സോണി ഡബ്ല്യുഎഫ് 1000 എക്‌സ്എം 4 ഇയർബഡുകളുടെ ചോർന്ന വിലയും, മറ്റ് സവിശേഷതകളും

നേരത്തെ, സോണി ഡബ്ല്യുഎഫ് -1000 എക്‌സ്എം 4 ൻറെ റെൻഡറുകൾ മാത്രമേ ഓൺലൈനിൽ ചോർന്നുള്ളൂ. എന്നാൽ, ഇപ്പോൾ ഈ ഇയർബഡുകളുടെ വിലയും ഒരു സ്ലൊവാക്യൻ വെബ്‌സൈറ്റിൽ പ്രത്യക്ഷപ്പെട്ടു കഴിഞ്ഞു. വാക്ക്മാൻ ബ്ലോഗ് അനുസരിച്ച്, സോണി ഡബ്ല്യുഎഫ് -1000 എക്‌സ്എം 4 ഇതിനകം ഒരു വെബ്‌സൈറ്റിൽ പട്ടികപ്പെടുത്തിയിട്ടുണ്ട്. ലിസ്റ്റിംഗ് ഈ ഇയർബഡുകളുടെ വിലയ്‌ക്കൊപ്പം പൂർണ്ണ സവിശേഷതകളും വെളിപ്പെടുത്തുന്നു. സ്ലോവാക്യൻ വെബ്‌സൈറ്റിലെ ലിസ്റ്റിംഗ് പ്രകാരം സോണി ഡബ്ല്യുഎഫ് -1000 എക്‌സ്എം 4 ന് 279.90 (ഏകദേശം 24,000 രൂപ) വില നൽകിയിട്ടുണ്ട്. പ്രധാനപ്പെട്ട സവിശേഷതകളിൽ വീഡിയോ ആക്റ്റീവ് നോയ്‌സ് ക്യാൻസലിങ്, വയർലെസ് ചാർജിംഗ്, സ്‌പോക്ക്-ടു-ചാറ്റ് എന്നിവ ഉൾപ്പെടെയുള്ള സവിശേഷതകളുമായി ഇയർബഡുകൾ വിപണിയിൽ വരുമെന്ന് സ്ഥിരീകരിച്ചു.

സോണി ഡബ്ല്യുഎഫ് -1000 എക്‌സ്എം 4 ആക്റ്റീവ് നോയ്‌സ് ക്യാൻസലിങ്ങുമായി വരും, അത് ഡബ്ല്യുഎഫ്-1000 എക്‌സ്എം 3 ലും ഉണ്ടായിരുന്നു, എന്നാൽ, വരാനിരിക്കുന്ന ഈ ഓഡിയോ ഡിവൈസ് മറ്റൊരു പ്രോസസർ ഉപയോഗിക്കും. ഇത് ആക്റ്റീവ് നോയ്‌സ് ക്യാൻസലിങിൻറെ പ്രകടനം വർദ്ധിപ്പിക്കും. WH-1000XM3 ൽ കണ്ടെത്തിയ QN1e പ്രോസസറിന് പകരം പുതിയ സോണി V1 ഇന്റഗ്രേറ്റഡ് പ്രോസസറാണ് സോണി WF-1000XM4 ന് മികച്ച പ്രവർത്തനക്ഷമത നൽകുന്നത്.

2020 ൽ സോണി ഡബ്ല്യുഎച്ച്-1000 എക്‌സ്എം 4 ഇയർബഡുകളിൽ മുമ്പ് കണ്ട സ്പീക്ക്-ടു-ചാറ്റ് സവിശേഷതയാണ് ഏറെ പ്രതീക്ഷയോടെ കാത്തിരിക്കുന്ന മറ്റൊരു സവിശേഷത. ഈ സവിശേഷത ട്രാന്സ്പരെന്റ് മോഡിൽ ഓണാക്കുകയും ഉപയോക്താവിന്റെ ശബ്ദം കേൾക്കുമ്പോൾ മ്യൂസിക് നിർത്തുകയും ചെയ്യുന്നു. ഇതിൽ വാട്ടർ ആൻഡ് ഡസ്റ്റ് റെസിസ്റ്റൻസ് ഐപിഎക്സ് 4 റേറ്റിംഗ് വരുന്നു. സ്വെറ്റ്‌ അല്ലെങ്കിൽ വാട്ടർ റെസിസ്റ്റൻസ് ഇല്ലാത്ത WF-1000XM3 നെ അപേക്ഷിച്ച് ഇത് ഒരു മികച്ച മാറ്റമാണ്. മെച്ചപ്പെട്ട ബാറ്ററി ലൈഫുമായി എക്‌സ്എം 4 എത്തുമെന്ന് റിപ്പോർട്ടുകൾ അവകാശപ്പെടുന്നു. ഈ റിപ്പോർ‌ട്ടുകൾ‌ ശരിയാണെങ്കിൽ, ആക്റ്റീവ് നോയ്‌സ് ക്യാൻസലിങ് ഉപയോഗിച്ച് ഈ ഇയർബഡുകൾ 8 മണിക്കൂർ വരെയും, ആക്റ്റീവ് നോയ്‌സ് ക്യാൻസലിങ് ഇല്ലാതെ 12 മണിക്കൂർ വരെയും തുടരും.