റീട്ടെയിൽ സ്റ്റോറുകൾ എന്നിവയിലൂടെയും ഇതേ ഓഫറുകൾ ഞങ്ങൾക്ക് ലഭ്യമാകും. ടിവി സീരീസ് മെയ് 1 മുതൽ ഇന്ത്യയിൽ നിന്നും വാങ്ങാൻ ലഭ്യമാണ്. സാംസങ് നിയോ ക്യുഎൽഇഡി ടിവികൾ സിഇഎസ് 2021 ന് മുമ്പുള്ള കോൺഫറൻസിൽ അവതരിപ്പിച്ചു. ജനുവരിയിൽ ഈ സ്മാർട്ട് ടിവിയുടെ ഗ്ലോബൽ ലോഞ്ച് മാർച്ചിൽ നടക്കുമെന്ന് പ്രഖ്യപിച്ചിരുന്നു.

സാംസങ് നിയോ ക്യുഎൽഇഡി ടിവി സവിശേഷതകൾ

85 ഇഞ്ച്, 75 ഇഞ്ച്, 65 ഇഞ്ച്, 55 ഇഞ്ച്, 50 ഇഞ്ച് എന്നിങ്ങനെ അഞ്ച് വ്യത്യസ്ത വലുപ്പങ്ങളിൽ സാംസങ് നിയോ ക്യുഎൽഇഡി ടിവി വരുന്നു. ഇവയ്ക്ക് 8 കെ, 4 കെ എഡിഷനുകളുമുണ്ട്. എന്നാൽ, സ്‌ക്രീൻ വലുപ്പവും റെസല്യൂഷനും പരിഗണിക്കാതെ നിയോ ക്യുഎൽഇഡി ടിവി ലൈനപ്പിന് കീഴിലുള്ള എല്ലാ ടിവികൾക്കും ബാക്ക്ലൈറ്റിംഗ് സോഴ്സ് ആയി ക്വാണ്ടം മിനി എൽഇഡികളുണ്ട്. സാധാരണ എൽഇഡികളേക്കാൾ 40 മടങ്ങ് ചെറുതാണ് ഈ എൽഇഡികൾ. ഇത് മികച്ച പ്രകാശവും ദൃശ്യ തീവ്രതയും സൃഷ്ടിക്കാൻ ഡിസ്പ്ലേയെ സഹായിക്കുന്നുവെന്ന് കമ്പനി പറഞ്ഞു. നിയോ ക്യുഎൽഇഡി ടിവി ലൈനപ്പിൽ ബാലൻസിങ് ലൈറ്റിംഗ് ക്രമീകരിക്കുന്നതിനായി ക്വാണ്ടം മാട്രിക്സ് സാങ്കേതികവിദ്യയുണ്ട്.

നിയോ ക്യുഎൽഇഡി ടിവികൾക്ക് ശക്തി പകരാൻ സാംസങ് പ്രൊപ്രൈറ്ററി നിയോ ക്വാണ്ടം പ്രോസസർ നൽകിയിരിക്കുന്നു. ഉയർന്ന നിലവാരമുള്ള പ്രോസസ്സിംഗ് ചിപ്പ് ഇൻപുട്ട് ഗുണനിലവാരം കണക്കിലെടുക്കാതെ ചിത്രത്തിൻറെ ഗുണനിലവാരം 4 കെ, 8 കെ ഔട്ട്‌പുട്ടിലേക്ക് ഒപ്റ്റിമൈസ് ചെയ്യുമെന്ന് അവകാശപ്പെടുന്നു. ഒരു സൂപ്പർ അൾട്രാ-വൈഡ് ഗെയിം കാഴ്‌ചയും ഡെഡിക്കേറ്റഡ് ഗെയിം ബാർ ഉപയോഗിച്ച് പിസി, കൺസോൾ ഗെയിമുകൾ കളിക്കാൻ ഉപയോക്താക്കളെ അനുവദിക്കുന്ന മോഷൻ എക്‌സിലറേറ്റർ ടർബോ + സവിശേഷതയും പുതിയ ടിവി ലൈനപ്പിൽ ഉണ്ട്. കാലതാമസം കുറയ്‌ക്കുന്നതിനും തടസ്സങ്ങൾ ഒഴിവാക്കുന്നതിനുമായി ഒരു ഓട്ടോ ലോ ലേറ്റൻസി മോഡും ഉണ്ട്.

ഗെയിമിംഗ് കേന്ദ്രീകരിച്ചുള്ള സവിശേഷതകൾക്ക് പുറമേ, റൂം നിറഞ്ഞ ഓഡിയോ എക്സ്പിരിയൻസ് നൽകുന്നതിന് ഒബ്ജക്റ്റ് ട്രാക്കിംഗ് സൗണ്ട് പ്രോ, സ്പേസ് ഫിറ്റ് സൗണ്ട് തുടങ്ങിയ സവിശേഷതകളും നിയോ ക്യുഎൽഇഡി ടിവി ലൈനപ്പിൽ ഉണ്ട്. സീരിസിലെ നിയോ ക്യുഎൽഇഡി 8 കെ ടിവികൾ ഇൻഫിനിറ്റി വൺ ഡിസൈനിനൊപ്പം വരുന്നു. അത് മികച്ച വ്യൂയിങിനായി ബെസെൽ-ലെസ്സ് സ്ക്രീൻ നൽകുന്നു. ഏകീകൃത കേബിൾ മാനേജുമെന്റ് സിസ്റ്റമായി പ്രവർത്തിക്കുന്ന കമ്പനിയുടെ സ്ലിം വൺ കണക്റ്റ് ബോക്സിലും 8 കെ മോഡലുകൾ ബന്ധിപ്പിക്കാനാകും. സാംസങ് നിയോ ക്യുഎൽഇഡി 4 കെ ടിവികൾ വാങ്ങുന്ന ഉപയോക്താക്കൾക്ക് പാനലുകളിൽ രണ്ട് വർഷത്തെ വാറണ്ടിയും 10 വർഷത്തെ സ്‌ക്രീൻ ബേൺ-ഇൻ വാറണ്ടിയും ലഭിക്കും. നിയോ ക്യുഎൽഇഡി 8 കെ ടിവി മോഡലുകൾക്ക് രണ്ട് വർഷത്തെ പാനൽ വാറന്റി മാത്രമേ ലഭിക്കൂകയുള്ളു.