സ്‌കൽ‌കാൻഡി സ്‌പോക്ക് ടി‌ഡബ്ല്യുഎസ് ഇയർബഡ്സ് ഇന്ത്യയിൽ അവതരിപ്പിച്ചു: വില, സവിശേഷതകൾ

ഇന്ത്യയിൽ സ്‌കൾകാൻഡി സ്‌പോക്ക് ടിഡബ്ല്യുഎസ്: വില, വിൽപ്പന

സ്‌കൾകാൻഡി സ്‌പോക്ക് ട്രൂ വയർലെസ് ഇയർബഡുകൾക്ക് ഇന്ത്യയിൽ 7,999 രൂപയാണ് വില വരുന്നത്. എന്നാൽ, അവ നിലവിൽ കമ്പനി വെബ്‌സൈറ്റിൽ വെറും 2,999 രൂപയ്ക്ക് പട്ടികപ്പെടുത്തിയിട്ടുണ്ട്. ലിമിറ്റഡ് ടൈം ലോഞ്ച് ഓഫറിന്റെ ഭാഗമായാണ് ഈ വില കുറയ്ക്കുന്നതെന്ന് സ്‌കൽകാൻഡി പറയുന്നു. ഈ സ്‌കൾകാൻഡി ഇയർബഡുകൾ ഒരൊറ്റ ട്രൂ ബ്ലാക്ക് കളർ ഓപ്ഷനിൽ ഇതിനകം വിൽപ്പനയ്‌ക്കെത്തിയിട്ടുണ്ട്.

സ്‌കൾകാൻഡി സ്‌പോക്ക് ടിഡബ്ല്യുഎസ്: സവിശേഷതകൾ

സ്‌കൾകാൻഡി സ്‌പോക്ക് ട്രൂ വയർലെസ് ഇയർബഡുകൾ 14 മണിക്കൂർ വരെ ബാറ്ററി ലൈഫ് നൽകുന്നതായി അവകാശപ്പെടുന്നു. ചാർജിംഗ് കേസുമായി വരുന്ന ഈ ഓഡിയോ ഡിവൈസ് 10 മണിക്കൂർ ബാറ്ററി ലൈഫ് വാഗ്ദാനം ചെയ്യുന്നു. അതേസമയം ഇയർബഡുകൾ ഒരൊറ്റ ചാർജിൽ നാല് മണിക്കൂർ ബാറ്ററി ലൈഫ് ലഭ്യമാക്കുന്നു.

കോളുകൾ, മ്യൂസിക് ചേഞ്ച്, വോളിയം ലെവൽ, ആക്റ്റീവ് അസിസ്റ്റന്റ്, ഇക്യു മോഡുകൾ എന്നിവയ്‌ക്കായുള്ള നിയന്ത്രണങ്ങളുമായാണ് സ്‌കൾകാൻഡി സ്‌പോക്ക് വരുന്നത്. പുതിയ ഗോ സോളോ സവിശേഷത ഉപയോഗിച്ച് ഒരു ഇയർബഡ് ഉപയോഗിക്കാനുള്ള കഴിവും സ്‌കൾകാൻഡി വാഗ്ദാനം ചെയ്യുന്നു. ഐ‌പി‌എക്സ് 4 സ്വീറ്റ് ആൻഡ് വാട്ടർ റെസിസ്റ്റൻസാണ് സ്‌കൽ‌കാൻഡി സ്‌പോക്ക്. ഇത് ഉയർന്ന ശബ്ദമില്ലാതെ ഗുണനിലവാരമുള്ള ഓഡിയോ അനുഭവം ഉറപ്പാക്കുന്ന ഒരു ‘ശബ്ദ ഇൻസുലേറ്റിംഗ് ഫിറ്റ്' സവിശേഷതയുമായി വരുന്നു.

രണ്ട് വർഷത്തെ വാറണ്ടിയോടെയാണ് സ്‌കൾകാൻഡി സ്‌പോക്ക് ഇയർബഡുകൾ വിപണിയിൽ വരുന്നത്. ഇത് ബ്ലൂടൂത്ത് വി 5 നെ സപ്പോർട്ട് ചെയ്യുന്നു. 8 എംഎം ഡ്രൈവർ വ്യാസമുണ്ട്, കൂടാതെ ഫ്രീക്യുൻസി റെസ്പോൺസ് 20 ഹെർട്സ് മുതൽ 20 കിലോ ഹെർട്സ് വരെയാണ്. 57 ഗ്രാമാണ് ഈ ഇയർബഡുകൾക്ക് വരുന്ന ഭാരം.