സൗണ്ട്കോർ ലൈഫ് ക്യു 20 വയർലെസ് ഹെഡ്‌ഫോണുകൾ ഇന്ത്യയിൽ അവതരിപ്പിച്ചു: വില, സവിശേഷതകൾ

സൗണ്ട്കോർ ലൈഫ് ക്യു 20: ഇന്ത്യയിൽ വില

സൗണ്ട്കോർ ലൈഫ് ക്യു 20 വയർലെസ് ഹെഡ്‌ഫോണുകൾക്ക് ഇന്ത്യയിൽ 9,999 രൂപയാണ് വില വരുന്നത്. ഈ ഹെഡ്‍ഫോൺ ഒരൊറ്റ ബ്ലാക്ക് കളർ ഓപ്ഷനിൽ ലഭ്യമാണ്. ഫ്ലിപ്കാർട്ട് വഴി നിങ്ങൾ ആക്സിസ് ബാങ്ക് ക്രെഡിറ്റ് കാർഡുകൾ ഉപയോഗിച്ച് വാങ്ങുമ്പോൾ അഞ്ച് ശതമാനം അൺലിമിറ്റഡ് ക്യാഷ് ബാക്ക്, ആക്സിസ് ബാങ്ക് ബസ്സ് ക്രെഡിറ്റ് കാർഡുകൾക്ക് അഞ്ച് ശതമാനം കിഴിവ്, പ്രതിമാസം 1,111 രൂപ മുതൽ ആരംഭിക്കുന്ന ഇഎംഐ ഓപ്ഷനുകൾ എന്നിവ വാഗ്ദാനം ചെയ്യുന്നു. കൂടാതെ, എക്‌സ്‌ചേഞ്ച് ഡിസ്‌കൗണ്ട് 1,000 രൂപയും ലഭിക്കുന്നതാണ്. മുൻപ്, സൂചിപ്പിച്ചതുപോലെ, സൗണ്ട്കോർ ലൈഫ് ക്യു 20 വയർലെസ് ഹെഡ്‌ഫോണുകൾ 18 മാസം വാറണ്ടിയും ലഭിക്കും.

സൗണ്ട്കോർ ലൈഫ് ക്യു 20 സവിശേഷതകൾ

സൗണ്ട്കോർ ലൈഫ് ക്യു 20 വയർലെസ് ഹെഡ്‌ഫോണുകൾ ഹൈബ്രിഡ് എഎൻസി സപ്പോർട്ടുമായി വരുന്നു. അതിന്റെ നാല് ഇൻബിൽറ്റ് ഹൈ-സെൻസിറ്റിവിറ്റി എഎൻസി മൈക്രോഫോണുകൾ (അകത്തും പുറത്തും സ്ഥാപിച്ചിരിക്കുന്നു) ഈ ഡിവൈസിനെ കൂടുതൽ പ്രവർത്തനക്ഷമമാക്കി. പുറത്ത് നിന്നും വരുന്ന കാറുകൾ, വിമാനങ്ങൾ എന്നിവപോലുള്ളവയുടെ ശബ്‍ദം 90 ശതമാനം വരെ ഇതിൽ കുറയ്ക്കാൻ കഴിയും. ലൈഫ് ക്യു 20 ഹെഡ്‌ഫോണുകളിൽ ക്രമീകരിക്കാവുന്ന പാഡ്ഡ് ഹെഡ്‌ബാൻഡ്, 90 ഡിഗ്രി വരെ നീങ്ങുന്ന ഫോൾഡബിൾ ഇയർ കപ്പുകൾ തുടങ്ങിയവ വരുന്നു. ഹെഡ്‌ഫോണുകൾ രൂപകൽപ്പന ചെയ്തിരിക്കുന്നത് ചെവിക്ക് വേദനയോ അസ്വസ്ഥതയോ വരാതിരിക്കുവാൻ ചുറ്റും ഇയർകപ്പുകൾ യോജിക്കുന്ന രീതിയിൽ ഉൾപ്പെടുത്തിയിരിക്കുന്നു എന്നാണ് കമ്പനി പറയുന്നത്.

മികച്ച ഓഡിയോ ക്വാളിറ്റി സപ്പോർട്ടുള്ള ഹൈ-റെസ് ഓഡിയോയ്ക്കും ഹെഡ്‌ഫോണുകളിൽ 40 എംഎം, ഡൈനാമിക് ഡ്രൈവറുകൾ ഉണ്ട്. സൗണ്ട്കോർ ലൈഫ് ക്യു 20 വയർലെസ് ഹെഡ്‌ഫോണുകൾ 100 ശതമാനത്തിലധികം ബാസ് വർദ്ധിപ്പിക്കുമെന്ന് അവകാശപ്പെടുന്ന ബാസ്അപ്പ് സാങ്കേതികവിദ്യയെ സപ്പോർട്ട് ചെയ്യുന്നു. പ്ലേ ബട്ടൺ രണ്ട് തവണ അമർത്തി ഉപയോക്താക്കൾക്ക് ഈ ബാസ്അപ്പ് മോഡ് പ്രവർത്തനക്ഷമമാക്കാനും ശബ്‌ദത്തിലെ വ്യത്യാസം ഉടനടി കേൾക്കാനും കഴിയും. സൗണ്ട്കോർ ലൈഫ് ക്യു 20 ഹെഡ്‌ഫോണുകൾക്ക് ആക്റ്റീവ് നോയ്‌സ് ക്യാൻസിലേഷൻ മോഡിൽ 30 മണിക്കൂർ വയർലെസ് പ്ലേബാക്ക് സമയവും സ്റ്റാൻഡേർഡ് മോഡിൽ 60 മണിക്കൂർ വരെ പ്ലേബാക്ക് സമയവും ലഭിക്കുന്നു.

ലൈഫ് ക്യു 20 ഹെഡ്‌ഫോണുകൾ ഫാസ്റ്റ് ചാർജിംഗിനെ സപ്പോർട്ട് ചെയ്യുന്നുവെന്ന് സൗണ്ട്കോർ അവകാശപ്പെടുന്നു. അഞ്ച് മിനിറ്റ് ചാർജ് നാല് മണിക്കൂർ വരെ പ്ലേബാക്ക് വാഗ്ദാനം ചെയ്യുന്നു. ബ്ലൂടൂത്ത് 5.0 അനുയോജ്യത കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. വയർഡ് പ്ലേബാക്കിന്റെ ആവശ്യകത വരുമ്പോൾ ഉപയോഗിക്കുവാൻ ഒരു 3.5 എംഎം ഓക്സ് കേബിളും ബോക്സിലുണ്ട്.