സ്‌കൽ‌കാൻഡി ജിബ് ട്രൂ ടി‌ഡബ്ല്യുഎസ് ഇയർബഡ്സ് ഇന്ത്യയിൽ അവതരിപ്പിച്ചു: വില, സവിശേഷതകൾ

സ്‌കൽകാൻഡി ജിബ് ട്രൂ: ഇന്ത്യയിൽ വരുന്ന വില

ഇന്ത്യയിൽ‌ 2,999 രൂപയാണ് സ്‌കൾ‌കാൻ‌ഡി ജിബ് ട്രൂ വയർലെസ് ഇയർബഡുകൾക്ക് വരുന്ന വില. ഈ ഇയർബഡുകൾ ബ്ലൂ, ട്രൂ ബ്ലാക്ക് കളർ ഓപ്ഷനുകളിൽ വിപണിയിൽ വരുന്നു. അവ സ്കൽകാൻഡി വെബ്സൈറ്റ് വഴി നിങ്ങൾക്ക് സ്വന്തമാക്കാവുന്നതാണ്.

സ്‌കൽകാൻഡി ജിബ് ട്രൂ: സവിശേഷതകൾ

32 ഓംസ് ഇം‌പെഡൻസും 20 ഹെർട്സ് -20 കിലോ ഹെർട്സ് ഫ്രിക്യുൻസി റെസ്പോൺസുമുള്ള 40 എംഎം ഡ്രൈവറുകളാണ് സ്‌കൾകാൻഡി ജിബ് ട്രൂ ഇയർബഡുകളിൽ ഉൾപ്പെടുത്തിയിരിക്കുന്നത്. കണക്റ്റുചെയ്‌ത ഫോൺ പുറത്തെടുക്കാതെ തന്നെ വോളിയം ക്രമീകരിക്കാനോ അല്ലെങ്കിൽ ട്രാക്കുകൾ മാറ്റുവാനോ വോയ്‌സ് കോളുകൾ വിളിക്കാനോ ഗൂഗിൾ അസിസ്റ്റന്റ് അല്ലെങ്കിൽ സിരി ആക്റ്റീവ് ചെയ്യുവാനുമുള്ള കൺട്രോളുകളുണ്ട്. സിലിക്കൺ ടിപ്പിലൂടെ വരുന്ന നോയ്‌സ്-ഐസോലേറ്റിംഗ് ഫിറ്റും കമ്പനി ഉപയോഗിച്ചിട്ടുണ്ട്. ഇയർബഡുകൾ ബ്ലൂടൂത്ത് വി 5.0 കണക്റ്റിവിറ്റിയോടെയാണ് വരുന്നത്. ഇത് ആൻഡ്രോയിഡ് ഡിവൈസുകൾക്കും ഐഫോണിനും അനുയോജ്യമാണ്.

സ്‌കൽ‌കാൻ‌ഡി ജിബ് ട്രൂ ഇയർ‌ബഡുകൾ‌ ഒരൊറ്റ ചാർ‌ജിൽ‌ ആറ് മണിക്കൂർ നീണ്ടുനിൽക്കും. ഇതോടപ്പം വരുന്ന കേസ് 16 മണിക്കൂർ അധിക സമയം നൽകുന്നു. ഇത് മൊത്തം 22 മണിക്കൂർ ബാറ്ററി ലൈഫ് നൽകുന്നു. ഈ ഇയർബഡുകൾ വൺപ്ലസ് ബഡ്സ് ഇസെഡ് വാഗ്ദാനം ചെയ്ത 20 മണിക്കൂർ ഉപയോഗത്തേക്കാൾ രണ്ട് മണിക്കൂർ കൂടുതൽ സമയമാണ് നൽകുന്നത്. എന്നാൽ, വൺപ്ലസ് ഓഫർ ചെയ്യുന്നതിൽ നിന്ന് വ്യത്യസ്തമായി സ്‌കൽകാൻഡിക്ക് ഫാസ്റ്റ് ചാർജിംഗ് സപ്പോർട്ട് നൽകിയിട്ടുണ്ടോ എന്ന കാര്യം ഇതുവരെ കമ്പനി വ്യക്തമാക്കിയിട്ടില്ല. ജിബ് ട്രൂ ഇയർബഡുകൾക്ക് 228 ഗ്രാം ഭാരമാണ് വരുന്നത്.