സാൻഡിസ്ക് എക്‌സ്ട്രീം, സാൻഡിസ്ക് എക്‌സ്ട്രീം പ്രോ പോർട്ടബിൾ എസ്എസ്ഡികൾ ഇന്ത്യയിൽ അവതരിപ്പിച്ച: വില, സവിശേഷതകൾ

സാൻഡിസ്ക് എക്‌സ്ട്രീം, സാൻഡിസ്ക് എക്‌സ്ട്രീം പ്രോ എസ്എസ്ഡികളുടെ വില ഇന്ത്യയിൽ

1 ടിബി, 2 ടിബി, 4 ടിബി ഓപ്ഷനുകളിൽ പുതിയ സാൻഡിസ്ക് എക്സ്ട്രീം പ്രോ പോർട്ടബിൾ എസ്എസ്ഡി ലഭ്യമാക്കി. 1 ടിബി മോഡലിന് 19,999 രൂപയും, 2 ടിബി മോഡലിന് 34,999 രൂപയുമാണ് വില വരുന്നത്. 4 ടിബി മോഡലിൻറെ വില ഇതുവരെ കമ്പനി വ്യക്തമാക്കിയിട്ടില്ല. ഈ ഗാഡ്‌ജറ് വിപണിയിൽ എപ്പോൾ ലഭിക്കുമെന്ന കാര്യം അടുത്ത മാസം നിശ്ചയിക്കും.

അതുപോലെ, പുതിയ സാൻഡിസ്ക് എക്‌സ്ട്രീം പോർട്ടബിൾ എസ്എസ്ഡി 500 ജിബി, 1 ടിബി, 2 ടിബി, 4 ടിബി മോഡലുകളിൽ ലഭ്യമാണ്. 500 ജിബി മോഡലിന് 7,999 രൂപയും, 1 ടിബി മോഡലിന് 12,999 രൂപയും, 2 ടിബി മോഡലിന് 27,499 രൂപയുമാണ് വില വരുന്നത്. 4 ടിബി മോഡലിൻറെ വില ഇതുവരെ വ്യക്തമാക്കിയിട്ടില്ല, മാത്രമല്ല ഇതിൻറെ ലഭ്യത 2021 ഏപ്രിലിൽ നിശ്ചയിക്കും. ഈ എസ്എസ്ഡികൾ ആമസോണിലും ഫ്ലിപ്കാർട്ടിലും വിൽപ്പനയ്‌ക്കെത്തിക്കുന്നു. ഇതിൽ സാൻഡിസ്ക് എക്‌സ്ട്രീം 500 ജിബിയ്ക്ക് 600 രൂപ കിഴിവും, സാൻഡിസ്ക് എക്‌സ്ട്രീം പ്രോ എസ്എസ്ഡി 1 ടിബി വേരിയന്റിന് നിശ്ചിത സമയത്തേക്ക് 1,000 രൂപയുമാണ് കിഴിവ് വരുന്നത്.

 

സാൻഡിസ്ക് എക്‌സ്ട്രീം, സാൻഡിസ്ക് എക്‌സ്ട്രീം പ്രോ എസ്എസ്ഡി സവിശേഷതകൾ

സാൻഡിസ്ക് എക്‌സ്ട്രീം പ്രോ എസ്എസ്ഡി 2,000 എംബിപിഎസ് വരെ റീഡ് സ്പീഡും 2,000 എംബിപിഎസ് വരെ റൈറ്റ് സ്പീഡും വാഗ്ദാനം ചെയ്യുന്നു. ഇതിന് ഒരു ഫോർജ്ഡ് അലുമിനിയം ചേസിസ് ഉണ്ട്. അത് പോർട്ടബിൾ ഫോം ഫാക്ടറിൽ ഉയർന്ന വേഗത നിലനിർത്താൻ ഒരു ഹീറ്റ്സിങ്കായി പ്രവർത്തിക്കുന്നു. ഡ്രൈവിൽ വരുന്ന ഫോർജ്ഡ് അലുമിനിയം ചേസിസ് സിലിക്കൺ ഷെൽ ഡിസൈൻ പോർട്ടബിൾ എസ്എസ്ഡിക്ക് പ്രീമിയം എക്സ്‌പീരിയൻസ് നൽകും.

1,050 എംബിപിഎസ് വരെ റീഡ് സ്പീഡും 1,000 എംബിപിഎസ് വരെ റൈറ്റ് സ്പീഡും സാൻഡിസ്ക് എക്‌സ്ട്രീം എസ്എസ്ഡിയിൽ ഉണ്ട്. ഇതിന് മോടിയുള്ള സിലിക്കൺ ഷെൽ മനോഹരവും അധിക സുരക്ഷയും നൽകുന്നു. രണ്ട് എസ്എസ്ഡികളും പാസ്‌വേഡ് സുരക്ഷയോടെയാണ് ഉപയോഗിക്കുന്നത്. എഇഎസ് ഹാർഡ്‌വെയർ എൻക്രിപ്ഷനിലേക്ക് അപ്‌ഗ്രേഡുചെയ്‌ത വിൻഡോസ്, മാക്, യുഎസ്ബി ടൈപ്പ്-സി ഫോണുകൾക്കും ഉപയോഗിക്കുവാൻ അനുയോജ്യമാണ്. പാസ്‌വേഡ് സുരക്ഷാ 256 ബിറ്റ് എഇഎസ് എൻ‌ക്രിപ്ഷൻ ഉപയോഗിക്കുന്നു. ഇത് വിൻഡോസ് 8, വിൻഡോസ് 10, മാകോസ് വി 10.9 + എന്നിവ സപ്പോർട്ട് ചെയ്യുന്നു. രണ്ട് മീറ്റർ ഡ്രോപ്പ് പ്രൊട്ടക്ഷൻ വരെ അതിജീവിക്കാൻ ഇതിന് കഴിയും, ഒപ്പം IP55 റേറ്റിംഗും ഉണ്ട്. സാൻഡിസ്ക് എക്‌സ്ട്രീം, സാൻഡിസ്ക് എക്‌സ്ട്രീം പ്രോ പോർട്ടബിൾ എസ്എസ്ഡികൾക്ക് പരിമിതമായ അഞ്ച് വർഷത്തെ വാറണ്ടിയുണ്ട്.