സെൻ‌ഹൈസർ മൊമന്റം ടി‌ഡബ്ല്യുഎസ് 2 ഇയർബഡ്സ് ആനിവേഴ്സറി എഡിഷൻ അവതരിപ്പിച്ചു

സെൻ‌ഹൈസർ മൊമന്റം ട്രൂ വയർലെസ് 2 ആനിവേഴ്സറി എഡിഷൻ ഇന്ത്യയിൽ

ഇന്ത്യയിലെ സെൻ‌ഹൈസർ‌ മൊമന്റം ട്രൂ വയർ‌ലെസ് 2 ആനിവേഴ്സറി എഡിഷന് 24,990 രൂപയാണ് വില വരുന്നത്. ഈ പ്രത്യേക എഡിഷൻ ഇയർബഡുകളുടെ വില സാധാരണ മൊമന്റം ട്രൂ വയർലെസ് 2 ഇയർബഡുകളുടേതിന് സമാനമാണ്. മാത്രമല്ല, പുതിയ ഇയർബഡുകൾ സെൻ‌ഹൈസർ ഇന്ത്യ ഓൺലൈൻ സ്റ്റോർ വഴി നിങ്ങൾക്ക് സ്വന്തമാക്കാവുന്നതാണ്.

സെൻ‌ഹൈസർ‌ മൊമന്റം ട്രൂ വയർ‌ലെസ് 2 ആനിവേഴ്സറി എഡിഷൻ: സവിശേഷതകൾ‌

ഡിസൈൻ‌ തിരിച്ച്, സെൻ‌ഹൈസർ മൊമന്റം ട്രൂ വയർ‌ലെസ് 2 ആനിവേഴ്സറി എഡിഷൻ ഓൾ ബ്ലാക്ക് ഡിസൈനിൽ വരുന്നു. ഇത് ഈ ബ്രാൻഡിൽ നിന്നും വരുന്ന സാധാരണ എഡിഷനിൽ നിന്നും വ്യത്യസ്തമാക്കുന്നു. ഓഡിയോ കമ്പനിയുടെ 75-ാം വാർഷികം ആഘോഷിക്കുന്നതിനായി സെൻ‌ഹൈസറിന്റെ ഒറിജിനൽ ലോഗോയും ഇയർബഡുകളുടെ മുകളിലും ചാർജിംഗ് കേസിലുമായി വരുന്നു. എന്നാൽ, ഡിസൈനിൽ‌ മാറ്റങ്ങൾ‌ വരുത്താതെ സെൻ‌ഹൈസർ‌ മൊമന്റം ട്രൂ വയർ‌ലെസ് 2 ആനിവേഴ്സറി എഡിഷൻ ഇയർ‌ബഡുകൾ‌ സാധാരണ വേരിയന്റിലെ അതേ സവിശേഷതകളുമായി വരുന്നു.

 

പുതിയ ഇയർബഡുകളിൽ 7 എംഎം ഓഡിയോ ഡ്രൈവറുകളുമായി വരുന്നു. മാത്രമല്ല, സജീവമായ നോയ്‌സ് ക്യാൻസിലേഷനൊപ്പം സ്റ്റീരിയോ ശബ്‌ദം നൽകാനും രൂപകൽപ്പന ചെയ്‌തിരിക്കുന്നു. ഏഴ് മണിക്കൂർ നീണ്ടുനിൽക്കുന്ന ഒരു ബിൽറ്റ്-ഇൻ ബാറ്ററിയും ഉണ്ട്. ചാർജിംഗ് കേസ് ഉപയോഗിച്ച് നിങ്ങൾക്ക് ബാറ്ററി ആയുസ്സ് 28 മണിക്കൂർ വരെ എക്സ്റ്റെൻഡ് ചെയ്യാനും കഴിയും. ഡീപ് ബാസ്, നാച്ചുറൽ മിഡുകൾ, വിശദമായ ട്രെബിൾ എന്നിവ വിതരണം ചെയ്യുന്നതിനായി സെൻ‌ഹൈസർ മൊമന്റം ട്രൂ വയർ‌ലെസ് 2 ആനിവേഴ്സറി എഡിഷനായി അറിയപ്പെടുന്നു. ഇയർബഡുകളിൽ ഒരു ബിൽറ്റ്-ഇൻ ഇക്വലൈസറും ഉൾപ്പെടുന്നു, ഒപ്പം സെൻ‌ഹൈസർ സ്മാർട്ട് കൺ‌ട്രോൾ ആപ്ലിക്കേഷനുമായി ചേർന്ന് ഓഡിയോ എക്‌സ്‌പീരിയൻസ് നൽകുന്നു.

അതിന്റെ പതിവ് മോഡൽ പോലെ, സെൻ‌ഹൈസർ അതിന്റെ മൊമന്റം ട്രൂ വയർലെസ് 2 ഇയർബഡുകളുടെ പ്രത്യേക എഡിഷനിൽ ടച്ച് കൺട്രോളുകൾ നൽകിയിരിക്കുന്നു. ഓഡിയോ, കോളുകൾക്കായി ഈ നിയന്ത്രണങ്ങൾ കസ്റ്റമൈസ്‌ ചെയ്യുവാൻ സാധിക്കും. കൂടാതെ, ടച്ച് നിയന്ത്രണങ്ങൾ ഉപയോഗിച്ച് നിങ്ങൾക്ക് ആപ്പിൾ സിരി, ഗൂഗിൾ അസിസ്റ്റന്റ് എന്നിവയുൾപ്പെടെയുള്ള വോയ്‌സ് അസിസ്റ്റന്റുമാരുമായി ഇടപഴകവുന്നതാണ്.

മൊമന്റം ട്രൂ വയർലെസ് 2 ഇയർബഡുകൾക്ക് ഒരു സ്മാർട്ട് പോസ് സവിശേഷതയുണ്ട്. അത് ചെവിയിൽ നിന്ന് ഇയർബഡ് പുറത്തെടുക്കുമ്പോൾ ഓഡിയോ താൽക്കാലികമായി നിർത്തുന്നു. ഇത് ആപ്പിൾ എയർപോഡുകളുടെ 'ഇയർ-ഡിറ്റക്ഷൻ' സവിശേഷതയ്ക്ക് സമാനമാണ്. കൂടാതെ, മെച്ചപ്പെട്ട വയർലെസ് ഓഡിയോ ട്രാൻസ്മിഷനായി ഇയർബഡുകൾ ആപ്റ്റ്എക്‌സ് ബ്ലൂടൂത്ത് കോഡെക്കിനെ സപ്പോർട്ട് ചെയ്യുന്നു.